Náásgóó Diyin God Nihił Ííshją́ą́ É’éł’į́

Dííshjį nihá ha’íínishnóo éí t’áá’áníiltsǫ́h, Diyin God ayóó’ánihóní dóó bits’áádę́ę́ adinídíín nihitah hólǫ́ǫ doo. Dííshjį́ t’óó ahoyoí da’íists’ą́ą́’ígíí NihiZhé’é Yá’ąąshdi hólóonii, ayóó’áhinoníinii shich’į ííshją́ą́ íidoolííł danízin goo yiniyé yídin danilį́.

Nida’nitinii bi Naat’áanii éí nida’nitinígíí ła’ bich’į anáhót’i’go sodizin yee yá ná’ookąąh. Azhé’e dóódai amá éí binaagó nahasdzáán bikáagii da’ahijigą́ǫ ákoh háájigo lą́ niha’áłchíní bił nidiinééł, doodai daats’í t’áákǫǫ kéédahwiit’į́į doo. T’óó ahayoí stake yilą́ąji danilínigíí dóó bishop danilínígíí díishjį́įdi Bóholį́įhii yich’į sodadilzin lą́, haaléit’ao diné dibé nahalingo nihits’ą́ą́ yó’ííyáhígíí biká’adoowoł níigoo yá yí na’ídíłkid. Áádóó Diyin Yáyáłti’í éí, Bóhólníihii hait’oa diné atah danilínígíí yich’į’ hadoodzih dóó díí nahasdzáán bikáágii doo yá’áhoot’éégóó, hait’ao yich’į hadoodzihgo bił bééhózin doo.

Nihił bééhózin, azhą́ diné t’áábí ánahwii’aah dóó t’áábí binitsááhákees hólǫ́ǫ ndi, díí iiná biyi’ na’ídíkid ílínígíí bee ééhózin dooleeł goo doo bá bíighada. Diyin God nihich’į ííshją́ą́ áná’iiłįįgoo t’éiyá. Doo t’ááłáhídi hach’į nahwiináago t’eiyá nihich’į áł’į́įda, éí yee’ t’áá łahjį tó nihił yah’íílį́ nahalingo nidzin. Doo t’ááłáhídi nihił ch’i’nidláadgo dóó nihitah yáá’áhoot’éé goo bíighada, jó t’ááłajį Diyin God bił ałch’į yéelti’go bee nihik’ijóódlíido nidzin.

Díí Jesus Christ bisodizin báhooghan éí ła’ ashkii t’anidi tsiłkéí nilį́įgo, t’áá aníí át’e bił beehózingo, binahjį sodizin báhoghan hólǫ́. Joseph Smith biłbééhózin, sodizin báhoghan yitah nilį́į dooleeł’ígíi doo t’áábí bił bééhózin yíighada. Ákoh James biyi’di na’asdzohigii gi’ át’áo Diyin God neídííłkid. Tsin tahdi, nihiTaa’ God dóó biye’ Jesus Christ baaní’áázh. Éí Joseph bina’ídíkid’ę́ę doo t’áábí yíighahgóó bił hóoni’.

Íidą́ą́’ nihiTaa’ bik’idiilnii’ dóó Jesus Christ bi sodizin bá hooghan nahasdzáán yikáá’gii ninéínídlá, áádóó ałdó’ Níłch’i Diyinii bi bee adziił yee dííshjį́įdi t’adii nihiTáá’ nihich’į ííshją́ą́ ánál’įį hólǫ́ náhásdlį́į́’.

Naat’áanii Boyd K. Packer kót’ao Jesus Christ bisodizin báhoghan t’áánii át’é bee ééhózingo hólǫ́: “Jesus Christ bi sodizin báhóghan biyi’ t’áá’aníinii hwił ’ííshją́ą́’álį́: Jesus Christ bi sodizin báhoghan éí Diyin God yá yáłti’í yił halne’; áadóó stake bi nat’áanii éí stake yá yił hałne’, nda’nitin’ígíí bi naa’táánii yá yił hałne’, quorum éí quorum yá yił hałne’; bishop éí t’áá bí dayo’iish’ígíí yá yił halne’; azhé’é éí ba’áłchíní yá yił halne’; t’áá nihí ádá nidi nihił halne’.”¹

Ííshją́ą́ ánééhígíí éí bee ha’azhish, bee ni’hwii’aah, dóó bee náásgóó t’áá hwó hach’į íishją́ą́ áyił’įįgo éí nizhóní. Nephi éí Lehi biye’ nilį́įgo bee iiná ádá dadíníil’įįł. Bizh’é’é naazyeel. Ła’ ba’áłchíni éí Lehi yee naazyeel ę́ę biniinaa Lehi doo hazhó’í nitse’kees da danízin. Ákondi Lehi naazyeel biyi’ Diyin God éí saad bik’eh’óol’ínígíí hólǫ́, éí éí báhádzid ndi Lehi bee’ashiike’ Jerusalem gó béésh óola jó Diyin God bizaad biyi’, yiniká nídookaah, ákoh kéyah aadeet’áaníí góó dayoo’ááł dooleeł.

Nephi bizhé’é Jerusalemgo ńdooka bi’doo’niid yę́ędą́ą́’ Nephi ádííniid’ę́ę t’áá łą’ídi bee haná’ádzih. Saad éí bééhonísin: “Shí ákǫ́ǫ́ deishááł dóó Bóhółníihii yiniyé nanihił’a’ígíí bikék’eh ádeeshłiił.”²

Lehi éí Nephi kót’ao saad yee haadzii’ígíí yidiistsą́ągo, Diyin bizaad ndahaasdzoh’ígíí biyi bikáá’ “t’áá’íyisíí bił hoozhǫǫd.”³ Bininaa yaa bił hóózhǫǫd’igíí éí Nephi k’ad bizhé’é t’áá’aníí naazyeel dóó Diyin God bich’į haadzíígoo k’ad bił bééhozin. Nephi éí doo kódííniid da, “Shí ákǫ́ǫ́ deeshááł dóó shizhé’é ádiilííł shiłní’nígíí ádeeshlííł doo dííniid da.” Jó nidi kódíiniid, “Shí ákǫ́ǫ́ deeshahááł dóó Bóhółníihii bizaad bik’eh ádeeshłííł.”

Ni ałdó nighan haz’ą́ądi binahjį Lehi, “t’áá’íyisíí bił hoozhǫǫd” nił bééhózin. Diyin God éí Nephi t’áá’aníí yił ííshją́ą́ áyiilaa goo bits’ą́ą́dóó bizhé’é bił hózhǫ́.

Dikwííshį́į́ amá dóó azhé’e’ tsiłké oolkiłgo hoghandi nídoodaał biniyé bee haz’áanii áyiilaa. Díí baantsínikees, jó díí ániid áhóót’įįd, ła, ba’áłchíní hoghandóó dadiiyná, ákoh t’áá bí oolkiłgo nídodááł’ígíí yee nahas’ą́ dóó Damóogo baana’adáhígíí t’áá hoghandi bee nabi’neeztą́’ą́ą gi’át’ao kéé’hát’į́įgo bimá dóó bizhé’é bił bééhoozįįdgo yaa bił hózhǫǫd. Diyin God t’áá’aníinii amá dóó azhé’e’ bich’i’ ályaayę́ę yik’e hół’įįd áádóó, biyázhí k’ad náásgóó yiké k’eh yigááł.

Shimá éí Diyin God yił ííshją́ą́ áyiilaa’ígíí bił beehózin nt’ę́ę́’sha’shin. Tseiłké nishłi néedą́ą́’, tłéegoo náshdáá góó hazhó’í goo dá’ídííkaał daán’dishtiih nt’ę́ę́. Shimá ná’iiłhwosh góne’ bíigha ałnánáshwo’ nt’ę́ę́’. Azhą́ t’ao’íítsa’í yishááł nidi, shimá shózhii, “Hal. Ałtse’ t’óónígháníjį shił yaa’anináá.” shiłnii.

Bił yaa ’ishwo’ dóó bitsásk’e bibąągii danishdaa. Ákóne’é chahałheeł. Íídą́ą́’ íísíniłts’ą́ągo éí t’óó iiná baa yá’átiih át’é nínízindo nt’ę́ę́’. Ákondi, díishjį́įdi, yee haadzíí’ę́ę bidzil goo bénáshnii, shi patriarchal blessing yíínishta’ nahalingo bidzil.

Shimá tł’ę́ę goo shiba’ sidao yaa sodilzin nę́ę doo shił beehózinda. Shíká adeest’į́į́ daats’í biniyé. Patriarch hak’ih sodi’niilzin gi’át’áo sodolzin sha’shin nisin. Patriarch sodilzingo saad yee hadoodzhi’ígíí éí Diyin God bizaad át’é, doo bí da. Shimá shá sodilzin áyiilaa’ígíí éí shi bik’diitą́. Dízdiin nááhai yę́ędą́ą́’ anáádzá. T’áá íyisíí bił hózhǫ́ sha’shin jó shik’i’hojisdlíígo God bizaad disíts’ą́ą́’. Shá yinízin’ę́ę béé’íshdléégo bá nashnish.

T’áá éí alílee stake dóó bishops ałą́ąjį danilínígíi Jesus Christ bisodisin báhoghan yił íísją́ą́ íł’į́įgo yish’į́. Dóó, t’áá’ anííh, hooghan haz’ánídi Diyin God ííshją́ą́ ííł’į́ bił ílį́įgoo, éí baa yilyéé’ígíí yee dah oo’ish doo.

1976 yę́ędą́ą́ Idahodí Teton Dam asts’áált’ǫ, áko Diyin God yił ííshją́ą́ alyaa goo alílee yiłtsą́. Lą’í ádahóót’įįdígíí nihił béédahózin. Ndi, bits’ą́ą́doo íhoo’aah éí Diyin God naat’áanii stake dahyo’iishígíí yił ííshją́ą́ áyiilaa binajį náasgóó nihik’ijoosdliid.

Díkwíí shį́į́ dimííl yázhí diné dabighanee daahóóchxǫ’ dóó yiyi’dóó ch’ídaheezná. Nat’áanii Stake dahyo’iishígíí dine yaa’áhalyą́ągo binaanish hazlį́į́’. Áhóot’įįd dóó dikwiijį́ shį́į́ Ricks Collegedi ólta’ góne’ naashá. Washindoondó áká ’aándajahígíí ła nihaa níya. Bí dóó bíká anájahígíí hótsaa góne’ naat’áanii stake dayoo’ishígíí dóó bishops dóó náánáła’ bisodizin bá hooghan nida’nitin’igíí ahíikai. Shí éí ólta’ bi naat’áanii nishłį́įgoo ołta’gi diné áadoo atídaadzaa’igíí baa ádahayą́ dóó nídabiilkáá.

Wáshindoondę́ę́’níyáhigíí t’ááhosh’chį bibee’óhólníigo kót’ao ádoolníł níigo haadzíí’. Ashdla’ doodai hastą́go naanish ádoolnííł níigoo haadzíí dóó bik’ijį naat’áanii stake dahyoo’ishigíí hazhóó’ígoo hadzíí’, “Ei t’áá’íídą́ą́’ ádeelyaa” yidíiniid.

T’áá hodíínáá’ígoo, hastiin Washindoon dę́ę́ áká’adoojah biniyé abi’dool’aad’ę́ę kódíiniid, “T’óó kǫ́ sidao t’óóníghaníjį’ ha’asíído.” Bí dóó bika’anájahígíí t’óó bishop dóó eldirs quorum alą́ąjį́ nilínígíí hait’áo áká’ííjéé’ígíí yaanidaahasni’. Nihinaat’áanii naanish kót’áo ádadoołííł daaníigoo bik’eh dahosiil’įįd. Diyin k’ehjí haitáo amá dóó azhé’é dóó baa áłchíni k’ad bighan dááchxo’ígíí baa áhóyą́ądoo bił ííshją́ą́ ályaa’ígíí yaa daholni’. Nízaagóó olkił azlį́į́’. T’áá ałtsǫh ch’éé dah déískai, ndi t’áá baahat’aadí diné ayóó’ádayóní.

Nat’áánii Stake dahyoo’ishígíí éí bishop kót’áo naanish ánáádoolnííł yidíiniid, dóó yiską̨́ǫ abíínígoo áłah nááhodoodleełgo yiłhoolni’.

Abíínígoo, 20 dahalzhim áłah halee baaha’aldééh yidziigo, Washingdoon dę́ę́’ alą́ąjį’ sizínígíí níyá. Nat’áanii Stake dayoo’ishígíí haazhóó’ígo yich’į haadzííh. “President, haaléi t’ao shí dóó biłnidashnish’ígíí níká’adiijah? yidíiniid.

Éí hastiin yiyiłtsánę́ę, shí ałdo nahasdzáán bikáá’gii diné ti’dahooníigo yiłtsą́. Nat’áanii Packer t’áá aníí’ání. Diyin God íishją́ą́ íł’ínígíí naat’áanii stake dahyo’ishígíi doo yíighagó yił halne’ jó ákot’áo yíká’iilwo. Dóó éí biláágó, éí Bóhólníihii naat’áanii yikéé nazínígíí éí Diyin God bi ak’ehół’íinii hólǫ́ dóó Níłchih Diyinii bits’ą́ą́dóó t’áá’aníí at’éigo binajį nihił bééhózindo.

Shí alą́ąjį’ danilínígíí diyin k’éhjí bikéé’ yisháłgo yee shik’i’joosdlíí’. Anii naasháhę́ędą́ą́’ eldir quorum bi nat’áánii bikéé’ dahsidáago shik’ihoodiinii’. Nááná éí naakidi District yilą́ąjí nilínígíí bikéé’ dahnída’, Presiding Bishop of the Church ałdo bikéé dahsidáh nt’ę́ę́’, dóó Naakits’ááhda Jesus Christ yikéé’ naazínígíí ałdó nishłį́įgoo bee shik’ihodiinii’, áádoo naakidi Diyin God Yá Yałti’í bikéé’ dah nída’. Naat’áanii danilínígíí bił íishją́ą́ ályaagoo yiłtsą́ áádóó yikéé danilínígíí ałdó bił ííshją́ą́ áłyaa.

T’áá hwó hwił ííshją́ą́ áłyaa goo nízhdiilei, éí íyisíí daniidzin, ndi t’áá nanitłahgo, dóó doo t’óó ízhdóókeed binahjį haayilyéhda. Bóhólníihii éí kót’áo Diyin God nihich’į ííshją́ą́ íidoolííł. Díí haida, inda t’áá áníitsoh, Diyin God shił ííshją́ą́ íidoolííł yinízinígíí bee ééhózin.

“Nits’íís biyi’dę́ę́ t’áá’ałtsǫ diné baajííníba’ doo, inda da’oodlánígíí ałdó’, dóó t’ááłahjį’ yáá’ádaat’éhígíí baa nitsíníkees doo; áko Diyin God bidáa’gii yii nizį’goo nitah hółdzil doo; áádóó God bi bee adziilii, bina’nitin, ni ii’sizíinii łahó át’éi doo, yá’ąąshdę́ę́ shoh hazlį́į́’ nahalin goo.

“Níłchi Diyinii éí t’ááłahjį nił hólǫ́ǫdo. ”⁴

Díí na’nitin t’áá ’ániit’é nihá át’é. Diyin God Yá Yáłti’í ayóó’ííníinígo nitah náhádléégo éí áadoo t’óó doo át’éhída níníziní. T’áá háádishį́į́ Jesus Christ bi sodizin báhooghan bitah ałnánáshdáago, inda t’áá haishį̨į Diyin God yá yáłti’í nilį́į ndi, atah danilínígíí kó dashiłníi łeh, “Church Headquartersdi, náníndzáago Diyin God Yá Yáłti’í ayóó’ádaniiní nihá bididíiniił.

Hatah ákot’áo éí doo t’óó haidída nił yá’át’ééhígíí bich’į hodílziní át’éída. Diyin God niheeníláhígíí át’é. Díí binahjį Diyin God yá yáłti’í haadzihgo bee nich’į ííshją́ą́ alnéé’ígíí doo nanitłagó naadoolyééł. Ayóo’ó’ní nitah nááhádleehígíí éí Bóhólníihii t’áá haishį́į́ Bá hadoodzihígíí ayóó’áyó’ní.

T’ááłajį hatah ákó hoot’éigo nanitłah, jó Bóhólníihii éí Diyin God yá yádałłti’í na’nitin goo ła’ yee háádaadzih’ígíí ayóo diné bá nanitłah. Nihi tsíís dóó nihi ii’sizíinii bee ’ana’í éí Diyin God yá yáłti’í doo Diyin God yik’idiilniida daniidzin dooleeł goo ákó yits’ą́ą́jigoo dah nihididoolǫ́ǫ́s yinízin.

Níłch’í Diyinii éí ajéí yilzhólí áyiilaago yish’į́, jó éí Jesus Christ yikéé naazínígíí t’áá’aníI goo yił ííshją́ą́ í’iilaago yee ya’áháłyą́ądo biniyé.

Diyin Yá Yáłti’í éí hastiin ła’ nízaadi kintaa yázhídi bighan. Ákǫ́ǫ́ díínááł dóó diyin k’ehji’ í’diiljee baadíí’lééł shiłníigo ákǫ́h ashííł’a’. Diyin yá yáłti’í t’éiyá bibee’óhólníihii diyin bee adzilgo, t’áá bí t’éíyá haida baadoolyééłgo bóhólį́į́h. Bóhólníihii éí Peter, naakits’áadah yilą́ąjį sizínée, yee nílá. Éí ílį́ ánálnééhígíí, diyin k’ehjí í’diiljeehí sheélyá nidi nááná ła’ baa deeshłééłgo éí Diyin Yá Yáłti’í t’áá bí yich’į́ ashííł’aadgo t’éiyá.

Ákoh, Salt Lake doo nizaadi, sodizin báhoghan góne’ hastiin Diyin God yá yáłti’í yik’idiilnii’ígíí bi tsiitaah bikáá’gi shíla’ bee dadínishnii’go diyin k’ehjí bee í’diiljeeh baa nílá. Bí bíla’ lą’í nááhaigo nashnish dóó doo hózhǫ́ béeso yee áyiilaada nahalin. Bi ch’ooné bighagii dahsidá. Bí ałdó lą’í nááhai, baa hastiin yił naashnish nt’ę́ę́ nahalin.

Diyin yá yáłti’í saad sheeníjaa’ę̨́ę bee hasdzíí’. “Bee’o’hólníihíí dóó naanish shąą siláhígíí “áádóo Diyin yá yáłti’í yíizhi’, “k’ad nahasdzáán bikáá’gi bi’ohólníihii t’áá’át’é bee hólǫ́ dóó bídéét’i’, díí ilį́ álnééhígíí diyingo bee í’diiljeehí bidzilgo naanishłé,“ áádóó bízhi’ t’áá át’é nit’i’ígíí bee yíizhi’ dóó Diyin God bighan nitsaa’ígíí yíizhi’, éí biyi’di diyin k’ehjí í’diiłjeehí nílį́įgoo binaanish k’ad hólǫ́.

Bi nák’eeshto’ binii’góyaa náálį́. Bi ch’ooné ałdó yichah. T’óó nígháníjį biba’. Asdzáání nídiina’ dóó shich’į niníyá’. Dego shiníł’į́įgo kóshidíiniid, shił hózho’ ndi ałdó doo shił hózhǫ́ǫda. Diyin God bighan ntsáágo’ bił ałnánásht’ashgo ayóó’áníshní nt’ę́ę́’, ákoh k’ad éí doo ákǫ́h bił ałnánásht’ashda dooleeł, jó bi éí God ayóí’át’éí yee ya’ólíigo yee yik’i diilnii’. Shí éí ákǫ́ǫ́ bił alnanasht’asgoo doo bíighah nishłį́įda, jó doo naaltsoos yííníshta’da dóó doo na’azohda bééhósinda biniinaa.

Ni ii’sizíinii bidziil binahjį nah hastiin Diyin God bighan ntsaagó bił ałnánít’ashgo bił yá’át’éedo, bidííniid. Bizaad t’óóyó shił nanitłah ndi kóbidííniid, Diyin God nił holne’ígíí éí ółta’ biláágó nił ééhózin bidíiniid.

Baa hastiin ayóó’ayónínígoo Diyin God bi Iisizíinii yee, a’ólí ayóí’ at’áo yeeniláago bił beehózin. Bibee’óhółníihii bitsą́ądóó bahastiin diyin k’ehjí bee í’diiljeehí, ílį́ ánálnééh beélyáhígíí, éí ła’ hastiin doo yoo’į́įda ndi dóó doo yéhósinda ndi, éí Diyin God yá yáłti hiinánígíí nilį́igo naanish bee nílá goo bił bééhózin. T’áá bí bił bééhózin, doo náánáła’ bił halne’da, Diyin God yá yáłti’í éí bahastin bízhi’ yíká sodolzin. T’áá bí bił bééhózin, Diyin God, bahastiin yik’idiilnii’.

Náá bił bééhozin, bahastiin bik’idiiniigo, diné celestial kingdom hoolyéedi hool’áágó ahił kéédahat’į́į dooleeł goo áyił’įįh. Bi nitsáhákees dóó bijéí biyidi táá’aníinii éí Bólólníihii Peter yee yich’į haadzíí áko t’anidi Jesus Christ bisodizin báhoghan biyi’: “Ha’at’íida nahasdzáán biká’gi bee a’di’noo’ánígíí, t’áá éí yá’ąąshdi bee á’deet’ą́ą doo, áádóó háát’íida nahasdzáán bikáa’gi bee a’di’noo’ánígíí nahó ályaagoo, t’áá éí yá’ąąashi ałdó’ doo bee a’deet’ą́ą da dooleeł.”⁵ Diyin God t’áá’aníinii bił hołne’go binajį’ t’áá bí bił bééhózin.

Áłtsé bee ha’olziizh’ę́ę nát’ą́ądo. “Jesus Christ bi sodizin báhóghan biyi’ t’ah ndi Diyin God t’áá’aníinii yee ííshją́ą́ ííł’į́: Diyin God yá yáłti’í éí Jesus Christ bi sodizin báhoghan yá ííshją́ą́ íił’į́; stake bi naat’áanii éí stake yá, mission éí mission bá, quorum éí quorum bá; bishop dayoo’iish’ígíí yá ííshją́ą́ ííł’į́; azhé’é éí ba’áłchíní yá; t’áá nihí ndi adá.”⁶

Díí t’áá aníiniigo shił beehózin. Sodílzingo NihiTáá’ nidits’a’, Bí ayóó’ánó’ní dóó nízhi’ yééhósin. Jesus éí Christ nilį́, Diyin God biye’ nilį́, dóó nihi Diyin nihániná’ádláanii nilį. Bi ni nitsáhákees biláágó ayóó’ánó’ní.

NihiTaa’ éí Níłchi Diyinii yee baa áłchíni yił íishją́ą́ íił’į́. Nahasdzáán bikáagii éí Diyin Yáyáłti’í yił hałne’, ákoh dííshjį́di éí Thomas S. Monson Diyin yá yáłti’í nilį́į. Bí t’éiyá t’áá át’e Diyin bibee’óhólníihii nahasdzáán bikáagii bee ándítį́į́hígíí dahyoojih dóó yee naalnish goo shił beehózin.

Díí áłah haleeh nitsaa góne’ Diyin God Bá nihich’į saad yee hadadoodzih’ígíí yíítsiníłtsą́ą́’, Shí nighaan góó nínáádíídááł biniyé Diyin God nił ííshją́ą́ bá ná sodizin doo, Bí dóó na’áchíni hool’áágóó bił kééhonít’į́į dooleeł́. Jesus Christ bízhi’ diyin goo bee ádíshní, amen.