Benneg 7
Paltiing a naited kada Joseph Smith a Propeta ken Oliver Cowdery, iti Harmony, Pennsylvania, idi Abril 1829, idi nagdamagda babaen ti Urim ken Tumim no ni Juan, ti maipatpateg a disipulo, nagtalinaed iti lasag wenno natay. Naipatarus ti paltiing a patarus ti kasuratan nga inaramid ni Juan iti lalat ken isu a mismo ti nangilemmeng (History of the Church, 1:35–36).
1–3, Agbiagto ni Juan a Maipatpateg agingga iti yaay ti Apo; 4–8, Iggem da Pedro, Santiago, ken Juan dagiti tulbek ti ebanghelio.
1 Ket kinuna ti Apo kaniak: Juan, nga aipatpategko, ania ti btarigagaymo? Ta no dawatemto ti kayatmo, maitedto kenka.
2 Ket kinunak kenkuana: Apo, itdem kaniak ti bileg a sumaranget iti apatay, tapno agbiagak ket mangyegak kadagiti kararua kenka.
3 Ket kinuna kaniak ti Apo: Pudno, pudno, kunak kenka, gapu ta daytoy ti tarigagayam aagbatikanto agingga a dumtengak iti bgloriak, ket cagipadtokanto kadagiti pagilian, kakabsat, pagsasao ken tattao.
4 Ket gapu iti daytoy kinuna ti Apo ken ni Pedro: No pagayatak nga agbati isuna agingga iti yaayko, ania dayta kenka? Ta tinarigagayanna kaniak tapno yegannak kadagiti kararua, ngem tarigagayam ti madagdagus a yaaymo iti apagariak.
5 Kunak kenka, Pedro, nasayaat daytoy a tarigagay; ngem tinarigagayan ti patpatgek nga ad-adu koma pay ti maaramidna, wenno dakdakkel pay a trabaho kadagiti tao ngem iti naaramidnan.
6 Wen, nakaaramiden iti dakdakkel a trabaho; ngarud aramidekto a kasla gumilgil-ayab nga apuy ken aagserserbi nga anghel; pagserbiannanto dagiti bagtawidto iti pannakaisalakan nga agnaed iti cdaga.
7 Ket aramidenkanto nga agserbi kenkuana ken iti kabsatmo a ni Santiago; ket itedko kadakayo a tallo daytoy a bileg ken dagiti atulbek daytoy naespirituan a panagserbi agingga iti yaayko.
8 Pudno kunak kadakayo, agpadakayonto a maaddaan iti maibatay kadagiti tarigagayyo, tapno agpadakayo nga aagrag-o iti tinarigagayanyo.