Tusitusiga Paia
Mataupu Faavae ma Feagaiga 14


Vaega 14

Faaaliga na tuuina mai e ala mai ia Iosefa Samita le Perofeta, ia Tavita Uitimera, i Feiete, Niu Ioka, luni 1829. Sa fia iloa tele e le aiga o Uitimera e uiga i le faaliliuga o le Tusi a Mamona. Sa faamautu e le Perofeta le mea e nofo ai i le fale o Peter Uitimera Matua, le mea sa nofo ai o ia seia oo ina maea le galuega o le faaliliuga ma maua mai le aiā puletaofia o le tusi o le a oo mai. O ni atalii e toatolu o Uitimera, ia sa taitoatasi ma latou maua se molimau e uiga i le moni o le galuega, sa oo ina popole tele e uiga i le mataupu e faatatau i lo latou tiute patino. O lenei faaaliga ma isi e lua ua sosoo ai (vaega 15 ma le 16) sa tuuina mai e tali mai ai i se olega e ala mai i le Urima ma le Tumema. Sa avea mulimuli ane Tavita Uitimera o se tasi o Molimau e Toatolu i le Tusi a Mamona.

1–6, O e e galulue i le tovine o le a latou maua le olataga; 7–8, O le ola e faavavau o le meaalofa silisili lea o meaalofa a le Atua; 9–11, O Keriso na foafoaina le lagi ma le lalolagi.

1 Ua le pine ona oo mai ao se galuega tele ma le ofoofogia i le fanauga a tagata.

2 Faauta, o A’u o le Atua; uai mai i la’u upu, lea ua vave ma manana, ua maai sili atu nai lo se pelu mata-lua, i le vavaeina o sooga ma le su o ivi; o lea ia uai mai i la’u upu.

3 Faauta, ua sinasina le fanua ua saunia e selesele; o lea, ai se e fia selesele ia tuu atu o ia e sasau atu lana selesaito ma lona malosi, ma selesele mai manū o ao, ina ia mafai ona teu e ia mo lona agaga le olataga tumau e faavavau i le malo o le Atua.

4 Ioe, ai se e sasau atu lana selesaito ma selesele mai, o ia lava lea ua valaaulia e le Atua.

5 O lea, afai e te ole mai ia te a’u o le a e maua; afai e te tuitui mai o le a tatalaina atu ia te oe.

6 Saili e aumai i luma ma faatuina la’u Siona. Tausi i a’u poloaiga i mea uma.

7 Ma, afai e te atausia a’u poloaiga ma etumau e oo i le iuga, o le a e maua le iola e faavavau, le meaalofa silisili lea o meaalofa uma a le Atua.

8 Ma o le a oo mai foi, afai e te ole atu i le Tamā i lo’u igoa, i le faatuatua ma le talitonu, o le a e maua le aAgaga Paia, lea na te tuu atu upu, ina ia mafai ona e tulai o se emolimau o mea o le a e ifaalogo ma vaai i ai, ma ina ia mafai foi ona e alaga atu le salamo i lenei tupulaga.

9 Faauta, o A’u o aIesu Keriso, le eAtalii o le iAtua soifua, o lē na ofoafoaina le lagi ma le ulalolagi, o se fmalamalama e lē mafai ona natia i le gpouliuli;

10 O le mea lea, e ao ina Ou aumai ai i luma le aatoatoaga o la’u talalelei mai eNuuese i le aiga o Isaraelu.

11 Ma faauta, o oe o Tavita, ma ua valaaulia oe e te fesoasoani; o se mea afai e te faia, ma faamaoni, o le a e manuia faaleagaga ma faaletino, ma o le a tele lava lou taui. Amene.