Kapitulo 7
Itultuloy ni Jacob ti panagbasana manipud iti Isaias: Agsao ni Isaias a kasla Mesias—Maaddaan ti Mesias iti pagsasao ti addaan adalna—Itayananto ti bukotna kadagiti mannaplit—Saanto a maibabain isuna—Idilig iti Isaias 50. Agarup 559-545 B.C.
1 Wen, ta kastoy ti kinuna ti Apo: Insinaka kadi, wenno pinapanawka kadi iti agnanayon? Ta kastoy ti kinuna ti Apo: Ayan ti kasuratan ti pannangisina ti inam? Siasino kadi ti nangisinaak kenka, wenno asino kadi kadagiti nakautangak ti nangilakuak kenka? Wen, siasino ti nangilakuak kenka? Kitaen, ainlakoyo ti bagbagiyo gapu iti kinadangkesyo, ket napatalaw ti inayo gapu kadagiti panaglabsingyo.
2 Gapuna, idi immayak, awan ti tao; idi aimmawagak, wen, awan ti simmungbat. O balay ti Israel, immababa kadi ti imak ta saannak a makasubbot, wenno awan aya ti bilegko a mangisalakan? Kitaen, babaen ti pammabalawko pagmagaek ti btaaw, aramidek a langalang dagiti ckarayanda ket malaes dagiti dikanda gapu ta naabbat ti danumda, ket matayda gapu iti waw.
3 Abungotak ti langit iti akinangisit, ket aramidek a bnakersang a lupot ti kawesda.
4 Inikkannak ti Apo a Dios iti apagsasao dagiti addaan adal, tapno ammok no kasano a bagbagaanka iti umno a gundaway, O balay ti Israel. Binigat nga agriing isuna no nabannogkan. Mangriing ti lapayagko tapno dumngeg a kas iti addaan adal.
5 Linuktan ti Apo a Dios ti alapayagko, ket saanak a managsupring, wenno timmallikud.
6 Intayak ti bukotko iti amannaplit, ken dagiti pingpingko kadagiti nagparut iti buok. Diak inlinged ti rupak iti pannakaibabain ken pannakatupra.
7 Ta tulongannak ti Apo a Dios, ngarud saanak a maibabain. Pinatangkenko ti rupak a kasla mulinaw, ket ammok a saanakto a mabain.
8 Ket asideg ti Apo, ket inkalintegannak. Asino ti sumuppiat kaniak? Agkaykaysatayo. Asino ti kabusorko? Umasideg koma kaniak, ket saplitek isuna iti bileg ti balikasko.
9 Agsipud ta tulongannakto ti Apo a Dios. Ket amin dagiti amamabasol kaniak, kitaen, marunotdanto a kas iti daan a pagan-anay, ket kanento ida ti sanga.
10 Asino kadakayo ti agbuteng iti Apo, ti agtungpal iti atimek ti adipenna, ti magna iti kasipngetan nga awan ti silawna?
11 Kitaen dakayo amin a nangparnuay iti apuy, a nangbalkot iti bagiyo iti rissik, magna iti lawag ti aapuyyo ken iti rissik a pinarnuayyo. Daytoy ti awatenyonto manipud iti imak—mataykayonto a sileleddaang.