Lukluk I Go Antap

Pikja

Official portrait of Elder Adrian Ochoa of the Second Quorum of the Seventy, 2013. Sustained at the April 2013 general conference. Formerly second counselor in the general Young Men Presidency.

I Kam long Elda Adrian Okoa

Blong Olgeta Seventi

Long “Look Up,” Liahona, Nov. 2013, 102.

“Be oltaem yufala i mas rere, mo yufala i mas prea.” (Luk 21:36).

Taem mi bin gat eit yia, oli bin sendem mi mo tu long ol kasen blong mi i go long wan taon kolosap blong karem sam kaekae. Lukluk bak, mi sapraes long olsem wanem bubuwoman mo anti mo angkel i bin gat tras long mifala. Long moning, skae i bin klia mo i saen taem mifala i stap aot long ol trifala hos blong mifala.

Long medel blong ol grin gras, mifala i bin gat wan gud tingting se bae mifala i mas go daon long hos mo pleplei mabol. Mifala i bin bisi tumas long gem blong mifala we mekem se mifala i no bin luk i go antap blong luk tudak i stap kavremap skae. Taem mifala i kam blong luksave wanem i stap hapen, se wan strong win i stap kam, mifala i no bin gat inaf taem blong tekem ol hos i go antap. Hevi mo strong ren ia i bin kasem mifala mo fas strong long ol fes blong mifala, mekem se mifala i no save tingting long wan samting blong mekem be karemaot blangket long ol hos ia mo kavremap mifala long ol blangket ia blong hos. Afta ol hos blong mifala oli ronwe.

Mifala i no yusum hos, wetwet mo kolkol, mifala i gohed long rod blong mifala, mo traem bes blong muv kwik kasem wan taon we i kolosap. I bin let long naet, taem mifala i faenem wan hom mo noknok long doa. Famle ia i bin draemap, mo fidim mifala wetem ol bin roti, mo afta putum mifala long bed long wan rum wetem wan floa we i doti.

Mi mo ol kasen blong mi i bin wekap long moning long wan naes dei we san i saen mo skae i naes. Wan man i noknok long doa, mo i stap lukaotem tri boe we i bin lus. Bae mi neva save fogetem wanem we mi bin luk long rod blong mifala i go hom—pipol i fulap we oli bin stap lukaotem mifala ful naet ia. Long fored blong olgeta, hem i bubuwoman we i lavem mifala mo angkel mo anti blong mi. Oli bin haggem mifala mo krae, wetem glad se oli bin faenem ol pikinini blong olgeta we oli bin lus.

Papa blong yumi long Heven we i lavem yumi, i save yumi. Hem i glad tumas mo wet blong yumi gobak hom. I gat ol saen mo ol strong win long saed blong spirit raon long yumi. Bae yumi luk i go antap mo rer long laef blong yumiwan taem yumi mekem ol testemoni blong yumi i kam strong moa evri dei.

Pikja i kam long Sowna Teni