Tusitusiga Paia
Alema 34


Mataupu 34

Ua molimau Amoleka ua i ai ia Keriso le afioga mo le faaolataga—A le i ai se togiola, o le a fano tagata uma—Ua faasino atu le tulafono atoa a Mose i le taulaga a le Alo o le Atua—Ua faavae le fuafuaga faavavau o le togiolaina i le faatuatua ma le salamo—Ia tatalo mo faamanuiaga faaletino ma faaleagaga—O le olaga lenei o le taimi lea mo tagata e sauniuni ai e feiloai ma le Atua—Ia galueaiina lou faaolataga ma le mata’u i luma o le Atua. E tusa o le 74 T.L.M.

1 Ma o lenei sa oo ina ua uma ona tautala atu e Alema o nei upu ia te i latou, sa nofo o ia i lalo i luga o le eleele, ma sa tulai aAmoleka ma amata ona a’oa’o atu ia te i latou, e faapea:

2 O’u uso e, ou te manatu e le mafai ona outou pouliuli e uiga i mea ua tautalagia e uiga i le afio mai o Keriso, o le ua matou a’oa’o atu o le Alo o le Atua; ioe, ua ou iloa sa tele lava ona a’oa’o atu o anei mea ia te outou, ae tou te le’i o ese mai ia i matou.

3 Ma talu ai ona ua outou mananao mai i lo’u uso pele ia faailoa atu e ia ia te outou le mea e tatau ona outou faia, ona o o outou puapuaga; ma sa ia saunoa atu lava ia te outou e saunia ai o outou mafaufau; ioe, ma sa ia apoapoa’iina outou ia outou faatuatua ma onosai—

4 Ioe, seia oo lava ina outou maua le faatuatua tele tou te atotō ai le upu i o outou loto, ina ia mafai ona outou tofotofo le faataitaiga o lona lelei.

5 Ma ua matou vaai e faapea o le fesili tele o loo i o outou mafaufau, pe ua i ai le upu i le Alo o le Atua, po o le a leai se Keriso.

6 Ma sa outou vaai foi ua faamaonia atu e lo’u uso ia te outou, i le tele o mea, ua i ai ia Keriso le aupu mo le faaolataga.

7 Sa sii mai e lo’u uso upu a Senosa, ma upu foi a Senoka, e faapea e oo mai le togiola e ala mai i le Alo o le Atua; ma sa ia tapa foi ia Mose, e faamaonia ai ua moni nei mea.

8 Ma o lenei, faauta, o le a ou amolimau atu ia te outou e a’u lava ia, ua moni nei mea. Faauta, ou te fai atu ia te outou, ua ou iloa o le a afio mai Keriso i totonu o le fanauga a tagata, e ave i ona luga soligatulafono a ona tagata; ma o le a ia etogiola mo agasala a le lalolagi; ona ua fetalai mai ai le Alii le Atua.

9 Auā e tatau ona i ai o se atogiola; ona e tusa ma le efuafuaga tele a le Atua Faavavau, e ao ona i ai se togiola, a leai o le a le maalofia le fano o tagata uma; ioe, ua maaa uma; ioe, ua ipa’u’ū uma ma ua leiloloa, ma o le a fano vagana ai e ala i le togiola lea e tatau ona i ai.

10 Ona e tatau ona i ai o se ataulaga tele ma mulimuli; ioe, e le o se taulaga o se tagata, pe o se manu vaefa, pe o soo se ituaiga foi o manu felelei; ona o le a le o se taulaga faaletagata; ae o se etaulaga e ao ina ileai sona gataaga ma e faavavau.

11 O lenei e leai se tagata e mafai ona ia taulagaina lona lava toto e togiola mo agasala a se isi. O lenei, afai e fasioti tagata se tasi, faauta, e aveese ea e la tatou tulafono, lea ua atonu, le ola o lona uso? Ou te fai atu ia te outou, E leai.

12 Ae e manaomia e le tulafono le ola o ia o le na afasioti tagata; o lea e le mafai ona i ai o se mea e itiiti mai i se togiola e le gata o le a mafai ona lava e totogi mo agasala a le lalolagi.

13 O lea, e tatau ona i ai o se taulaga tele ma mulimuli, ma ona i ai lea, pe tatau ona i ai lea, o se ataofiga o le faamasaaina o le toto; ona faataunuu ai lea o le etulafono a Mose; ioe, o le a faataunuuina uma lava, o iota ma mataitusi taitasi, ma o le a leai se mea e mavae atu e le faataunuuina.

14 Ma faauta, o le auiga atoa lenei o le etulafono, o iota uma lava e faasino atu i lena itaulaga tele ma mulimuli; ma o lena taulaga tele ma mulimuli o le Alo lea o le Atua, ioe, ua le gata ma faavavau.

15 Ma o le a faapea ona aumai e ia le afaaolataga ia i latou uma o e e talitonu i lona suafa; ona o le faamoemoe lea o lenei taulaga mulimuli, e aumai ai le liuliualo o le alofa mutimutivale, ia ua faatoilalo le faamasinotonu, ma aumai ai auala i tagata e mafai ai ona latou maua le faatuatua e salamo ai.

16 Ma faapea ona mafai ai e le aalofa mutimutivale ona faamalie manaoga o le efaamasinotonu, ma siosiomia ai i latou i lima o le saogalemu, a’o le na te le faatino se faatuatua e salamo ai, ua aliali atu i le tulafono atoa o manaoga o le ifaamasinotonu; o lea ua na o le ua i ai le faatuatua e salamo ai, ua aumai ai le ofuafuaga tele ma faavavau o le togiolaina.

17 O lea talosia ia tuu mai e le Atua ia te outou, o’u uso e, ia amata ona outou faatino o lo outou afaatuatua e salamo ai, ina ia amata ona outou evalaau atu i luga i lona suafa paia, ina ia alofa mutimutivale mai o ia ia te outou.

18 Ioe, tagi atu ia te ia mo le alofa mutimutivale; ona ua malosi o ia e faaola.

19 Ioe, ia outou faalotomaualalalo outou lava, ma tatalo atu pea ia te ia.

20 Tagi atu ia te ia pe a outou i ai i o outou fanua, ioe, mo a outou lafu uma.

21 aTagi atu ia te ia i o outou fale, ioe, mo lo outou auaiga uma, i le taeao, aoauli, ma le afiafi.

22 Ioe, tagi atu ia te ia e faasaga atu i le mana o o outou fili.

23 Ioe, atagi atu ia te ia e faasaga atu i le etiapolo, o le o se fili i le iamiotonu uma.

24 Tagi atu ia te ia mo laau totō o o outou fanua, ina ia outou manuia ai.

25 Tagi atu mo lafu o o outou fanua, ina ia faateleina.

26 Ae ua le ona pau lea; e ao ina outou tuuina atu o outou agaga i totonu o o outou aafeafe, ma o outou nofoaga lilo, ma i o outou vao.

27 Ioe, ma a outou le tagi atu i le Alii, ia tuu o outou aloto ia efaatumuina, ia tuuina atu pea ia te ia i le tatalo e le aunoa, mo lo outou manuia, ma le manuia foi o i latou o e ua siomia outou.

28 Ma o lenei faauta, o’u uso pele e, ou te fai atu ia te outou, aua tou te manatu ona pau lea; aua a uma ona outou faia o nei mea uma, afai tou te liliu ese e ua lē atagolima, ma ē ua le lavalava, ma le asiasi atu i e ua mamai ma puapuagatia, ma le efaasoa atu a outou mea, pe afai ua i ai ia te outou ni mea e faasoa atu ia i latou o e ua tutulai e le tagolima—ou te fai atu ia te outou, afai tou te le faia se tasi o ia mea, faauta, ua ilē aoga lau otatalo, ma ua leai se mea e te maua mai ai, ma ua tusa outou o ni tagata pepelo o e ua faafitia le faatuatuaga.

29 O lea, afai tou te le manatua ona aalofa fua, ua tusa outou o ni otaota, ua lafoa’iina i fafo e faamama auro, (ona ua le aoga) ma ua solia i lalo e vae o tagata.

30 Ma o lenei, o’u uso e, ou te manao, ona ua uma ona outou maua o molimau e tele naua, ona ua outou vaai ua molimau mai tusitusiga paia e uiga i nei mea, ia outou o mai ma aumai afua o le salamo.

31 Ioe, ou te manao ia outou o mai ma aua le toe faamaaaina o outou loto; auā faauta, o le taimi ma le aaso lenei o lo outou faaolataga; ma o lea, afai tou te salamo ma lē faamaaaina o outou loto, o le taimi nei lava o le a faataunuu ai le fuafuaga tele o le togiolaina ia te outou.

32 Auā faauta, o le olaga lenei o le taimi lea mo tagata e asaunia ai e feiloai ma le Atua; ioe, faauta o le aso o le olaga lenei o le aso lea mo tagata e fai ai a latou galuega.

33 Ma o lenei, e pei ona ou fai atu muamua ia te outou, talu ai ona ua uma ona outou maua o molimau e tele, o lea, ou te aioi atu ai ia te outou, ia aua ne’i o outou afaatuai le aso o lo outou esalamo seia oo i le iuga; aua a mavae le aso lenei o le olaga, lea ua tuuina mai ia i tatou e saunia ai mo le faavavau, faauta, afai tatou te le faaleleia atili o tatou taimi a’o tatou i ai i lenei olaga, ona oo mai ai lea o le ipo o le opouliuli e le mafai ona faia ai o se galuega.

34 E le mafai ona e fai mai, pe a aumai oe i lena amalaia matautia, o le a ou salamo, o le a ou foi atu i lo’u Atua. E leai, e le mafai ona e fai mai o nei upu; ona o lena lava agaga e tasi sa mau i o outou tino i le taimi tou te o ese atu ai mai lenei olaga, o lena lava agaga o le a i ai le mana e pulea ai lou tino i lena lalolagi faavavau.

35 Auā faauta, afai sa e faatuai le aso o lou salamo seia oo i le oti, faauta, ua avea oe o sē ua apulea e le agaga o le tiapolo, ma ua ia efaamaufaailogaina oe o sana meatotino; o lea, ua alu ese ai le Agaga o le Alii mai ia te oe, ma ua leai sona nofoaga i totonu ia te oe, ma ua i ai i le tiapolo le mana atoa i ou luga; ma o le tulaga faaiu lenei o ē e amioleaga.

36 Ma ua ou iloa lenei mea, ona ua fetalai mai le Alii, e le afio o ia i totonu o ni malumalu ua ale paia, ae o totonu o loto o e ua eamiotonu e afio ai o ia; ioe, ma ua fetalai mai foi o ia o ē e amiotonu o le a nonofo ai i totonu o lona malo, e le toe o atu i fafo; ae o le a faasinasinaina o latou ofu e ala i le toto o le Tamai Mamoe.

37 Ma o lenei, o’u uso pele e, ou te manao ia outou manatua nei mea, ma e tatau ona outou agalueaiina lo outou faaolataga ma le matata’u i luma o le Atua, ma ia outou le toe faafitia le afio mai o Keriso;

38 Ia outou le toe afinau e faasaga i le Agaga Paia, ae ia outou talia o ia, ma ave i o outou luga le esuafa o Keriso; ma ia outou faalotomaualalaloina outou lava ia oo ifo lava i le efuefu, ma itapuai i le Atua, po o fea lava atonu tou te i ai, i le agaga ma le upumoni; ma ia outou ola i le ofaafetai i aso uma, mo le alofa mutimutivale ma faamanuiaga e tele ua ia to mai i o outou luga.

39 Ioe, ma ou te apoapoai atu foi ia te outou, o’u uso e, ia outou amataala i le tatalo e le aunoa, ina ia le taitaieseina outou e efaaosoosoga a le tiapolo, ina ia le manumalo o ia ia te outou, ina ia le avea outou ma ona tagata i le aso gataaga; auā faauta, na te ile tauia outou i se mea lelei.

40 Ma o lenei o’u uso pele e, ou te fia apoapoai atu ia te outou, ia i ai ia te outou le aonosai, ma ia outou talitalia puapuaga eseese uma lava; ma ia outou le eupuleaga faasaga atu ia te i latou o e na tutulia outou i fafo ona o lo outou matitiva tele, ne’i avea outou ma tagata agasala e pei o i latou.

41 Ae ia i ai ia te outou le onosai, ma talitalia ia puapuaga, faatasi ma le faamoemoe mausali o le a outou mapu mai i o outou puapuaga uma i se aso.