Bok in Mormon

1 Im kiiō n̄a, ^aMormon, ij kōm̧m̧an juon ^bļo̧o̧k in men ko iaar jim̧or lo im ron̄, im ņa etan Bok in Mormon.

2 Im enan̄in iien eo ^aAmmaron eaar ņooji ļo̧o̧k ko n̄an Irooj, eaar itok n̄an ippa, (n̄a iaar nan̄in jon̄oul iiō detta, im iaar jino ^bjeļā jidik ilo̧kan wāween jeļā an armej ro aō) im Ammaron eaar ba n̄an eō: Ij meļeļe bwe kwōj juon ajri ejeļā koļmānļo̧kijeņ, im kwo m̧ōkaj n̄an meļeļe;

3 Kōn menin, n̄e kwōj nan̄in ron̄oul im emān iiō ko dettam̧ ikōņaan bwe kwōn keememej men ko kwaar meļeļe kōn armej rein; im n̄e kwōj nan̄in dettan en kwōn ilo̧k n̄an āneen Antōm, n̄an juon bat eo naaj ņa etan ^aSim; im ijeņ iaar likūt n̄an Irooj aolep ļo̧o̧k ko m̧wijiti rekwōjarjar kōn armej rein.

4 Im lo, kwōnaaj bōk ^apileij ko an Nipai n̄an eok make, im bwe eo kwōnaaj likūt ilo jikin eo rej pād ie; im kwōnaaj m̧wijit ioon pileij ko an Nipai aolep men ko kwaar lo kōn armej rein.

5 Im n̄a, Mormon, ij juon bwijjin ^aNipai, (im jema etan eaar Mormon) iaar keememej men ko Ammaron eaar jiron̄ eō.

6 Im ālikin men kein n̄a, ke iaar jon̄ouljuon iiō detta, kar bōkļo̧k eō jān jema ilo āneo iturōk, em̧ool n̄an āneen Zaraemla.

7 Im aolepān mejān āneo eaar libobo kōn m̧ōko, im armej ro raar nan̄in bwijlep in wōt, āinwōt ekar bok in lo̧jet.

8 Im ālikin men kein ilo iiō in eaar wōr juon tariņae ikōtaan riNipai ro, ro raar kitbuuj riNipai ro im riJekab eo im riJosep ro im riZoram ro; im tariņae in eaar ikōtaan riNipai ro, im riLeman ro im riLemuel ro im riIshmael ro.

9 Kiiō riLeman ro im riLemuel ro im riIshmael ro kar etaer riLeman, im kumi ko ruo kar riNipai im riLeman.

10 Im ālikin men kein tariņae eo eaar jino in pād ilubwiljier ilo tōrerein ko an Zaraemla, iturin dān ko in Sidon.

11 Im ālikin men kein riNipai ro raar aintok ippān doon juon oran in em̧m̧aan eļap, em̧ool n̄an lōn̄ļo̧k jān oran in jiln̄uul to̧ujin. Im ālikin men kein eaar wōr aer ilo ejja in wōt jet pata ko, ko ilo er riNipai ro raar m̧an riLeman ro im kar m̧an elōn̄ iaer.

12 Im ālikin men kein riLeman ro raar kabbōjrak kōttōbalbal eo aer, im eaar wōr aenōm̧m̧an eaar jutak ilo āneo; im aenōm̧m̧an eaar pād ium̧win tōrean eo enan̄in emān iiō ko, jon̄an eaar ejjeļo̧k kōto̧o̧rļo̧k bōtōktōk.

13 A jero̧wiwi eaar anjo̧ ioon mejān aolepān āneo, jon̄an Irooj eaar bōk ro ^arikaļooran rejitōnbōro, im jerbal in bwilōn̄ ko im in kōmour eaar bōjrak kōnke nana eo an armej ro.

14 Im eaar ejjeļo̧k mennin ^aletok jān Irooj, im ^bJetōb Kwōjarjar eaar jab itok ioon jabdewōt, kōnke aer nana im ^cjab tōmak.

15 Im n̄a, ke eaar jon̄oul ļalem iiō ko detta im kōnke iaar jeļā koļmānļo̧kijeņ, kōn menin Irooj eaar lotok eō, im kar nemake im jeļā kōn em̧m̧an eo an Jisōs.

16 Im iaar kijejeto n̄an kwaļo̧k naan n̄an armej rein, a kar kili lo̧n̄iiū, im kar bōbrae bwe in kwaļo̧k naan n̄an er; bwe lo raar kōņaan ^akōpata ņae aer Anij; im rikaļoor ro rejitōnbōro kar ^bbōkļo̧k er jān āneo, kōnke aer nana.

17 A iaar pād wōt ilubwiljier, a kar bōbrae eō n̄an kwaļo̧k naan n̄an er, kōnke kijn̄en̄e eo an burueer; im kōnke kijn̄en̄e eo an burueer āneo eaar ^alia kōn er.

18 Im riko̧o̧t in Kadiantōn rein, ro raar pād ilubwiljin riLeman ro, raar pādjake āneo, jon̄an ro ijo raar jino ņooj mennin ^aaorōk ko aer ilo bwidej; im rekar ijjir, kōnke Irooj eaar kaliaik āneo, bwe ren jab kar maron̄ dāpiji, im jab bar dāpiji.

19 Im ālikin men kein ekar wōr anijnij ko, im ekkōpal ko, im m̧adm̧ōd ko; im kajoor eo an eo enana eaar jerbal ioon aolepān mejān āneo, em̧ool n̄an kūrm̧ool in aolep naan ko an Abinadai, im barāinwōt Samuel riLeman eo.