Enos

1 Jech ja’, ja’ o jech ti vu’un Enosune, jna’oj o no’ox ti ja’ jun vinic lec tuc’ yo’nton ti jtote, jech la xchanubtasun ti c’u x elan c’opal xc’opoje xchi’uc la xchanubtasun ta xch’unel xchi’uc ti c’usi sna’oj ta sventa c’usi yaloj Cajvaltique xchi’uc ac’o ts’uiltasbiluc ti sbi Riox ta stojolale.

2 Xchi’uc ta xcal ti c’u x elan jvocol ta stojolal Riox ti c’alal sc’an to ox xich’ loq’uesel jmultaque.

3 Ja’ jech, li loc’, batel ta mil chon bolometic ta te’tic; xchi’uc ti a’yejetic ti bu yalojbun o no’ox ca’ay ti ya’yej jtot ta sventa ti cuxlejal ta sbatel osil xchi’uc ti cuxetel o’ntonal ta sventa ch’ul viniquetique. Jech te och c’alal to ta yut co’nton.

4 Ti jch’ulele vi’naj, ja’ jech te la jquejan jba ta stojolal Jcoltavanej, jech te tsots la jc’opan ta j oracion ta sventa jch’ulel jtuc, ja’ jech la jc’opan sbejel c’ac’al; jech ti c’alal och ac’ubale, jech ta jtoy batel ti ca’yej ta toyole ja’ to ti c’uxi chc’ot ta vinajele.

5 Ja’ jech tal ta jtojolal jun lo’il, ti jech la jyale: Enós, ti amultaque pasbil xa pertonal, xchi’uc taxa vich’ benticion.

6 Ti vu’un Enosune, jna’oj o no’ox ti jtotic Riox mu xu’ x epalc’opoje, ja’ jech, ti jmultaque yich’ loq’uesel.

7 Jech la jcal ti vu’une: Cajval c’uxi xu’ chc’ot ta pasel ti va’aye?

8 Ti stuque jech la jyalbun: Ta sventa xch’unolajel a vo’nton ta sventa Cristo, ti bu muyuc baq’uin a va’yoj xchi’uc a aviloje, ta to xjelo epal jabil ti jech ta xtal yich’ sbec’tale, ja’ jech, batan, xch’unolajel a vo’nton la scoltaot.

9 Jech lec tana, ti c’alal la jca’ay ti va’ay lo’iletique, ja’ o japo sc’anel slequilalic ti quermanotac Nefitaetique, ja’ jech la jcac’ scotol jch’ulel ta Riox ta stojolalic.

10 Ti c’alal ja’o oy jvocol ta sventa espiritue, ja’ jech ti ya’yej Cajvaltique och ta jol, jech la jyal: Ta jvu’lan a vermanotac jech chac c’u cha’al me ta spasic ti jmantaltaque, ja’ jech la jcac’beic ti li’ banamile, ja’ jun ch’ul banamil, muyuc bu ta xcut ja’ no’ox ta sventa vocolil, ja’ jech ta to jvu’lan a vermanotac jech chac c’u cha’al caloje, ti c’usi muyuc la xch’unique ta xcac’ yaluc xchi’uc xc’uxul ta sjolic stuquic.

11 Ja’ o ta ts’acal ti vu’un Enosune, c’alal la jca’ay ti va’ay lo’iletique, ti xch’unolajel co’nton ta sventa Cajvaltique te xa mu xjel o; xchi’uc te ep la jc’opan xchi’uc ep la jcac’ jba ta c’abal ta sventa ti quermanotac, Lamanitaetique.

12 Ta ts’acal ti c’alal laj xa ox jc’opan xchi’uc ti c’alal laj xa ox cac’ jba ta c’abal ta scotol co’ntone, jech la jyalbun ti Cajvaltique: Ta xch’unolajel a vo’nton ta xcotquinot, ja’ jech chac c’u cha’al cha c’an cha pase.

13 Xchi’uc jech lec tana, ja’ jech, ja’ ti c’usi ta jc’an o no’ox ta jc’anbe stuque; jech ti jteclumal, ti ja’ steclumal Nefitaetique, ti me ja’ la xch’unic ti paych’unej mantale, ja’ xa me jech ta xich’ic vuq’esel, xchi’uc me mu jechicuc ec ti Lamanitaetique. Ti Cajvaltic ti ja’ Rioxe ta snac’ o lec ti spoco’ lo’ilal jteclumal ti ja’ Nefitaetic, ti ja’ jech ta xch’ul c’ob stuc c’uxi xu’ ta xich’ ich’el batel ta baq’uin ta stojolalic Lamanitaetic ti c’uxi ja’uc xich’ic aq’uel batel ta lequilale.

14 Yu’un ti c’usi tsots la jpastic ti c’uxi xu’ ta jliquestic ta ach’ ti xch’unolajel co’ntontic ta bats’imelele jeche’ xa ech’emic o. Yu’un la stsaquic ta texticoal Riox ta sc’ac’al yo’ntonic, xchi’uc ti me jeche, ta soquesic ti jpoco’ lo’iltactique xchi’uc ta soquesutic vu’tic ec xtoc. Xchi’uc scotol ti c’usi nopen o no’ox xa’yic jtotique.

15 Ja’ jech jna’oj o no’ox vu’un ti Cajvaltic Riox stac’ snac’, ti jpoco’ lo’iltique, yu’un jech ep la jc’anbe, ja’ stuc jech la jyalbun: c’usiuc no’ox ti cha c’an ta xch’unolajel a vo’nton ti me a na’oj ti cha vich’ ta sbi Cristoe, cha ta.

16 Jech ti vu’une, oy ono’ox ti xch’unolajel co’ntone ja’ jech la jcalbe Cajvaltic ti ac’o snac’ ti poco’ lo’iletique, ja’ jech la jyal ta jtojolal ti ta xac’ c’otuc ta stojolalic Lamanitaetic ta baq’uin ti me c’ot sc’ac’alile.

17 Ti vu’un Enosune, jna’oj ono’ox ti ta xc’ot ta pasel ti c’usi yaloj stuque, ja’ jech ti jch’ulele xcuxet no’ox yo’nton com.

18 Xchi’uc jech la jyalbun ti Cajvaltique: ti atottaque sc’anojbicun o no’ox ti c’usi li’e, ja’ jech ta xich’ ac’bel jech chac c’u cha’al xch’unolajel yo’nton, yu’un ti xch’unolajel yo’ntone ja’ jech chac c’u cha’al a vu’un.

19 Ja’ o jech c’ot ta pasel ti vu’un Enosune, te li xano ta steclumal Nefi, ta jcholbeic ti c’usi ta to xc’ot ta pasele xchi’uc ta xcalbeic ta jamal ti c’usi la jca’aye xchi’uc ti c’usi la jquile.

20 Xchi’uc ta xcal ta jamal ti steclumal Nefie, ta sc’an ta spasic ta c’un c’un tsliquesic ta ach’ ti xch’unolajel yo’ntonic Lamanitaetic ta sventa Riox, Ti c’usi tsots la jpascutique jech e’ xa ech’, yu’un ti c’u x elan mu xc’anvanique mu stac’ c’unibtasel, ja’ ta xch’unic ti c’usi nopen xa’yique ja’ jech yu’un tu jchopolic xchi’uc muyuc ich’bilic o ta venta yu’un sbolilic, yu’un tu jpucujic xchi’uc nojemic ta loc’ometic xchi’uc ta chopolil ta sventa banamil, ti c’usitic tsve’ique puro xulem snaic pasbil ta poc’ xchi’uc ja’ no’ox bu xpaxlajetic ta xocol banamil, xchuquinojic comcom nucul ta xocon slomoic xchi’uc sloc’oj sjolic: xchi’uc lec spasojic ti st’ilub te’ique ti, xmachitaique, xchi’uc ti yeq’uelique xchi’uc epic ti puro tseil tibol tsve’ique, ja’ jech ta jujuliquel ta sc’an chi smiluncutic.

21 Ja’ jech, ti steclumal Nefie, la jyabtelan ti banamile, jech te ep ta chop la jyac’ sbec’ ts’unubiletic xchi’uc sat te’etic, xchi’uc la xch’itesic vacaxetic xchi’uc ep ta chop chon bolometic, xchi’uc tentsun xchi’uc te’tical chij, xchi’uc epal ca’etic.

22 Xchi’uc ech’em ep to ox lequil viniquetic ta jtojolaltic; ti viniquetique tu jtsots ta ch’unel cha’yic.

23 Jech muyuc c’usi oy yan, ja’ no’ox ti c’usi ta xalique, ti ta xcholbeic sc’oplal ti pas c’ope xchi’uc ti c’u x elan ta xich’ic vuq’uesele, xchi’uc ta xich’ic vulesbel ta sjolic ta jujuliquel ti ta xchamique, xchi’uc c’u x elan sjalil ti ta sbatel osile, xchi’uc ti c’u x elan tsmeltsanban xchi’uc stsatsal ti Rioxe, ti c’usitic va’ay scotole, ja’ ti c’uxi ac’o xac’ jna’tic ti ja’uc tuc’uticuc ta xi’el ti Cajvaltique. Ta xcal ti muyuc c’usi yan jech chac c’u cha’al c’usitic li’e xchi’uc ti lo’iletic lec stac’ a’ybel smelolale, xu’van mu xac’ xich’ vuq’uesel ta anil. Ti va’aye ja’ jech chac c’u cha’al ta jts’iba ta sventaique.

24 Quil la spasic c’op Nefitaetic achi’uc Lamanitaetic ti c’uyepal c’ac’al li ch’ie.

25 Ja’ o jech te japo malubel; ti c’alal jeloven xa ox ciento xchi’uc balunlajuneb xchanvinic (179) jabil ti ja’o no’ox c’alal loc’tal jtotic Lehi ta Jerusalene.

26 La jquil ti yu’un jutuc xa sc’an xi bat ta jmuquinale, ti stsatsal Rioxe la jyalbun ti ac’o xcalbeic xchi’uc ti ac’o jcholbeic li’ jteclum xchi’uc ac’o xcalbeic ta jamal jech chac c’u cha’al ta bats’imelel te oy ta Cristoe; jech te la jcal scoltol c’ac’al, jech ti c’usitic va’aye xcuxet no’ox co’nton yu’un ech’emto jech chac c’u cha’al cusitic oy ta banamil.

27 Jech jutuc xa sc’an xi bat ti te bu ta jcux co’ntone, ti ja’ te bu’oy Jcoltavanej cu’une, yu’un jna’oj ti ja’ ta stojolal ta jcux co’ntone, xchi’uc xcuxet no’ox co’nton ti me sta sc’ac’alil ti jbec’tal sna’ xcham ti jech ta spas ta mu sna’ xchame, xchi’uc ti jech chi c’ot ta sate, jech ja’ te ta xquilbe sat ta lequilal, ti stuque jechvan ta xalbun; la’ ta jtojolal, vo’ot ti lec ts’uiltasbilote, oy jun avavil meltsanbil ta a tojolal te ta snatac jtot. Jechuc.