Ngaahi ʻEkitivitī ki he Haʻu ʻo, Muimui ʻIate Aú

ʻĪmisi

Four illustrations depicting various children's activities. 1. Bowl of candy. 2. Children dancing 3, Children making an indoor tent with blankets 4. Child playing a game.

ʻI he Mātiu 4; Luke 4–5

Talanoá: Naʻe ui ʻe Sīsū Kalaisi ha ongo tangata toutai, ko Pita mo ʻAnitelū, ke muimui kiate Ia. Naʻá na liʻaki hona kupenga toutaí ka na ngāue mo Sīsū. (Vakai, Mātiu 4:18–20.)

Hivá: “Te u Muimui he Palani ʻa e ʻOtuá” (Tohi Hiva ʻa e Fānaú,86–87).

ʻEkitivitī: Fai e vaʻinga ko ʻení: ʻOku fili ʻe ha tokotaha ha ngāue. ʻOku faʻifaʻitaki ʻe he toengá kotoa ʻa e ngāué. Pea fili leva ʻe ha taha kehe ha ngāue foʻou. ʻOku fakahoko kotoa ʻe he niʻihi kehé ʻa e ʻuluaki ngāué, pea hoko ki he uá. Hokohoko atu hono tānaki atu e ngaahi ngāué pea sio pe ko e fiha te ke lava ʻo fai kae ʻikai ngalo ha taha.

ʻĪmisi

Four illustrations depicting various children's activities. 1. Bowl of candy. 2. Children dancing 3, Children making an indoor tent with blankets 4. Child playing a game.

ʻI he Sione 2–4

Talanoá: ʻOku tau ʻilo ʻoku ʻofa ʻa e Tamai Hēvaní ʻiate kitautolu koeʻuhí naʻá Ne fekauʻi mai Hono ʻAlo ko Sīsū Kalaisí ki māmani. Koeʻuhí ko Sīsū, te tau lava ʻo toe nofo fakataha mo e Tamai Hēvaní ʻi ha ʻaho. (Vakai, Sione 3:16–17.)

Hivá: “Naʻá Ne Fekau Hono ʻAló” (Tohi Hiva ʻa e Fānaú, 20–21).

ʻEkitivitií: ʻOkú ke fakahaaʻi fēfē nai hoʻo ʻofá? Kosi ʻo toʻo ke lahi ha ngaahi foʻi haati pepa. Tohiʻi ʻi he [foʻi haati] takitaha ha meʻa te ke lava ʻo fai ke fakahaaʻi ai hoʻo ʻofá ki he niʻihi kehé. Faʻo e ngaahi foʻi hātí ʻi ha foʻi hina pe poulu. Fili ha foʻi haati mei he poulú ʻi he ʻaho kotoa pē ʻo e uiké. Fai leva ʻa e meʻa kuo tohi ʻi he foʻi hātí!

ʻĪmisi

Four illustrations depicting various children's activities. 1. Bowl of candy. 2. Children dancing 3, Children making an indoor tent with blankets 4. Child playing a game.

ʻI he Mātiu 5; Luke 6

Talanoá: Naʻe hāʻele hake ʻa Sīsū ʻi ha ʻaho ʻe taha ki ha moʻunga ke akoʻi ʻa e kakaí. Naʻá Ne akoʻi kinautolu ki he founga ke nau hoko ai ʻo hangē ange ko Ia mo e Tamai Hēvaní. ʻOku tau ui ai ʻEne ngaahi akonakí aí ko e Malanga ʻi he Moʻungá. (Vakai, Mātiu 5–7.)

Hivá: “ʻOku ou Feinga ke Hangē ko Sīsuú” (Tohi Hiva ʻa e Fānaú, 40)

ʻEkitivitií: Fakahoko ʻa e ʻekitivitī ʻi he peesi 8. ʻI hoʻo lau e folofolá, talanoa ki ha toe meʻa kehe ʻoku finangalo ʻa Sīsū ke tau fai.

ʻĪmisi

Four illustrations depicting various children's activities. 1. Bowl of candy. 2. Children dancing 3, Children making an indoor tent with blankets 4. Child playing a game.

ʻI he Mātiu 6–7

Talanoá: Naʻe fai ʻe Sīsū Kalaisi ha ngaahi talanoa naʻe ui ko e ngaahi talanoa fakatātā ke akoʻi ʻaki ha ngaahi lēsoní. ʻI ha talanoa ʻe taha, naʻe langa ai ʻe ha tangata ha fale ʻi he ʻoneʻoné. Naʻe langa ʻe ha tangata ʻe taha ha fale ʻi ha funga maka. ʻI he taimi naʻe ʻuha aí, naʻe holo ʻa e fale ʻi he ʻoneʻoné. Ka naʻe kei tuʻu pē ʻa e fale ʻi he funga maká! Naʻe fiemaʻu ʻe Sīsū ke akoʻi kitautolu ko e taimi ʻoku tau muimui ai kiate Iá, ʻe lava ke tau maʻu ha mālohi lolotonga e ngaahi taimi faingataʻa mo fakailifiá. (Vakai, Mātiu 7:24–27.)

Hiva: “Ko e Tangata Potó mo e Tangata Valé” (Tohi Hiva ʻa e Fānaú,132)

ʻEkitivitī: Fakaʻaongaʻi ha ngaahi sipi kafu, taueli, pilo, pe ngaahi meʻa kehe ke langa ʻaki ha fale. Talanoa leva fekauʻaki mo e founga ʻoku ʻomi ai ʻe he muimui kia Sīsuú ʻa e melinó ʻi he ngaahi taimi faingataʻá.