Bík’ehgo ájít’é dóó adinídíin

Shik’is dóó shilakee, nizhóniyeeh naaneeh nihił honishlǫ́. T’ą́ą́chil yę́ę́hadą́ą́’ ałah siidlíih, baah daníhiní tą́ą́’ Jesus Christ yá naazį́įnii ánąąkai-- President Boyd K. Packer, Elder L. Tom Perry, dóó Elder Richard G. Scott. Yá’ąąsh bighaango ánąąkai. Bidahwiiłzhaa’. Yéego baa’aheedah níídzin Diyin k’ehjí ayóó’ó’óó’ní bee dah hólǫ́ nt’ę́ę́’ dóó nizhónigo ndánitinígíí t’áá kǫǫh nigha nideesnil.

K’ad éí nihíjéí biyídę́ę́’ yá’á’t’ééh dabídííní, tą́ą́’ HastóI Jesus Christ yá naazį́įnii, Elder Ronald A. Rasband, Elder Gary E. Stevenson dóó Elder Dale G. Renlund. T’áá at’é nizhónígó diyinjí bínaanish tsoh yidaaghago nábidiinil.

T’áá ániidígo Diyin bizaad yinishtą́ dóó baah nitsíkeesgo, naaki saad dah síjaah shił nihózhóní. T’áá ałah bee dahóniilzin. AŁtse saad dahsijaahígíí éí dziłghą́ą’di na’neezt’ą́ą́: T’áá ákót’éego diné binááł dadíí’nółdíín, áko yá’át’éehgo ádaaniłígíí nihá dayoo’į́įgo, nihiTaa’ yá’ąąshdi hólóonii yaa dahaniih dooleeł.”¹ Naakiigoné saad dásijaahígíí shinsékees yiihíjeeh ałtse’hígíi baah nitsíkeesgo. Diyin yá siznį́hii Paul éí naaltsoos Timothy yich’į́’ayii’laa: Nidi yá’á’t’éehgo yániłti’ áádóó bohónéedzą́ągo ááníił, t’áá ałtsojį́ ayóó’í’íigo, iinídlą́ągo, ts’idá t’áá akogi ánít’éego, kónít’éego da’oodlání yik’ehgo dayíkáah dooleełii bá íínísin.”²

Shi’ yinishdlą́ éí naaki saad dah sijaahígíí hazhó yaahalné, nitsaago, áko ałtse saad dah sijaahígíí bił neenish doo. Dah óódlą́ dahnilį́’ígíí éí Diyin Jesus Christ binahagha’ bina’nitinígíí bík’ehgo hinííną́ą́’ doo, nihízaad, yeełtį́, ayóó’á’níí’ní, Diyinii bik’ehgo, nihee’oodlą́, dóó nít’ǫ́ǫ́’lígo. Ákot’áo híníínąągo, nihitsádinidiin diné dáyoo’į́į́ doo.

Diyin Jesus Christ bé’adinídiin nighaa hasyá náhasdzaanjį́ níheekai. Diyin Yisdáíi’níilii bik’ehgo híníí’ną́ą́go nihíts’ádinidíín doo nihíyí’ ádinídíín doo áko diné bá adiniłdíín doo.

Jesus Christ yá siziní Paul hast’ą́ą́’, oodlą’ní dayóódlą, áko bee adinídiin hólǫ́ǫ doo. Dah nilį́.

Naaki t’áá iidą́ą́’ bee hasdzį́į́’----nihizaad dóó yeeltį́’í. Nihizaad chǫǫí’nígíí éí yá’á’t’ééhgo doodayeeh nich’ǫǫ’igo bee hadiidzí. Dííshjį́įdi lą́’ígo saad nich’ǫǫ’í diitsa’ nihi nąągoo. Azhá Diyin bizhí nidi chódayoołį́. Nich’ǫǫígo saad bee yátí éí niłchí naalkididę́ę́’, naaltsoos, dóó sin bee dáhójítał. Saad nich’ǫ́’í bee dá’ahódji’dziih. Há’ająą’sii saad yá’á’t’ééhii ayóó’óó’ní, bee yeeltí doo, saad nich’ǫ́’í éí dooda. T’ánit’éíI Yisda’íiníiłii bíkee yííkágo saad bee iináígíí, saad bee joobá’ígíi nihizaad doo háálá ákot’áo nihi tágoonąąyá.

Nąą’ákoné éí Diyin Jesus Christ bee ayóó’óó’ní.³ T’áá ááníí nihitą́goo łá t’áá sá’hi nda haastą́, lą́ éí bitádahóneezgai, łą́ éí doo bił dáhá’síída. Nihi éí áádí baa díídał dóó biká’adiilwol. Yisda’íiníiłii shihasin yił niyá dóó adziilii yee doo bidziilii yee níla. Diyin Jesus Christ Bitahóneezgaiyąą nidaadzį́į́’, náhaljiidyąą nidaakai daazlį́į́’, doo da’ooį́į́dayąą da’ooí daazlį́į́’ bijeikałyąą ałdó ndíízts’ą́ą́’, daneeznáyąą’ ałdó nidáhooní.

Nąąkoné éí iisizį́į́nii. Shí éí kót’áo aayiłní nisin. Nihi iiná nizhónigo ajoobá, aheehasin, aanidít’ąąh, dóó yá’á’t́ééhgo nitsé’akees. Díí kót’áo nihiisizíínii iiniiłzingo dine’ bił bee dáhózin doo. Dine’ bitahgoo nąąshąągo bee hózin díí diné ákot’áo bí iisizíínii bee hólǫ́’ígíí. DíI dine’ ákot’áo yigaałígíí éí bił needaadoo níídzin. Éí Diyin Jesus Christ bee’ádinidíín binájį́ ayóó’ adánihóní.

Łą́ dine’ yaah áko daniizį́į́’ díí niłt’óólgo dóó ayóó’óó’ní iisizį́į́nii, hané bee nihił hodiishnį́ ałkidą́ą́ naahaiyaadą́ą́’ áhoot’ííd.

Íídą́ą́’ nihinaat’áanii dóó Jerusalem bínaat’áanii yił áłah silį́į́’ éí keyah wókeed biniyé áko áádí kin Jerusalem Center wolyéhígíí ádoolnį́į́ł. Saad bee áhidíít’ání biyí éí doo nihinagha’ doo bee nidáníítin doo. Altso’ bee lą́’ azlį́į́go łą́ Israel naat’áanii nihi nahagha bił bee hózińigíí éí aní shił bee hózin nihisodizin éí doo nihinagha bee nidanotinda doo, “Ndi” aní, “Ákoshą háít’áo díí daołtáígíí bi nąądę́ę́ ada dinidiinígíí?”⁴ T’ánit’ę́ę́’ nihi ałdó nihi nąą’dę́ę́’ adinidíín doo áko diné bił bee da hozin dooleeł.

Ííniidląągo éí Diyin God ba’ííniidlii doo. Nihee’oodlą́ baa nelnish doo éí bik’ehgo nitsiikees doo ániit’éi doo. NihiT’aa Jesus Christ dóó nihiZhé’é yinį́į́dlą́go éí t’áá iitinígíí diyin k’ehjí doo. Azhá nihi nąągo doo yá’á’hoot’ééhda ndi nihéioodlą́ éí bee niildzil doo. Bénolnį́į́’ oodlą́ dóó doo oodlą́ éí t’áá áłá nitsékees bii doo háálá lą́ nájį́ kwíí dooliił. Baah nąąhaashné nihéíoodlą́ hólǫ́ǫ dooleeł niidzingo éí diyin bizaad yíniiltą́ doo bááh nitsiikees doo. NihiZhé’é bijį́sodiiłzingo ałdó yéego bóholnį́į́h. Doo baah yoonę́ę́’, háálá nihijootłą́’ígíí dóó bánidaalá’ígíí ázdoosí da’nizin. NihiT’aa aní, “Hadanotą́, t’áá’akwiijį́ sodadołzin, dóó da’oodlą́. Áko náyá’á’t’ééh doo.”⁵

Niniłt’óólí doo, nitsiis, nitsékees, doo ni’iisizį́į́nii. Nihisiis éí diyin bighaan nitsaaígíI nahalin, hazhó’o baa áhwiiłyąą’ doo. Baa nitsiikeesígíí ałdó nizhónígíí t’éiyá baa nitsiikees doo nch’ǫǫ’í éíI dooda. Jó ákot’áo t’éiyá Niłch’ih Diyini nihéí hólǫ́ǫ́ doo, doo chin nighaagoo t’éíyá. Shik’is dóó shilakee, jit’óóligo t’éíyá binahjį́ hánitsíkees bił hast’ehodít’éii doo Yisda’íiníiłii aní, “Nitóólígíí éí bijéí bii’ dahólóoniibik’id dahojidlí, háálá Diyin God dayoo’į́į doo.”⁶

Dahoodlą́ą́nii daniidlį́į́go, nihizaad, yeeltį́, ni’ayóó’óó’niinii, nihi iisizį́į́nii, nihioodlą́, dóó nitóólígo yiidaałgo inda, adínidii nahasdzáán bikaadí nihéíi hólǫ́ǫ doo.

Tsełkee anihidishní, nahasdzaan bikąądí Diyin bina’nitin niheenilayą́ą́’ éí bisąąji disiikai, áko t’áá sáhí siidzį́į́’ doo, háálá łą́go aniit’é. Doo saad nich’ǫ’í nihizaad, dóó azee tsí’nida’iila’ígíí chooyiil’į́į́’ da. Doo dine’ bánáhwiiltį́į́ da. Doo ná’ilkidi’ nich’ǫǫ’igíí niilį́į́’da, háálá diyin Iisizį́į́nii doo nihighaandi dóó nihił hólǫ́ǫda doo. T’áásáhí siidzį́ háálá, diyin k’ehjí niidzin doo----niidzinígíí éí diyin bina’hagha bina’nitinígíí bik’eh yidaal doo. Jo’ díí bee łą́go aniit’éhígíí éí bi adinidiin dóó iisizį́į́nii adiniłdiin doo didine’ bá kwe’é nahasdzáán bikąądí.

T’áá anii nantłą́ t’áá sáhijízį́į́’go dine’ bitahdi. T’áá anii nijildzid łeh hą́’ą́t’íishį́į́’ dadidooniił. Psalmbiyídę́ę́’ saad da’sijaah: “Diyin God éí shá adinídíín, háshą́ binadzid doo? Diyin God adziil yee shaa áhalyą́ągo hinishná; háshą́ binásdzid doo?”⁷ Jesus Christ bá ííniidlíígo, bíneeldzid éí nájí dooleeł áko doo néidzida doo áko yíniidlą́nígíí bee siidzį́į́’ doo.

Iiná nantłą́, ach’ínahwiiná dóó nindanitłą́ígíí łahda yéego nidaaz yileeh, nihee’adinidiinyąą’ yaako’tį́į́h. Ndi niZhé’é Yá’ąąshdi Hólǫ́ǫnii nihi k’á’adoolwoł, dóó łą́ dine’ bił, nihi adinídíín dé’inąądoonííł áko atiingo adínidíín doo łą́ diné bá adiniłdíín doo.

Niłbeehódoozį́į́ł, ałk’idą́ą́’ nááhai díí saad kót’áo yiłtá.

Shik’is dóó shilakee, t’áá akwííjí diné biká’adiilwoł nihi nąągoo hólǫ́ t’áá hghaadishį́į́h needáó ndi Yisda’íiníiłii bikee yíídaalgo diné bigha adiilwoł, t’áá háíshį́į́’ biłháíjeehígíí dóó nihik’is, bił nideelnishígíí dóó diné doo bee hóniildzinígíí ndi.

T’áá’anołtsoh anihidishní, diyin God bá’áłchíní da’nółį́. Yá’ą́ąshdę́ę́’ adaatį́, t’óó níghąąjí nahasdzaan bik’aghaji’ noohósookai, Yisda’íiníiłii be’ayóó’óó’ní dóó binánitin bee nanotin áko nihee’adinidíín t’áá ałtsoh diné yoo’į́į́’ doo. Ałtsoh nizhónígo nishóół nishgo, óótłąągo éí hooląągo iiná bee nihik’idjosdlíi’ doo áko nihiZhé’e’ bił keedahót’į́į́’ doo hooląągoo.

Dooládo Yisda’íiníiłii bizaad baa hozhó: “Nihokáá’ dine’é bá adinnídíín nishlį́; t’áá háiida shikéé’ joogałłígíí éí doo chahałheełgóó nináájídáa da doo, nidi iiná bee adídíin hwee hólǫ́ǫ dooleeł.”⁹ T’áá anii shił bee hózin. Yisda’íiníiłii nilį́, nihich’ǫǫnį́ nigha yałtí biZhé’é yił. Nihinąął naanish áyiilaa’ dóó nihidziil nilį́. Háálá, “adini’díín nilį́ chahałheełdi adiníłdíín.”¹⁰ T’áá háiishį́į́’ shideezts’ąą’ígíí Diyin yikéé’ yigałígíí éí adinídíín nahasdzaan bikąądí éí shí soodizin at’é. bizhí’ binahjį’, Jesus Christ, amen.