Faapaia, Tulafono o le Faapaiaga Tagai foi i le Faatulagaga Aufaatasi; Malo o le Atua po o le Malo o le Lagi Ia faasaina, ia faia ia paia, pe ia avea ma tagata amiotonu. O le tulafono o le faapaiaga o se mataupu paia e tuuina atu ai e alii ma tamaitai ō latou taimi, taleni, ma le ʼoa o mea o le lalolagi e atinae ai ma fausia le malo o le Atua. Ia faapaiaina outou lava i le aso nei mo Ieova, Esoto 32:29. O i latou uma na faatuatua, na tuu tele ā latou mea uma, Galu. 2:44–45. Sa latou tuutele mea uma i totonu ia te i latou; o lea sa leai se mauoa ma se matitiva, 4 Ni. 1:3. Sa faamatala mai e le Alii mataupu autu o le faapaiaga, MF&F 42:30–39 (MF&F 51:2–19; 58:35–36). E le tatau ona sili mea e maua e le tasi nai lo le isi, MF&F 49:20. Sa tuuina atu i tagata taitoatasi se vaega tutusa e tusa ma lona aiga, MF&F 51:3. Sa faavaeina se faatulagaga ina ia mafai ai ona tutusa le Au Paia i fusi o mea faalelagi ma mea faalelalolagi, MF&F 78:4–5. Sa maua e tagata uma le āiā tutusa e tusa ai ma ona manaoga ma mea e manaomia, MF&F 82:17–19. E naʼo mataupu autu o le tulafono selesitila e mafai ona atinae ai Siona, MF&F 105:5. O le nuu o Enoka sa tasi o latou loto ma tasi le mafaufau ma sa mau i le amiotonu, ma sa leai sē mativa i totonu o i latou, Mose 7:18.