Pej blong Yumi
Wan dei, i no long taem bifo mi bin baptaes, mi bin stap long haos blong bubuwoman blong mi taem hem i go long rum we i stap andanit long haos blong karem wan samting. Hem i mestem mo foldaon mo no save girap. Hem i singaotem mi, be mi bin stap lukluk Tivi mo no harem hem. Afta kolosap 10 minit, mi harem nem blong mi long wan kwaet wei, “!Tom!” mi go blong lukaotem hem mo faenem hem we i stap leidaon long floa. Mi no bin strong inaf blong helpem leftemap hem, so mi ron i go long haos blong wan neiba. Hem i bin kam mo helpem leftemap Bubuwoman.
Bubuwoman i talem long mi, “Tom, yu bin harem Tabu Spirit. Mi bin stap longwe long yu blong yu harem mi.”
Mi save se Tabu Spirit ia we i wispa long mi. Naoia we mi baptaes, mo mi glad blong gat presen ia we i Tabu Spirit.
Tom R., 8 yia, Jemani
Natalia A., 10 yia, Kolombia
Olivia I., 8 yia, blong Romania, i laekem blong helpem mama blong hem blong klinim haos. Mama blong hem i tijim hem mo 13 long ol fren blong hem, mo taem oli spel, hem i laekem blong mekem se hem i tija. Hem i laekem blong go long ol trip wetem papa mo mama blong hem mo spendem taem wetem bubuman mo bubuwoman blong hem. Taem hem i bin baptaes, hem i bin filim se Papa long Heven i stap kolosap long hem, mo hem i glad mo talem tangkyu we hem i save gat Tabu Spirit blong helpem hem mekem ol desisen. Singsing long Praemeri we hem i laekem tumas hem i “Follow the Prophet [Folem Profet]” (Children’s Songbook, 110).
Liu C., 7 yia, Ikwado
Tieri M., 7 yia, blong Brasil, i laekem blong atendem Praemeri mo singsing ol hym. Hem i save se tempol i haos blong Lod.
Mi laekem blong go long jos wetem famle blong mi mo lanem abaot Jisas Kraes. Long hom, mi laekem blong ridim mo lanem ol skripja stori, singsing ol hym, mo pleplei ol gem long taem blong famle haos naet. Gospel blong Jisas Kraes i blesem famle blong mi, mo i mekem mi filim hapi. Mi bin givim Buk blong Momon long tri tija long skul blong mi mo long famle blong bes fren blong mi, Migel.
Martim P., 6 yia, Potugal