1 Koute epi tande, O kay Jakòb la, nou menm ki pote non Izrayèl, ki sòti nan dlo Jida yo oubyen nan dlo ^abatèm nan, ki sèmante sou non Senyè a, ki mansyone non Bondye Izrayèl la, men yo pa sèmante nan laverite ni nan lajistis.

2 Malgre yo di yo fè pa ti nan ^avil sen an, yo pa apiye sou Bondye Izrayèl la, ki se Senyè tout Lame yo; wi, non li se Senyè tout Lame yo.

3 Gade, m te deklare ^abagay ki te pase yo depi nan kòmansman; e yo te sòti nan bouch mwen, e m te montre yo. M te montre yo briskeman.

4 Epi, m te fè sa paske m te konnen tèt ^anou di, e kou nou se yon baton fè, e fon nou fèt avèk eren;

5 Epi, depi nan kòmansman m te deklare nou, anvan sa pase m te montre nou yo; e m te montre nou yo pou nou kapab pa di—^azidòl mwen an te fè yo, e imaj taye m nan ak imaj metal mwen an te kòmande yo.

6 Nou te wè epi nou te tande tout bagay sa yo; e nou pa vle deklare yo? Epi m te montre nou nouvo bagay depi lè sa, a menm bagay ki te kache, e nou pa t konnen yo.

7 Se kounyeya yo kreye, se pa depi nan kòmansman, menm anvan jou w pa t tande yo a, yo te deklare yo, pou pa di—M te deja konnen yo.

8 Wi, w pa t tande; wi, pa t konnen; wi, depi lè sa a, zòrèy w pa t louvri; paske m te konnen anpil w ta pral fè koken, e w te yon ^atransgresè depi nan vant.

9 Men, pou respè ^anon pa m, m poko ap move, e pou onè pa m, m ap retire kò m bò kote w, pou m pa rejte w devan m.

10 Paske gade, m te rafine w, m te chwazi w nan flanm dife ^aafliksyon.

11 Pou pwòp tèt pa m, wi, pou tèt pa m, m ap fè sa, paske, m p ap kite ^anon mwen sal, e m ^bp ap bay yon lòt moun laglwa m nan.

12 Koute mwen, O Jakòb ak Izrayèl m te bay apèl la, paske m se; m se ^apremye a, epi m se dènye a tou.

13 Se men pa m ki te ^afè fondasyon tè a tou, e men dwat mwen te mezire syèl la. M rele yo, e yo kanpe ansanm.

14 Tout moun, rasanble w e tande; kiyès nan pami yo ki te deklare yo bagay sa yo? Senyè a te renmen l; wi, e pawòl li te fè yo deklare yo, l ap ^aakonpli yo; e l ap fè sa li vle avèk ^bBabilòn, e ponyèt li pral vini sou Kaldeyen yo.

15 Men sa Senyè a di tou: Mwen menm Senyè a, m te pale; wi, m te chwazi l pou deklare, m te mennen li, e l ap fè chemen l pwospere.

16 Vini tou prè mwen; m pa t pale an ^akachèt; depi nan kòmansman, depi lè anons la te fin fèt, m te pale; e Senyè Bondye a ak Lespri l, te voye m.

17 Men sa Senyè a, ^aRedanmtè an, Sen Izrayèl la di: m te voye l, Senyè Bondye nou an ki ansenye nou pou nou pwofite, ki ^bkondi nou nan chemen nou dwe ale, se li ki te fè sa.

18 O, si nou te koute ^akomandman m yo—lapè nou t ap tankou yon rivyè, e lajistis nou t ap tankou vag lanmè yo.

19 ^aDesandan w yo t ap tankou sab yo; pitit nan vant w t ap tankou grenn sab; non l pa t dwe rejte ni detwi devan m.

20 ^aSòti nan Babilòn, sove nan mitan Kaldeyen yo, deklare avèk yon vwa mizikal, di sa, pale avèk ekstremite latè a; di konsa: Senyè a te rachte Jakòb, ^bsèvitè li a.

21 Epi, yo pa t ^aswaf; li te dirije yo nan dezè yo; li te fè dlo sòti nan ^bwòch la pou yo; li te fann wòch la tou epi dlo te jayi sòti.

22 Epi, malgre l te fè tout bagay sa yo ak lòt pi gwo bagay ankò, Senyè a di, pa gen ^alapè pou mechan yo.