1 Ket ita napalabas nga idi naibaga ni Jesus dagitoy a banag impalawagna iti ummong; ket impalawagna ti amin a banag kadakuada, dadakkel ken babassit.

2 Ket kinunana: ^aDagitoy nasantuan a kasuratan, nga awan kadakayo, imbilin ti Ama a rumbeng nga itedko kadakayo; gapu ta nakemna a rumbeng a maitedda kadagiti sumaruno a kaputotan.

3 Ket impalawagna amin a banag, manipud pay idi punganay agingga iti kanito nga idadateng ti ^apannakaigloriana—wen, uray amin a banag a rumbeng nga umay iti rabaw ti daga, uray agingga iti pannakarunaw dagiti ^belemento gapu iti pudot, ken ^cmalukot ti daga a kas iti papel, ket mapukaw ti langit ken daga;

4 Ken uray ti ^anaindaklan ken maudi nga aldaw, inton ^bsumaklang iti Dios ti amin a tao, ken amin nga agkakabagian, ken amin a pagilian ken pagsasao, tapno maukomda iti aramidda, nasayaatda man wenno dakesda—

5 No agsingsingpetda, tapno matun-oyanda ti ^apanagungar iti agnanayon a biag; ken no dakesda, tapno dida makaaon iti panagungar ti pannakailunod; ta agsupadida, ti maysa iti maysa nga ima ket ti sabali iti sabali nga ima, babaen iti asi, ken ti ^blinteg, ken kinasanto nga adda ken ni Cristo, nga addan ^csakbay a nangrugi ti lubong.

6 Ket ita awan ti maisurat iti daytoy a libro uray ti ^amaika-sangagasut a paset dagiti banag a pudno nga insuro ni Jesus kadagiti tao;

7 Ngem adtoy linaon dagiti ^apinanid ni Nephi ti ad-adu a paset dagiti banag nga insurona kadagiti tao.

8 Ket naisuratko dagitoy a banag, a nababbaba a paset ngem dagiti banag nga insurona kadagiti tao; ket naisuratko ida iti panggep a mayeg manen kadagitoy a tao, ^amanipud kadagiti Gentil, babaen dagiti balikas nga insawang ni Jesus.

9 Ket inton maawatda daytoy, ta kasapulan nga umuna nga adda kadakuada, tapno mapadas ti pammatida, ket no mamatidanto kadagitoy a banag isunton ti pannakaiparangarang kadakuada dagiti ^anain-indaklan a banag.

10 Ket no saanda a mamati kadagitoy a banag, isunto ti ^apannakalapped dagiti nain-indaklan a banag nga umay kadakuada, agingga iti panangeddeng.

11 Adtoy, dandanin isuratko ida, amin a naikitikit kadagiti pinanid ni Nephi, ngem imparit ti Apo, a kinunana: ^aTingitingek ti pammati dagiti taok.

12 Ngarud siak, ni Mormon, isuratko dagiti banag nga imbilin kaniak ti Apo. Ket ita siak, ni Mormon, igibusko ti agsarita, ket rugiak nga isurat dagiti banag a naibilin kaniak.

13 Ngarud, kayatko nga imutektekanyo a pudno nga insuro ti Apo dagiti tao, iti las-ud ti tallo nga aldaw; ket kalpasanna sinansanna ti ^anagpakita kadakuada, ken sinansanna ti nangpirsay iti ^btinapay, ket binendisionanna, ket intedna kadakuada.

14 Ket napasamak nga isu ti nangisuro ken nagpaay kadagiti nasao nga ^aannak ti ummong, ket ^blinukayanna dagiti dilada, ket nagsaoda kadagiti ammada iti naindaklan ken nakaskasdaaw a banag, a nain-indaklan pay ngem dagiti naipaltiingna kadagiti tao; ket linukayanna dagiti dilada tapno makasaoda.

15 Ket napasamak a kalpasan ti yuulina sadi langit—iti maikadua a panangiparangna iti bagina kadakuada, ket napan iti Ama, kalpasan ti ^apanangagasna iti isu amin a masakitda, ken dagiti lugpida, ken linukatanna ti mata dagiti bulsekda, ken linukatanna ti lapayag dagiti tuleng, ken inaramidna pay ti amin a kita ti panangagas kadakuada, ken pinagbiagna ti maysa a natay, ken impakitana ti pannakabalinna kadakuada, ket immuli iti Ama—

16 Adtoy, napasamak a nagtitipon ti ummong iti kabigatanna, ket padapada a nakita ken nangngegda dagitoy nga ubbing; wen, uray dagiti ^amaladaga linukatanda ti ngiwatda ket insaoda dagiti nakaskasdaaw a banag; ket maiparit ti banag nga insaoda ta awan koma ti siasino man a tao a mangisurat kadagitoy.

17 Ket napasamak a nangrugi dagiti ^adisipulo a pinili ni Jesus manipud iti dayta a kanito a ^bnangbuniag ken nangisuro iti amin nga umasideg kadakuada; ken kas iti kaadu ti nabuniagan iti nagan ni Jesus ti napnuan iti Espiritu Santo.

18 Ket adu kadakuada ti nakakita ken nakangngeg iti saan a maisarita a banag, a ^asaan a nainkalintegan nga isurat.

19 Ket nangisuroda, ken nagpaayda iti tunggal maysa; ket adda ^aamin ^bpagpapadaan ti tunggal maysa kadakuada, nasayaat ti pannakikadua ti tunggal tao, iti maysa ken maysa.

20 Ket napasamak nga inaramidda amin ti imbilin ni Jesus kadakuada.

21 Ket naawagan iti ^asimbaan ni Cristo dagiti nabuniagan iti nagan ni Jesus.