Foafoa, Foafoaga Tagai foi i le Amataga; Aso Sapati; Iesu Keriso; Foafoaga Faaleagaga; Lalolagi O le faatulagaina. O le Atua, e ala i lona Alo, o Iesu Keriso, na faatulagaina elemene i le natura e fai ai le lalolagi. Na faia e le Tamā Faalelagi ma Iesu le tagata i lo laua faatusa (Mose 2:26–27). Na faia e le Atua le lagi ma le lalolagi i le amataga, Kene. 1:1. Inā tatou faia ia o le tagata i lo tatou faatusa, Kene. 1:26 (Mose 2:26–27; Ape. 4:26). Na ia faia mea uma, Ioane 1:3, 10. Na faia e ia o mea uma lava i le lagi, Kolo. 1:16 (Mosaea 3:8; Hela. 14:12). Na faia e le Atua o lalolagi e ala i lona Alo, Epe. 1:2. Na foafoa le tagata i le amataga, Mosaea 7:27. a aʼu na foafoaina le lagi ma le lalolagi ma mea uma, 3 Ni. 9:15 (Mamona 9:11, 17). O tagata uma sa foafoaina i le amataga i lou lava faatusa, Eteru 3:15. Na foafoaina e Iesu Keriso le lagi ma le lalolagi, MF&F 14:9. Na foafoaina e ia le tagata, o le tane ma le fafine, e tusa ma lona lava faatusa, MF&F 20:18. E le mafaitaulia lalolagi ua ou foafoaina, Mose 1:33. O laʼu Toʼatasi na Fanauina na ou foafoa ai le lagi, Mose 2:1. O Aʼu le Alii le Atua, na foafoaina faaleagaga mea uma ae lei i ai i latou faaletino i luga o le lalolagi, Mose 3:5. O le miliona o lalolagi e pei o lenei e le mafai ona avea o se amataga i le aofai o au foafoaga, Mose 7:30. Na faatulagaina ma foafoa e Atua le lagi, Ape. 4:1.