Kapitulo 15
Ipakaammo ni Jesus a natungpal kenkuana ti paglintegan ni Moises—Dagiti Nephite ti sabali a karnero a nasaona iti Jerusalem—Saan nga ammo dagiti tao ti Apo iti Jerusalem dagiti naisina a karnero ti Israel gapu iti kinadakes. Agarup K.P. 34.
1 Ket ita napasamak nga idi nalpas ni Jesus ti nagsao impalawlawna ti panagkitana iti ummong, ket kinunana kadakuada: Adtoy, nangngegyo dagiti banag nga insurok sakbay nga immuliak iti Amak; ngarud, siasino man a manglagip kadagitoy a saok ket aaramidenna ida, bbitibitekto iti maudi nga aldaw.
2 Ket napasamak nga idi naisawang ni Jesus dagitoy a sao, nasirmatana nga adda sumagmamano kadakuada a nasdaaw, ken nagamanga no ania ti aramidenna maipapan iti apaglintegan ni Moises; agsipud ta saanda a naawatan ti makunkuna a naglabasen ti daan a banag, ket nagbalin a baro ti amin a banag.
3 Ket kinunana kadakuada: Saankayo a masdaaw iti imbagak kadakayo a napalabasen ti daan a banag, ket nagbalin a baro ti amin a banag.
4 Adtoy kunak kadakayo a natungpalen ti apaglintegan a naited ken ni Moises.
5 Adtoy, asiak ti nangted iti paglintegan, ken siak ti nakitulag kadagiti taok nga Israel; ngarud, natungpalen ti paglintegan kaniak, ta immayak a bnangtungpal iti paglintegan; ngarud adda gibusna.
6 Adtoy, asaanko a dadaelen dagiti propeta, ta nupay adu ti saan a natungpal kaniak, pudno kunak kadakayo, matungpaldanto amin.
7 Ket gapu ta imbagak kadakayo a napalabasen ti daan a banag, saanko a dadaelen dayta naibagan maipapan iti banag nga umayto.
8 Ta adtoy, saan a natungpal amin ti anaitulagko kadagiti taok; ngem naggibusen kaniak ti paglintegan a naited ken ni Moises.
9 Adtoy, Siak ti apaglintegan, ken ti bsilaw. Kitaendak, ken agituredkayo agingga iti panungpalan, ket cagbiagkayto; ta itedko ti agnanayon a biag iti dagitured agingga iti panungpalan.
10 Adtoy, naitedko kadakayon dagiti abilin; gapuna salimetmetanyo dagiti bilinko. Ket daytoy ti paglintegan ken sinurat dagiti propeta, agsipud ta pudno nga isuda ti bnangsaksi kaniak.
11 Ket ita napasamak nga idi naibagan ni Jesus dagitoy a balikas, kinunana kadagiti sangapulo-ket-dua a pinilina:
12 Dakayo ti disipulok; ket dakayo ti silaw dagitoy nga umili, a natda iti balay ni aJose.
13 Ket adtoy, daytoy ti adaga a tawidenyo; ket ti Ama ti nangted kadakayo.
14 Ket saan nga iti uray ania a kanito nangted ti Ama kaniak iti bilin a rumbeng nga aibagak kadagiti kabsatyo iti Jerusalem.
15 Wenno iti uray ania a kanito nangted kaniak ti Ama iti bilin tapno ibagak kadakuada ti maipapan iti adadduma a tribu ti balay ti Israel, nga inturong ti Ama nga immadayo iti dayta a daga.
16 Kastoy ti kaadu ti bilin ti Ama kaniak, a rumbeng nga ibagak kadakuada:
17 A dagiti dadduma a karnero nga adda kaniak a saan nga agnaed iti daytoy nga ikub, rumbeng met a yegko, ken denggenda ti timekko; ket addanto maymaysa nga ikub, ken maysa a apastor.
18 Ket ita, gapu iti kinatangigda ken saanda a panamati saanda a anaawatan ti saok; ngarud binilinnak ti Ama a saanen nga agsao kadakuada iti maipapan kadagitoy a banag.
19 Ngem, pudno, kunak kadakayo nga imbilin kaniak ti Ama, ken ibagak kadakayo, a naisinakayo kadakuada gapu iti kinadakesda; ngarud didakayo am-ammo gapu iti kinadakesda.
20 Ket pudno, kunak manen kadakayo nga inlasin ti Ama kadakuada dagiti dadduma a tribu; ket ti kinadakesda ti gapu a saanda ida nga ammo.
21 Ket pudno kunak kadakayo, a dakayo ti imbagak: Adda adadduma a karnerok nga awan ditoy nga ikub; rumbengda met a yegko, ket denggendanto ti timekko; ket addanto maysa nga ikub, ken maysa a pastor.
22 Ket saandak a maawatan, agsipud ta ipapanda a dagiti aGentil; ta saanda a maawatan a dagiti Gentil ti rumbeng nga bagbalbaliw babaen ti panangasabada.
23 Ket saandak a naawatan iti panagkunak nga isudanto ti dumngeg iti timekko; ket saandak a naawatan a saan a rumbeng a dumngeg dagiti aGentil iti timek iti uray ania a kanito—a saan a rumbeng nga iparangarangko ti bagik kadakuada malaksid no babaen ti bEspiritu Santo.
24 Ngem adtoy, padapadakayo a nakangngeg iti atimekko; ken nakitadak ket dakayo dagiti karnerok, ket dakayo ti naibilang kadagiti binted ti Ama kaniak.