1 Adtoy, kastoy ti kinuna ti Apo iti katulongak a ni John Murdock—natudinganka a mapan kadagiti pagilian iti dumaya a mamalaybalay, iti tunggal purok, ken iti tunggal siudad, a mangipakdaar iti agnanayon nga ebangheliok kadagiti agindeg kadagitoy, iti kangitingitan ti ^apanagidadanes ken nadangkes.

2 Ket asino man ti ^amangawat kenka awatennak; ket maaddaankanto iti bileg a mangipakdaar iti balikasko iti ^bpannakaipakita ti Nasantuan nga Espiritu.

3 Ket asino man ti mangawat kenka a ^akas iti maladaga, awatenna ti ^bpagariak, ket nagasatda, ta awatendanto ti ^ckaasik.

4 Ket asino man a di mangawat kenka ^asaanto a maawat iti Amak ken iti balayna; ket dalusamto dagiti ^bdapanmo iti nalimed a luglugar iti dalan a pammaneknek a maibusor kadakuada.

5 Ket adtoy, ken imutektekan, madagdagus nga ^aumayak a ^bmangukom, a manggutugot kadagiti amin a di nadiosan nga aramidda a maisupring kaniak, a kas naisuratko iti tomo ti libro.

6 Ket ita, pudno kunak kenka, a saan a nasken a mapanka agingga a maipaayan iti kasapulan dagiti annakmo, ket maitulodda a siaanus iti obispo ti Zion.

7 Ket kalpasan ti sumagmamano a tawen, no tarigagayannak, mabalinmo met ti mapan iti nasayaat a daga, tapno tagikuaem ti tawidmo;

8 No saan ituloymonto nga ipakdaar ti ebangheliok ^aagingga a maalaka. Amen.