Jerizalèm

Yon vil nan Izrayèl modèn nan. Se vil ki pi enpòtan nan istwa biblik. Kèk nan kote ki pi sakre pou Kretyen, Juif, ak Mizilman yo se nan vil sa a epi anpil kwayan fidèl vizite yo regilyèman. Yo refere l souvan yo rele l vil sen an.

Yon lè yo te rele l Salèm (Jen. 14:18; Sòm 76:2), Jerizalèm te yon vil Jebizyen jistan David te pran l epi (Joz. 10:1; 15:8; 2 Sam. 5:6–7), fè L tounen kapital pa l. Anvan lè sa a, li te sèvi plis kòm yon fò sou yon mòn, anviwon 2600 pye (800 mèt) anlè nivo lanmè a. Li antoure avèk vale fon tout alantou eksepte nan nò.

Pandan rèy Wa David nan Jerizalèm, li te rete nan yon palè an bwa. Sepandan, pandan rèy Salomon an, pèp la te fè anpil bagay pou yo anbeli vil la, epi yo te konstwi palè wa a ak tanp la.

Apre wayòm Izrayèl yo ak wayòm Jida a te fin divize, Jerizalèm te rete kòm kapital Jida. Lame anvayisè te atake l souvan (1 Wa 14:25; 2 Wa 14:13; 16:5; 18–19; 24:10; 25). Sou Ezekyas Jerizalèm te vin tounen sant adorasyon relijye men yon pati ladan l te detwi an 320 anvan Jezikri, 168 anvan Jezikri, ak 65 anvan Jezikri, Ewòd te rebati miray yo ak tanp la, men nan 70 apre Jezikri, Women yo te detwi l nèt.