“Imaron̄ Ke Jerbal Eḷan̄n̄e ijjab Jeḷā Kōnono?,” N̄an Kōkajoorļo̧k Jodikdik Ro, M̧aaj. 2024.
Kajoor n̄an Jerbal
Imaron̄ Ke Jerbal Eḷan̄n̄e ijjab Jeḷā Kōnono?
Rilomo̧o̧r eo emaron̄ kōkajoor koj men̄e epen n̄an ad tōbar ro jet.
Ke iaar ped ilo high school, iaar ḷōmṇak iaar jab juon rikaḷọọr an Jisōs Kraist aorōk kōnke eaar ben Aō kōnono ippen armij.Iaar jab jaje kōnono wōt—Iaar bar lukkun mijak!Iaar lukkun mijak eaar ben n̄an N̄a bwe in kōm̧m̧an m̧ōtta im mool n̄an rijikuul ro m̧ōtta ilo jikin jikuul im jikin jar.
Kōn menin, iaar mijak in ebbōk kūr ko an Young Women im iaar en̄ajke ke iaar jab maron̄ ekojarjar einwōt ro m̧ōtta im raar lukkun jela kōnono im jeḷā ippen doon jen N̄a.
Im ke iaar diwōjḷọk jen high school im kālet n̄an jerbal einwōt juon mijinere, iaar lukkun mijak!
Iaar en̄ajke ke Anij eaar kōṇaṇ bwe in jerbal, bōtaab ḷōmṇak eo aō jinoun ekar, “Etke Anij ej kōṇaṇ juon armij einwōt n̄a me n̄an jerbal?Iaar jab maron̄ kōnono n̄an armij!”
Bōtaab einwōt juon eo emijak, iaar kālet n̄an lōke Anij im jerbal einwōt juon mijinere.
Pedped ioon Kajoor eo ilo Jisōs Kraist
Ilo Aō kar jerbal, eaar lukkun ben, bōtaab ilo Aō kar wōnm̧anḷọk wōt im kajjeon̄ (im jab kōtḷọk aō wōtlo̧k), iaar loe bwe Irooj eaar kōkajoor iō bwe in kōm̧m̧ane jerbal eo Eaar kajjitōk bwe in kōm̧m̧ane.
Ilo Bok in Mormon eo Irooj ej ba: “Im eļan̄n̄e armej rej tok n̄an Eō Inaaj kwaļo̧k n̄an er aer m̧ōjņo̧.Ij leļo̧k n̄an armej m̧ōjņo̧ bwe ren maron̄ ettā bōro; im Aō jouj ebwe n̄an aolep armej ro rej kōttāik er Im̧āō; bwe eļan̄n̄e rej kōttāik er Im̧aō, im wōr aer tōmak ilo N̄a, innām Inaaj kōm̧m̧an mennin m̧ōjņo̧ ko ren erom kajoor n̄an er” (Ether 12:27).
Ilo mijen eo aō iaar kūle ke Jisōs Kraist emaron kōm̧m̧an men ko raibojoj ippan ejjab kōn kajoor eo aō bōtaab kōn An.Im iaar bar kūle bwe An kajoor eaar jab itok n̄an n̄a ejjab kōnke iaar juon mijenere, bōtaab eaar bar kōn juon men iaar bar pedped ioon ilo tōre eo Iaar high school.
Men eo em̧m̧an Jisōs Kraist kake ej bwe jejjab aikuj tikirii ak juon kōmelele kōn kōj n̄an jerbal ilo Aelōn̄ in Kiin̄ eo an im juon rikaloor ekajoor!Eḷan̄n̄e jenaj ettā im lukkun kōṇaṇ jerbal ilo bōro, Jisōs Kraist enaaj bōk kōj ilo lukkun lememeid, ijo jej ped ie, im letok n̄an kōj jipan̄ im kajoor n̄an jerbal n̄an E.