Benneg 83
Paltiing a naited babaen ni Joseph Smith a Propeta, iti Independence, Missouri, idi 30 ti Abril 1832 (History of the Church, 1:269–270). Naawat daytoy a paltiing bayat ti pannakimitingna kadagiti kabsatna.
1–4, Adda kalintegan dagiti babbai ken ubbing nga abastuan ida dagiti assawa ken ammada; 5–6, Adda kalintegan dagiti balo ken ulila nga abastuan ida ti Simbaan.
1 Pudno, kastoy ti kinuna ti Apo, a mainayon kadagiti paglintegan ti simbaan maipanggep kadagiti babbai ken ubbing, dagiti kameng ti simbaan, a anakapukaw kadagiti assawa wenno ammada;
2 Adda akalintegan dagiti babbai nga abastuan ida dagiti assawada, agingga a maala dagiti assawada; ket no saanda a managbasol aywanan ida ti simbaan.
3 Ket no saanda a napudno saan nga aywanan ida ti simbaan; ngem adda pay la kalinteganda kadagiti tawidda a maibatay kadagiti paglintegan ti daga.
4 Adda kalintegan dagiti aamin nga ubbing nga abastuan ida dagiti nagannak kadakuada agingga a madanonda ti umdas a tawenda.
5 Ket kalpasan dayta, adda kalinteganda iti simbaan, wenno iti sabali a pannao iti apagidulinan ti Apo, no awan ti maited dagiti nagannak kadakuada a tawid.
6 Ket matarawidwidanto ti pagidulinan babaen dagiti itulong ti simbaan; ket masaranayto dagiti abalo ken ulila, a kas met kadagiti bnakurapay. Amen.