Mataupu 8

Ua vaai Liae i le laau o le ola i se faaaliga vaaia—Ua ʼai o ia i lona fua ma ua manao ia faapea ona faia e lona aiga—Ua vaai o ia i se āi uʼamea, i se ala lauitiiti ma le vaapiapi, ma le puao o le pogisa ua siomia ai tagata—Ua aai Sarai, Nifae, ma Sama i le fua o le laau, ae ua mumusu Lamana ma Lemuelu. E tusa o le 600–592 T.L.M.

 Ma sa oo ina matou faaputuputu faatasi ituaiga uma o fatu eseese, o kuranuma o ituaiga eseese, ma fatu foi o laau ʼaina o ituaiga uma.

 Ma sa oo aʼo nofo loʼu tamā i le vao, sa tautala mai o ia ia te i matou, fai mai: Faauta, sa ou amiti se miti; pe, i ni isi upu, sa ou vaai i se efaaaliga vaaia.

 Ma faauta, ona o le mea sa ou vaai i ai, ua ia te aʼu se pogai ou te olioli ai i le Alii ona o aNifae ma Sama foi; ona ua ia te aʼu se pogai ua ou manatu ai o i laua, ma le toatele o a laua fanau, o le a faaolaina.

 Ae faauta, aLamana ma Lemuelu, ua ou fefe tele ona o oulua; aua faauta, ua ou manatu sa ou vaaia i laʼu miti, se vao pouliuli ma le pagatia.

 Ma sa oo ina ou vaai i se tagata, ma sa ofu o ia i se aofu talaloa paʼepaʼe; ma sa afio mai o ia ma tu i oʼu luma.

 Ma sa oo ina fetalai mai o ia ia te aʼu, ma fetalai mai ia te aʼu e mulimuli atu ia te ia.

 Ma aʼo ou mulimuli atu ia te ia sa ou vaai ua ou i ai i totonu o se gaogao pogisa ma pagatia.

 Ma ina ua uma ona ou malaga i le va o ni itula e tele i le pogisa, sa amata ona ou tatalo atu i le Alii ia aalofa mutimutivale mai ia te aʼu, e tusa ma le tele o lona alofa mutimutivale agamalu.

 Ma sa oo ina ua uma ona ou tatalo atu i le Alii, sa ou vaaia se afanua tele ma le ateatea.

 10 Ma sa oo ina ou vaaia se alaau, o ona efua sa manaomia lava e faafiafia ai le tagata.

 11 Ma sa oo ina ou alu atu ma ʼai i lona afua; ma sa ou iloa ua sili ona suamalie, nai lo o mea uma sa ou tofo muamua i ai. Ioe, ma sa ou vaai o le fua o le laau ua paʼepaʼe, ua sili atu nai lo emea papaʼe uma ua ou vaai i ai.

 12 Ma aʼo ou ʼai le fua o le laau, sa faatumulia loʼu agaga i le aolioli tele; o le mea lea, sa amata ai ona ou emanao ia aai ai foi loʼu aiga; ona ua ou iloa ua sili atu ona imanaomia nai lo isi fua uma.

 13 Ma aʼo vaavaai solo atu oʼu mata, pe atonu e mafai ona ou iloa atu foi loʼu aiga, sa ou vaaia se avaitafe; ma sa tafe ane, ma sa latalata i le laau lea sa ou ʼaia lona fua.

 14 Ma sa ou tilotilo e vaai atu po o fea e tafe mai ai; ma sa ou vaai i lona mata sa mamao ese atu laitiiti; ma i lona mata sa ou vaaia ai lo outou tinā, o Sarai, ma Sama, ma Nifae; ma sa latou tutu mai e peiseai sa latou lē iloa le mea e tatau ona latou o i ai.

 15 Ma sa oo ina ou talo atu ia te i latou; ma sa ou fai atu foi ia te i latou ma se leo tele ia latou o mai ia te aʼu, ma aai i le fua ua sili ona manaomia nai lo isi fua uma lava.

 16 Ma sa oo ina latou o mai ia te aʼu ma aai foi i le fua.

 17 Ma sa oo ina ou manao ia Lamana ma Lemuelu ia o mai ma aai foi i le fua; o le mea lea, na ou vaavaai atu ai i le mata o le vai, atonu pe mafai ona ou iloa atu i laua.

 18 Ma sa oo ina ou vaai atu ia te i laua, peitai sa laua a fia o mai ia te aʼu ma aai i le fua.

 19 Ma sa ou vaai i se aāi uʼamea, ma sa alu faasolo ane i le auvai o le vaitafe, ma sa tau mai i le laau lea sa ou tu ai i ona tafatafa.

 20 Ma sa ou vaai foi i se aala lauitiiti ma le vaapiapi, sa sau mai autafa o le āi uʼamea, e oo mai lava i le laau lea sa ou tu ai i ona tafatafa; ma sa alu atu foi i tafatafa o le mata o le vaipuna, i se efanua tele ma le ateatea, e peiseai o se lalolagi.

 21 Ma sa ou vaai i motu o tagata e lē masino, o le toatele o i latou sa fetaomi mai i luma, ina ia latou maua le aala e tau mai i le laau lea sa ou tu ai i ona tafatafa.

 22 Ma sa oo ina latou o mai i luma ma amata ona savavali i le ala e tau mai i le laau.

 23 Ma sa oo ina alu aʼe se apuao o le pogisa; ioe, o se puao tele lava o le pogisa, sa oo ina lē iloa ai e i latou o e na amata ona savavali i le ala, lo latou ala, ma latou feseseaʼi ai, ma leiloloa.

 24 Ma sa oo ina ou vaai i isi o fetaomi mai i luma, ma sa latou o mai ma fepiiti i le pito o le āi uʼamea; ma sa latou fetaomi mai i luma e ala mai i le puao o le pogisa, ma fepiiti i le āi uʼamea, seia oo lava ina latou oo mai ma aai i le afua o le laau.

 25 Ma ina ua uma ona latou aai i le fua o le laau sa fetepaaʼi solo o latou mata e peiseai ua latou amamā.

 26 Ma sa fetepaaʼi solo foi oʼu mata, ma ou vaaia ai, i le isi itu o le vaitafe, se afale tele ma le ateatea; ma sa tu mai e peiseai ua tu i le ea, maualuga lava i luga o le eleele.

 27 Ma sa tumu i tagata, o e matutua ma e iti, o tane atoa ma fafine; ma o o latou ituaiga ofu sa matua lelei lava; ma sa latou peiseai o afaatauemu ma tusitusi mai o latou tamatamailima i e na o mai ma aai i le fua.

 28 Ma ina ua uma ona latou atotofo i le fua sa latou emamā, ona o i latou o e sa faatauemu mai ia te i latou; ma sa latou ipauu ese atu ai i ala faasaina ma ua leiloloa.

 29 Ma o lenei, o aʼu o Nifae, ou te le tautala atu aupu uma a loʼu tamā.

 30 Ae, ina ia tusia faapuupuu, faauta, sa vaai o ia i isi motu o tagata o fetaomi mai i luma; ma sa latou o mai ma fepiʼiti i le pito o le aāi uʼamea; ma sa latou fetaomi mai i luma i lo latou ala, ma piimau pea i le āi uʼamea, seia oo ina latou o mai i luma ma faapauu i lalo ma aai i le fua o le laau.

 31 Ma sa vaai foi o ia i isi amotu o tagata o tautagotago atu lo latou ala agai i le fale tele ma le ateatea.

 32 Ma sa oo ina malelemo le toatele i mea loloto o le apunavai; ma e toatele sa lē iloa atu i lana vaai, ua feseseaʼi i ala ese.

 33 Ma sa toatele le motu o tagata sa ulufale atu i totonu o lena fale uiga ese. Ma ina ua uma ona latou ulufale atu i totonu o lena fale sa latou tusitusi mai le tamatamailima o le afaatauemu ia te aʼu ma i latou foi o e na aai i le fua o le laau; peitai sa matou lē amanaiaina i latou.

 34 O upu nei a loʼu tamā: O le toatele na aamanaiaina i latou, na pauu ese.

 35 Ma o aLamana ma Lemuelu, sa fai mai loʼu tamā, sa lei aai i le fua.

 36 Ma sa oo ina ua uma ona tautalaina mai e loʼu tamā upu uma o lana miti po o le faaaliga vaaia, sa tele, sa fai mai o ia ia te i matou, ona o nei mea sa vaai i ai o ia i se faaaliga vaaia, sa popole tele ai o ia e uiga ia Lamana ma Lemuelu; ioe, sa popole o ia neʼi lafoai ese i laua mai luma o le Alii.

 37 Ma sa apoapoai atu o ia ia te i laua i le taimi lena ma lagona uma o se amatua alofa, ia laua faalogologo mai i ana upu, atonu e alofa mutimutivale ai le Alii ia te i laua, ma lē lafoai ese ai i laua; ioe, sa lauga atu loʼu tamā ia te i laua.

 38 Ma ina ua uma ona lauga atu o ia ia te i laua, ma vavalo atu foi ia te i laua i mea e tele, sa ia poloaiina i laua ia tausi i poloaiga a le Alii; ma sa faaiʼu e ia le tautala atu ia te i laua.