Benneg 118
Paltiing a naited babaen ni Joseph Smith a Propeta, iti Far West, Missouri, idi 8 ti Hulio 1838, kas sungbat ti araraw: “Ipakitam kadakami ti pagayatam, O Apo, maipanggep kadagiti Sangapulo-ket-dua” (History of the Church, 3:46–47).
1–3, Itden ti Apo ti kasapulan dagiti Sangapulo-ket-dua; 4–6, Malugaran amin dagiti bakante iti Sangapulo-ket-dua.
1 Pudno, kastoy ti kinuna ti Apo: Maangay koma a dagus ti taripnong; mabukel koma ti Sangapulo-ket-dua; ken adda koma tattao a maituding a amangsukat kadagiti nagbasol.
2 Agtalinaed koma ni katulongak a aThomas iti maysa a panawen iti daga ti Zion, a mangipablaak iti balikasko.
3 Ituloy koma dagiti nabati ti mangasaba manipud iti dayta nga oras, ket no aramidenda daytoy iti amin a kinapakumbaba ti puso, kinaemma ken akinapakumbaba, ken bnaunday a panagitured, siak, ti Apo, agkariak kadakuada nga itdekto ti kasapulan dagiti kaamaanda; ket maluktanto ti nasamay a ridaw kadakuada, manipud ita.
4 Ket pumanawda koma iti sumuno a panagtutubo a mangballasiw kadagiti nalawa a dandanum, ket iwaragawagda sadiay ti ebangheliok, ti pakabuklanna, ket paneknekanda ti naganko.
5 Pumanaw koma dagiti santo iti siudad ti Far West, iti maika-duapulo-ket-innem nga aldaw ti sumuno nga Abril, iti lugar a pakaipatakderan ti balayko, kinuna ti Apo.
6 Matudingan koma ni katulongak a John Taylor, ken kasta met ni katulongak a John E. Page, ken kasta met ni katulongak a Wilford Woodruff, ken kasta met ni katulongak a Willard Richards, a mangpunno kadagiti lugar dagiti nagbasol, ket maipakaammo ti pannakatudingda.