1 Adtoy, ita napasamak nga idi naibaga ni Jesus dagitoy a balikas, timmaliaw manen iti ummong, ket kinunana kadakuada: Adtoy, dimtengen ti ^akanitok.

2 Madlawko a nakapsutkayo, a saanyo a ^amaawatan amin a balikasko nga imbilin ti Ama kaniak nga ibagak kadakayo iti daytoy a kanito.

3 Ngarud, agawidkayo iti balbalayyo, ket ^autobenyo dagiti banag nga imbagak, ket dawatenyo iti Ama, iti naganko, tapno maawatanyo, ken ^bisaganayo ti panunotyo iti sumuno a ^cbigat, ket umayakto manen kadakayo.

4 Ngem ita ^amapanak iti Ama, ken ^biparangko met ti bagik kadagiti ^cnapukaw a tribu ti Israel, gapu ta saanda a napukaw iti Ama, agsipud ta ammona no sadino ti nangipananna kadakuada.

5 Ket napasamak nga idi malpas ni Jesus nga agsao, intaliawna manen dagiti matana iti ummong, ket naimatanganna ti panagluluada ket sititibkerda a nangperreng kenkuana a kasla kayatda a dawaten ti panagbayagna pay bassit kadakuada.

6 Ket kinunana kadakuada: Adtoy, umukuok ti ^aasik kadakayo.

7 Adda kadi masakit kadakayo? Yasidegyo ida. Adda kadi kadakayo lugpi, wenno bulsek, wenno pilay, wenno pukol, wenno agkukutel, wenno napakapsutan, wenno umel, wenno marigatan iti uray ania a kita? Yasidegyo ida ta agasak, gapu ta adda asik kadakayo; napno ti lalaemko iti panangngaasi.

8 Ta madlawko a tarigagayanyo a rumbeng nga ipakitak kadakayo no ania ti naaramidko kadagiti kakabsatyo idiay Jerusalem, ta makitak nga ^aumdas ti ^bpammatiyo a pamkuatak a mangagas kadakayo.

9 Ket napasamak nga idi nalpasen nga agsao, amin dagiti ummong, a sangsangkatunos, napanda a kaduada dagiti masakitda ken dagiti agtutuok, ken dagiti lugpida, ken bulsekda, ken dagiti umelda, ken dagiti amin a marigatan iti ania man a kita; ket ^ainagasanna ida a saggaysa apaman a naipanda kenkuana.

10 Ket inaramidda amin, kadakuada a naagasan ken kadakuada nga awan sakitna, nagrukbabda iti sakaananna, ken nagdaydayawda kenkuana; ket kadagiti makabalin nga umay manipud iti ummong ^ainagkanda dagiti sakana, iti kasta binugguanda dagiti dapanna kadagiti luluada.

11 Ket napasamak nga imbilinna a maipan dagiti ^aubbingda kenkuana.

12 Iti kasta impanda dagiti ubbingda ket indissoda ida iti daga iti aglawlawna, ket nagtakder ni Jesus iti tengnga; ket winayaan ti ummong ti dalan agingga a naidatagda amin kenkuana.

13 Ket napasamak nga idi naidatagda aminen, ket nagtakder ni Jesus iti tengngada, imbilinna iti ummong a rumbeng nga ^aagparintumengda iti daga.

14 Ket napasamak nga idi nakaparintumengda iti daga, immasug ni Jesus iti unegna, ket kinunana: Ama, ^amariribukanak gapu iti kinadangkes dagiti tao iti balay ti Israel.

15 Ket idi nayebkasna dagitoy a balikas, nagparintumeng met iti daga; ket adtoy nagkararag iti Ama, ket saan a mabalin a maisurat dagiti banag nga inkararagna, ket dagiti ummong ti nangpaneknek kadagiti nangngegda kenkuana.

16 Ket kastoy a wagas ti panangpaneknekda: Saan pay a nakita ti ^amata, wenno nangngegan ti lapayag, iti napalabas, dagitoy naindaklan ken nakaskasdaaw a banag a kas iti pannakakitami ken pannakangngegmi iti pannakisao ni Jesus iti Ama.

17 Ket awan ti ^adila a makayebkas, wenno adda naisurat ti asino man a tao, wenno maipalawag ti puso dagiti tao ti naindaklan ken nakaskasdaaw a bambanag a nakita ken nangngegmi nga insao ni Jesus; ket awan ti asino man a makaipalawag iti ragsak a nangpunno iti kararuami iti kanito a nangngegmi nga inkararagannakami iti Ama.

18 Ket napasamak nga idi nalpas ni Jesus ti panagkarkararagna iti Ama, timmakder; ngem aglaplapusanan ti ummong iti ^aragsak ket naitukengda.

19 Ket napasamak a nagsao ni Jesus kadakuada, ket imbagana a tumakderda.

20 Ket timmakderda manipud iti daga, ket kinunana kadakuada: Nagasatkayo gapu iti pammatiyo. Ket ita adtoy, naan-anay ti ragsakko.

21 Ket ^anagsangit idi naisawangna dagitoy a balikas, ket pinaneknekan ti ummong daytoy, ket inubbana dagiti ubbingda, a sinaggaysa, ken ^bbinendisionanna ida, ken inkararaganna ida iti Ama.

22 Ket nagsangit manen idi naaramidna daytoy;

23 Ket nagsao kadagiti ummong, ket kinunana kadakuada: Kitaenyo dagiti ubbingyo.

24 Ket idi kumitada naiturong dagiti matada iti langit, ket naimatanganda ti panaglukat ti langit, ket nakitada dagiti anghel a bumabbaba manipud iti langit a kasla adda iti tengnga ti apuy; ket bimmabada ken ^alinawlawda dagiti ubbing, ket nalawlawda iti apuy; ket tinulongan ida dagiti anghel.

25 Ket nakita ken nangngeg ken napaneknekan ti ummong; ket ammoda a pudno ti pammaneknekda; gapu ta nakita ken nangngegda amin, tunggal tao; ket agdagupda a kararua iti dandani dua ribu ken lima gasut; ket buklen ida ti lallaki, babbai, ken ubbing.