Tusitusiga Paia
Mataupu Faavae ma Feagaiga 78


Vaega 78

Faaaliga na tuuina mai e ala mai ia Iosefa Samita le Perofeta, i Katelani, Ohaio, i le aso 1 o Mati, 1832. I le aso lena, sa faapea ona potopoto le Perofeta ma isi taitai e talanoaina mataupu tau le Ekalesia. O le faaaliga lenei na ulua’i faatonuina ai le Perofeta, Sini Rikitone, ma Newel K. Whitney e malaga i Misuri e faatulaga taumafaiga a le Ekalesia mo le faatauina atu ma le faatauina mai o oloa ma le faasalalauina o tusi tusitusia, e ala i le faatuina o se “kamupani” e vaavaaia nei taumafaiga, e maua mai ai tupe mo le faatuina o Siona ma le tausiaina o e matitiva. O le kamupani lenei, sa lauiloa o le Kamupani Tuufaatasi, na faatulagaina ia Aperila 1832 ma toe faaleaogaina i le 1834 (tagai i le vaega 82). O sina taimi i le mavae ai o lona toe faaleaogaina, i lalo o le taitaiga a Iosefa Samita, o le fuaitau “mataupu o le faleteuoloa mo e ua matitiva” na suitulaga i le “faatutuina o faleoloa ma falelomitusi” i totonu o le faaaliga, ma le upu “faatulagaga” na suitulaga i le upu “kamupani.”

1–4, E tatau i le Au Paia ona faatulaga ma faatuina se faleteuoloa; 5–12, O le faaaoga poto o a latou meatotino o le a tau atu ai i le faaolataga; 13–14, E tatau ona tutoatasi le ekalesia mai pule’aga faalelalolagi; 15–16, O Mekaeli (Atamu) e auauna i lalo o le taitaiga a le Paia e Toatasi (Keriso); 17–22, Amuia e faamaoni, aua o le a fai mo latou tofi mea uma.

1 Sa fetalai mai le Alii ia Iosefa Samita, Le Itiiti, ua faapea mai: Faalogo mai ia te a’u, ua fetalai mai ai le Alii lo outou Atua, o e ua faauuina i le aperisitua maualuga o la’u ekalesia, o e ua outou faapotopoto faatasi outou lava;

2 Ma faalogo mai i le afautuaga a lē na efaauuina outou mai luga, o lē o le a tautala atu i o outou taliga upu o le poto, ina ia oo mai ia te outou le faaolataga i lena mea ua outou tuuina mai i o’u luma, ua fetalai mai ai le Alii le Atua.

3 Auā e moni Ou te fai atu ia te outou, ua oo mai le taimi, ma ua oo mai nei lava; ma faauta, ma tagai, e tatau ona i ai se afaatulagaga o lo’u nuu, i le puleaina ma le faatuina o mataupu o le efaleteuoloa mo e ua imatitiva o lo’u nuu, i le nofoaga lenei ma i le laueleele o oSiona

4 Mo se faapotopotoga ma se faatulagaga mau ma le tumau e faavavau i la’u ekalesia, e faaalualu ai i luma le faamoemoe, lea ua outou tautino i ai, mo le faaolataga o tagata, ma mo le mamalu o lo outou Tamā o i le lagi;

5 Ina ia mafai ona outou atutusa i maliega o mea faalelagi, ioe, ma mea faaletino foi, mo le mauaina o mea faalelagi.

6 Auā afai tou te lē tutusa i mea faaletino, e lē mafai ona outou tutusa i le mauaina o mea faalelagi;

7 Auā afai tou te mananao Ou te tuu atu ia te outou se nofoaga i le lalolagi aselesitila, e ao ina outou esaunia outou lava i le ifaia o mea ua Ou poloaiina ai outou ma manaomia mai ia te outou.

8 Ma o lenei, e moni ua faapea ona fetalai mai o le Alii, e tatau ona faia o mea uma mo lo’u amamalu, e outou o e ua au faatasi i lenei efaatulagaga;

9 Pe, i ni isi faaupuga, ia tuu atu i la’u auauna o Newel K. Whitney ma la’u auauna o Iosefa Samita, Le Itiiti, ma la’u auauna o Sini Rikitone, e fono faatasi ma le au paia o e o i Siona;

10 A lē o lea, ua saili aSatani e liliu ese o latou loto mai le upumoni, ina ia faatauasoina i latou ma lē malamalama ai i mea ua saunia mo i latou.

11 O le mea lea, Ou te tuu atu ai ia te outou se poloaiga, ia outou saunia ma faatulaga outou lava i se maliega po o se afeagaiga tumau e faavavau e lē mafai ona motusia.

12 Ma o ia o lē na te solia o le a aveesea lona tofi ma lona tulaga i le ekalesia, ma o le a tuu atu i atu’iga a Satani sei oo i le aso o le togiolaina.

13 Faauta, o le sauniuniga lenei ua Ou saunia ai outou, ma le faavae, ma le ata Ou te tuu atu ia te outou, tou te mafai ai ona faataunuu o poloaiga ua tuu atu ia te outou;

14 Ina ia mafai e ala i la’u tausiga alofa, e ui i apuapuaga o le a oo mai i o outou luga, ona mafai ona tutoatasi le ekalesia i luga a’e o isi tagata uma i lalo o le lalolagi selesitila;

15 Ina ia mafai ona outou o mai i luga i le apale ua saunia mo outou, ma avea o ni epule i luga o malo e tele, ua fetalai mai ai le Alii le Atua, o le Paia e Toatasi o Siona, o lē na faatuina faavae o iAtamu-onai-Amani;

16 O lē na tofia aMekaeli lo outou aloalii, ma faatutumau ona vae, ma faatu maualuga o ia, ma tuu atu ia te ia ki o le faaolataga i lalo o le fautuaga ma le taitaiga a le Paia e Toatasi, o lē ua leai se amataga o ona aso po o se gataaga o le soifua.

17 E moni, e moni, Ou te fai atu ia te outou, o outou o ni fanau iti, ma tou te lei malamalama lava i le tetele o faamanuiaga o i ai i le Tamā i ona lava aao ma ua saunia mo outou;

18 Ma e lē mafai ona outou agafatia mea uma i le taimi nei; ae ui i lea, ia fiafia, ona o le a Ou eta’ita’ia outou i le ala. O le malo o la outou ia, ma o ona faamanuiaga o a outou ia, ma o ’oa o le ifaavavau o a outou foi ia.

19 Ma o ia o lē e taliaina mea uma ma le afaafetai o le a faamamaluina; ma o mea o le lalolagi lenei o le a faaopoopoina ia te ia, i le esautuaselau lava, ioe, e sili atu.

20 O le mea lea, ia fai mea ua Ou poloaiina ai outou, ua fetalai mai ai lo outou Togiola, o aAmani lava le Atalii, o lē e sauniaina mea uma ae le’i eavea outou e ia;

21 Ona o outou o le aekalesia a le Ulumatua, ma o le a eaveina a’e outou e ia i luga i se ao, ma tofia i tagata taitoatasi lana vaega.

22 Ma o ia o lē o se atausimea eatamai ma le faamaoni, o le a maua e ia mea iuma mo ona tofi. Amene.