“Ko e Muimui kia Sīsū ʻi Tailení,” Kaumeʻa, Sānuali 2024, 6–7.
Ko e Muimui kia Sīsū ʻi Tailení
Feʻiloaki mo Paniā
Ko e Founga ʻOku Muimui ai ʻa Paniā kia Sīsuú
ʻOku fakaafeʻi ʻe Paniā hono tuongaʻane ʻakí ke na ō ki he lotú. ʻI heʻene haʻú, ʻoku tokoni ʻa Paniā ke ne ongoʻi ʻoku talitali lelei ia. ʻOkú ne tokoniʻi ia ke ne feʻiloaki mo e fānau kehe ʻi he Palaimelí mo maʻu haʻane ngaahi kaungāmeʻa.
ʻI ʻapí, ʻoku tokoni ʻa Paniā ʻi hono fakamaʻa ʻene puha maʻu meʻatokoni hoʻataá mo hono suú. ʻOku pehē ʻe Paniā, “ʻOku ou fiefia ʻi he taimi ʻoku ou tokoni aí.” ʻOkú ne nofo mo hono mehikitangá mo ʻene kuifefiné, pea ʻokú ne manako ke tokoniʻi kinaua. ʻOkú ne pelupelu foki mo hono kafú ʻi he pongipongi kotoa pē.
Ne ʻikai fuoloa ʻa e mālōlō ʻa e faʻē ʻa Paniaá. ʻI he taimi ʻoku ʻofa ai ʻa Paniā ki heʻene faʻeé, ʻoku tokoniʻi ia ʻe hono mehikitangá ke ne lotu ki he Tamai Hēvaní. ʻOkú ne ongoʻi ʻoku ʻofaʻi ia hili ʻene lotú. ʻOkú ne pehē, “ʻI he taimi ʻoku ou lotu aí, ʻoku ou ongoʻi hangē ʻoku ʻiate au ʻa Sīsuú.”
Paniā mo ʻene kuifefiné mo hono mehikitangá.
Fekauʻaki mo Paniā
Taʻu: 7
Mei: Nonthaburi, Thailand
Lea Fakafonuá: Taileni
Taumuʻa: Hoko ko ha tokotaha teuteu fale mo teuteuʻi ha ngaahi loki ʻi he ngaahi falé mo e ngaahi feituʻu langá
Ngaahi meʻa ʻokú ne saiʻia ke faí: Hulohulá, heka pasikalá, ako tā pianó, kakaú, laukongá, mo e taekwondo
Fāmili: Paniā, mehikitanga mo e kuifefine
Ngaahi Meʻa ʻOku Manako Taha ai ʻa Paniaá
Talanoa ʻo Sīsuú: ʻI he taimi naʻe papitaiso ai Iá (vakai, Mātiu 3:13–17)
ʻAho mālōloó pe tukufakaholo fakafāmilí: Kilisimasí mo e ngaahi fononga fakafāmilí
Fuaʻiʻakau mo e vesitapolo: Kālepi lanu matá mo e kiukamipaá
Lanu: Vāleti
Hiva Palaimelí: “Fie Siofia ha Temipale” (Tohi Hiva ʻa e Fānaú, 99)