1 Im kiiō ālikin men kein ilo jilubukwi im jiljinon̄oul im jilu iiō eo riNipai ro raar wanlōn̄ļo̧k ippān jarin tariņae ko aer n̄an kōpata ņae riLeman ro, ļo̧k jān Āneen Lo̧urō.

2 Im ālikin men kein jarin tariņae ko an riNipai ro kar lukwarkwareļo̧k er bar juon alen n̄an Āneen Mej. Im ke raar kijeļo̧k wōt, juon jarin tariņae ekāāl an riLeman ro eaar itok ioer; im eaar wōr juon aer pata ekanooj nana, eo waļo̧k in riLeman ro raar bōk jikin kwelo̧k in Lo̧urō, im kar m̧an elōn̄ iaan riNipai ro, im kar bōk elōn̄ rikalbuuj.

3 Im bwe in jar eo eaar ko im koba ippān ro ilo jikin kwelo̧k Tiankōm. Kiiō jikin kwelo̧k Tiankōm eaar pād ilo tōrerein ko iturin parijet in lo̧jet; im eaar barāinwōt pād iturin jikin kwelo̧k in Lo̧urō.

4 Im eaar ^akōnke jarin tariņae ko an riNipai ro raar wanlōn̄ļo̧k n̄an riLeman ro bwe ren jino in kar m̧an er; bwe eļan̄n̄e en kar jab men in, riLeman ro ren kar jab wōr aer kajoor ioer.

5 A, lo, ekajet an Anij enaaj itok ioon ro renana; im ej jān ro rinana me ro rinana rej bōk ^akaje; im ej ro rinana rej kalim̧otak būruōn ro nejin armej n̄an kōto̧o̧rļo̧k bōtōktōk.

6 Im ālikin men kein riLeman ro raar kōm̧m̧ani m̧aanjāppopo ko n̄an itok ņae jikin kwelo̧k Tiankōm.

7 Im ālikin men kein ilo jilubukwi im jiljinon̄oul im emān iiō eo riLeman ro raar itok ņae jikin kwelo̧k Tiankōm, bwe ren maron̄ bōk aer jikin kwelo̧k Tiankōm barāinwōt.

8 Im ālikin men kein rekar kajenlikļo̧k im lukwarkwareļo̧k er jān riNipai ro. Im ke riNipai ro raar lo bwe rekar lukwarkware ļo̧k riLeman ro raar bar jino likōmjāje ilo kajoor eo aer make; im raar ilo̧k ilo maron̄ eo aer make, im bar bōk aer jikin kwelo̧k in Lo̧urō.

9 Im kiiō aolep men kein rekar kōm̧m̧an, im ekar wōr to̧ujin ko kar m̧ane er ilo rājet ko jim̧or, jim̧or riNipai ro im riLeman ro.

10 Im ālikin men kein bwe jilubukwi im jiljinon̄oul im jiljino iiō eaar eļļāļo̧k, im riLeman ro raar bar itok ioon riNipai ro n̄an pata; im jekdo̧o̧n riNipai ro raar jab ukeļo̧k jān nana eo raar kōm̧m̧an, a wōnm̧aanļo̧k ilo aer jero̧wiwi wōt.

11 Im lo ej jab maron̄ kōmeļeļeiki, ak armej ej jab maron̄ jeje juon kōmmeļeļe eweeppān kōn jekjek eo ekanooj nana kōn bōtōktōk eo im ibeebjauwe eo eaar ilubwiljin armej ro, jim̧or jān riNipai ro im jān riLeman ro; im bōro otemjej eaar penļo̧k, kōn menin raar itok-limo ilo kōto̧o̧rļo̧k bōtōktōk ilo ejjeļo̧k bōjrak.

12 Im eaar jan̄in kar wōr ^anana ekanooj ļap ilubwiljin aolep ro nejin Liai, ak em̧ool ilubwiljin aolep m̧weo im̧ōn Israel, ekkar n̄an naan ko an Irooj, āinwōt kar ilubwiljin armej rein.

13 Im ālikin men kein riLeman ro raar bōk jikin kwelo̧k in Lo̧urō, im men in kōnke ^aoran eo aer eaar eļļā jān oran eo an riNipai ro.

14 Im raar barāinwōt kōm̧m̧alijar ņae jikin kwelo̧k Tiankōm, im kar lukwarkwareļo̧k ro ie jān e, im bōk elōn̄ rikalbuuj jim̧or kōrā ro im ajri ro, im kar ajeļo̧k er āinwōt katok ko n̄an ^aanij ekjab ko aer.

15 Im ālikin men kein ilo jilubukwi im jiljinon̄oul im jiljilimjuon iiō eo, riNipai ro raar ļōkatip kōnke riLeman ro raar katok kōn kōrā ro aer im ro nejier, bwe raar kōm̧m̧alijar ņae riLeman ro kōn eļap otem ļap illu, jon̄an raar bar m̧an riLeman ro, jon̄an raar bar m̧an riLeman ro, im lukwarkwareļo̧k er jān jikin ko jikier.

16 Im riLeman ro raar jab bar kōm̧m̧alijar ņae riNipai ro m̧ae jilubukwi im jiljilimjuonn̄oul im ļalem iiō eo.

17 Im ilo iiō in raar wanlaļtak ņae riNipai ro kōn aolep kajoor ko aer; im rekar jab bōnbōn kōnke ļap in oran eo aer.

18 Im ^ajān iien in m̧aanļo̧k riNipai ro raar bōk ejjeļo̧k kajoor ioon riLeman ro, a kar jino bōkļo̧k er jān em̧ool āinwōt m̧ōļawi im̧aan aļ.

19 Im ālikin men kein riLeman ro raar wanlaļtak ņae jikin kwelo̧k in Lo̧urō; im eaar wōr juon pata ekanooj nana otem nana kar kōm̧m̧ane ilo āneo Āneen Lo̧urō, eo ilo e raar m̧an riNipai ro.

20 Im raar bar ko jān im̧aer, im raar itok n̄an jikin kwelo̧k Boaz; im ijin raar jutak ņae riLeman ro kōn eļap kajoor, jon̄an riLeman ro raar jab m̧an er m̧ae aer kar bar itok alen kein karuo.

21 Im ke raar itok alen kein karuo, kar lukwarkwareļo̧k riNipai ro kar m̧an er kōn juon im eļap otem ļap; kōrā ro aer im ro nejier kar bar katok kake er n̄an ekjab ko.

22 Im ālikin men kein riNipai ro raar bar ko jān im̧aer, im bōkļo̧k aolep armej ro ippāer, jim̧or ilo jikin ko reļļap im jikin kwelo̧k ko reddik.

23 Im kiiō n̄a, Mormon, kōnke iaar lo bwe riLeman ro raar nan̄in itōn ko̧kkure āneo, kōn menin iaar ilo̧k n̄an toļ ^aSim, im kar bōk lōn̄ļo̧k aolep ļo̧o̧k ko Ammaron eaar ņooji n̄an Irooj.