Taan Tei nakon te Ekaretia
Ti tuangkami ngkami n aroia taan reirei n te mweenga n riki bwa ana tia tei te Atua nakoia Natina, n tangiriia ao tabeakiniia ao n tataro ibukiia aomata ake tabem.
E aki rang ni maan nako te Titita ae tuai iein, are N na aranna bwa Molly, e okira mweengana imwin te mwakuri ni kunea uoua te intiti (5- cm) te ran n tao burooan ana beitimenti. Ni waekoa e uringiia kain rarikina, ake e ibuoka n rain ibukin otinakon aia ran, a tia ni mwaiti aia uaati ao te tebotebo ibukin korakoran taon te ran.
Imwina Molly e tareboniia raoraona te aine n roko bwa e na buokia, ngaia uoman ni kaikiiki ma te bwaketi ao ni maobu. Ngke a kaitiaki beeron te mataroa e tang. E takarua raoraona, “Bon am tia reirei ni kakawari!”
Molly e ngare. “Ngaia bon te kabanea ni bong n te namwakaina,” e kaeka, “ma N na tuangko bon tiaki au tia reirei ni kakawari.”
Ma akean ana kauniwae, mwaimwain ana koaerake, irana ni kabeaki ma te bandana, ao te nangoa ni baai ae te rabwa, Molly e kauka te mataroa. Ma aron taraana e aki boraoi ma aron taraaia iruwa ake a tei n te mataroa. Bon ngaia ana tia reirei ni kakawari!
“Kam kuri ni kabwakaai iaon tano ma te burantia!” imwina e tuangai. Aio bon kakain te kakawari n reirei te aeka n taneiai are Taari a tibwauai n aia taetae n te maungatabu ni Kabuta!” E reitinako: “Ma ngkanne, ngke I kataia n iangoia tao N na anganiia te kiiti ke anganiia te maobu, a taku, ‘O, Molly, ti a kabwara ara bure. Ti taraiko bwa ko rang tabetabe. Ti aki tangiria ni uruaniko; ti a manga roko teuana te tai.’ Ao a nako.”
“Antai?” neiere raoraona e takarua man te beitimenti.
“I kan taekinna, ‘Bon tiaki Nibwaite ake teniman,’” Molly e kakoaua, “ma I tiku n aki kaeka ao n taku man amarau, ‘Bon au taan reirei ni kakawari, ma a namakina irouiia bwa tiaki taina n tibwaua aia rongorong.’”1
Taari, ti kona ni kakimototoa taraan ana mwakuri te nakoanibonga are e a tia ni kabwarabwaraaki ngke “te Ekaretia oin moan te ibuobuoki” nakoia n tatabemaniia ao nakoia utu. 2 Buakonikai ni kabane a tia n anganano ni karekei beeba ni barongai ao manga barongai. Ngaa mwaitin reirei aika a kaunganano ake a tia ni kataaki ni kaungaaki. Koauana akea te Freudian travel agency n taabo nako are a kona ni katauraoa mwaitin kairuan mwamwananga bwa te tabeka aei e karekea te kauntaeka. Ngkai naba ti ikakorakora ni kakoroi bukiia n taabo nako irarikin riain kainibaire n aroaro ni kaeti nakon ana tua te Uea n teimatoa n “tararua n taainako te Ekaretia” 3rinanon aia kakawari n reirei te nakoanibonga.
Mwakoron kakaewenako ake ti kaaitarai bon bibitakin aroaroia kain te aro n te Ekaretia. Ti ataia bwa man ara membwatibu ni kabuta riaon 30,000 uoote ma mwaanga, a mena ni katautauaki 188 aaba ao tian aaba ake tautaekanaki, e rang ni kakaewenako riki kawarakiia mwengaia tarira ma mwanera nakon are e karaoaki n ana tai ngkoa te Ekaretia ngkana kain rarikiia ni manga reireniia kain rarikiia n aranna bwa te “buraoki n reirei.”
N reitia riki, ni mwaitin unite n te Ekaretia, a bon tianaki mwaitia te nakoanibonga ake a kona ni karaoa te kakawari n reirei ni mweenga, ni katikuia koraki ake a kona ni ibuobuoki n aron 18 ke 20 te utu—ke raka riki—n tabeakiniia. A kona naba ni iai tabeka ibukin kaangaangan raroan te mwamwananga, bobuakan ao karakon bao ni mwamwananga, ao maanin te bong ni mwakuri ao mwaitin te bong n te wiiki are e kainanoa te mwakuri ni katauraoi ibukin temanna ao te utu. N reitia nakon tabeua aroaro ni bobotaki ke tabun te katei n totoko ni kawaran mweenga ao kaangaanga ake a riki ni mwaitia kain rarikiia ni maeka n te aonaaba—eng, ni ikotaki ma kain te nakoanibonga a moanna n noora kakaokoron te kaangaanga.
Tariu, n tamaroan te aonaaba inanon te aroaro ni kabane ike akanne a kona ni katiaaki, te kakawari ni katoa namwakaina inanon mweenga e teimatoa ni kanakoraoia te Ekaretia ni kakoroa bukina. Ma n ataakina bwa ni mwaitin taabo ni katobibia te aonaaba ni kakoroa te iango aei e aki riai ao ngaira ti a karika te kabwaka irouiia taari akanne n aia namakin ngkana ti tuangiia ni karaoa tera te bwai ae aki riai ni karaoaki bwa e na tia, te Moan Beretitenti e koroboki nakoia taan kairiiri n te nakoanibonga n te Ekaretia inanon Ritembwa 2001, n anganiia te kairi aei, e rang buoka te reirei: “Iai tabeua taabo n te Ekaretia,” a koroia, “ike … reirei ni mweenga ni katoai mweenga aki karaoaki ibukina akea mwaitiia taari n te nakoanibonga aika kakaonimaki ao a mwaiti tabeua kakaokoron kakaewenako n te tabo.” Ti taekini tabeua mai iai.“Ngkana kamatoan te aroaro, taan kairiiri a riai ni karaoa aia kabanea ni tamaroa n kabonganai aia bwai ni mwakuri ake a tauraoi n tararuai ao ni kakorakoraia kain te aro n tatabemaniia nako.” 4
Taari, ngkana au uoote ke mwaanga a taneiai n aekan kamatoan kaangaanga aikai, ngai ao toau ae te Aaron nakoanibonga ti karaoa ana reirei te Moan Beretitenti (te tua ngkai n te aeniboki) n te kawai aei: Te Moan, e ngae ngke e anaa mwaitin te namwakaina ni kakoroa bukina, ti na tou mwin koroboki aika tabu ni boutokaa te mwakuri “kawaran aia auti kain te aro,” 5 katea te baire are e na uotiira nakon mweenga akanne iaon te karenta are a bon riai ao ngkana e mwakuriaki. Kateia inanon are e baireaki ni moanibwaiia n te tai ao te reitaki n taainako nakoia koraki ake a kainanoira riki—aomata ake a reireinaki irouia mitinare, ake a tibwa bwabetitoaki, koraki ake a mamaara, are e tiku n ti ngaia, ake aki kakaonimaki, kaaro ake akea buuia ma raoia natiia n tiku n te mweenga, ao bati riki.
Ngke ti mwakuri rinanon ara baire ni kawari ni kabane mweenga, are (baireaki) e na anaa tabeua namwakaina ni kakoroa bukina; ti na karaoa tabeua aekan reitaki ma tatabeman ao utu iaon ara riiti n rinanona are nanona te Uea e a tia ni katauraoia. Koauana ti na tararuaiia ara utu n te ekaretia ao, n aron ae e taekinaki ni boki aika tabu, “temanna n taetae ma temanna ni kaineti ma mweraoin tamneia.” 6 N reitia, ti na karaoa te reitaki iaon te tareboon, kanakoa te emeeri ao tekitina te rongorongo,ni ikotaki n taibin kamauri rinanon teuana mwaitin anga ni kanako rongorongo n tauraoi nakoira. Ni buoka te kainano ae onoti ni kaukan te reirei, ti kona ni kanakoi kiibu man booki aika tabu ke te reirei man te maungatabu ni kabuta ke Rongorongon te Moomon karekeaki man mwaitin bwaai n reirei iaon LDS.org. N ana taetae te Moan Beretitenti, ti na karaoa te kabanea n tamaroa are ti kona inanon te kaangaanga ake ti kaaitarai ma bwaai ni mwakuri ake a tauraoi nakoira.
Taari, te bubuti N na karaoia n te tairiki aei bon ibukim kakorakoran am atatai n reirei ni mweenga ao taiaoka ni kaboua, tamaroan te kawai n taraiko bwa ana tia tei te Uea nakoia Natina. Are nanona katukui katei ni kakairi n raraoma, n aron ana Tua Mote n tokin te namwakaina te karentare n te aro are ko katawea n anga n rongorongo aika tabu man ana maekatiin te Ekaretia are te utu a kaman tia ni warekia. Ti kantaningaia, nakon, bwa ko na katea te kakairi ae koaua, ni kaineti ma taekan te euangkerio nakon kukureia kain te aro, tarakiia ao tabeakinaia n tatabemaniia n te aro n nanoanga,ni mwakuriia kainanoia n tamnei ao n rabwata n aron te tamaroa are ko kona man reken angana ae riai.
Ngkai, n aron tera ae “warekaki” ngkana te reirei n te mweenga, ni kabane tamaroan bwaai are ko karaoi a “warekaki,” ngaia ribooti ni kabane! Ngaia, te ribooti e rang kakawaki are ko na karekea te kakabwaia ao tabeakinaia man am mwakuri ibukiia, are akea kaokorona ni karaoaki ma te baire ae onoti ke te tabo ae onoti. Tera ae taraaki riki bon tangirakia am aomata ao ni kakoroa bukin te tua n “tararua te Ekaretia n taainako.”7
Ni Meei 30 n te ririki ae nako, raoraou Troy Russell e kabuta ana te turaki ae te bikabu ni karaurau n otinako man ana karaati iaon kawaina n nako n anga ana bwai ake e na kabonakoi nakon te tiaobu are anganako ibukin buokaia aomata. E namakina ana rabwa ibuki ni buti iaon te bwai teuana. E iangoia bwa tao te bwai ae bwaka man ana kaa, e otinako n tii noora natina temwaane ae kakawaki ae ruaiwa ana ririki, Austen, ni wene ni baraaki iaon te tabo n nakonako. Te takarua, te kakabwaia n te nakoanibonga, taan ibuobuoki n te ikoaki, ao taan mwakuri n te onaoraki a bane, inanon te keiti aei, akea buokana. Austen e mate.
E aki rau ni matu ke nimatoaua n aki kunea te rau, Troy e tiku ma te aki raunnano. E taku te nanokawaki e riaon riki are e kona ni uotia ao are e aki kan reitinako. Ma inanon te tai ni maraki n rawawata e roko tenua korakoran te katamaroa.
Te Moan bon te tangira ao ni kakoauan tamnein Tamara are i Karawa, te reitaki rinanon te Tamnei ae Raoiroi are e karaua nanon Troy, reireinna, n tangiria, ao ni wirikiriki bwa te Atua e atai bwaai ni kabane n taekan buan tamaroan ao te nati temwaane ae kororaoi. Te Kauoua bon buuna, Deedra, are e taua Troy inanon baina ao e tangiria ao ni kauringa bwa ngaia naba e bua natina temwaane ao ni kakoaua bwa e na aki bua buuna naba. Te Katenua inanon te karaki aei bon John Manning, bon te tia reirei n te mweenga e tamaroa ana mwakuri.
I kaotia n aki ataia bwa tera aia baire John ao toana ae ataei ni karaoa aia kakawari nakon mwengan Russell, ke tera te reirei are anga ngkana a roko ni mwengan Russell, ke a kanga n ribootina te taneiai. Tera ae I ataia bon man te tiburing ae nako te Tari Manning e nako n anaa Troy Russell man kawain ana ka te tabo are e riki iai te nanokawaki kanga ai aron ngke e tabekarake Austen boni ngaia. Ai aron te tia reirei n te mweenga ke te uaatiman ke te tari inanon te euangkerio are kanga ai arona, John e anaa katabean te nakoanibonga n tararua ao ni kawakina Troy Russell. E moanna man taku, “Troy, Austen e tangiriko n teimatoa ni maiu—n ikotaki iaon te tabo ni batiketibooro—ngaia N na roko ni katoa ingabong 5:15 a.m. Katauraoiko ibukina N na aki roko n rin n am auti ni kauti—ao I ataia Deedra e aki tangira karaon anne.”
“I aki tangiria n takakaro ni batiketi,” Troy e tuangai imwina, “bukina I aki toki n kaira Austen ma ngai ni katoa ingabong akanne ao I ataia te ururing e rang kammaraki. Ma John e imanono, ngaia are I a nako. Man te moan bong imwina, ti taetae—ke I bon taetae—ao John e ongora. I taua angin te taetae ni butira nakon te taromauri ao ngkanne ni manga butira n okira mweengau. Tabetai I taetae ngkana ti tei ni bwaaki ni kawain te kaa n otinako ao matakuakina otiraken taai iaon Las Vegas Nevada. N te moan tai e kaangaanga, ma imwin te tai I ataia I tia ni kunea korakorau n aro ae aki raoiroi takakarou 6-te butu-2-inti iaon te batiketibooro n te Ekaretia, ma koauana ni buakakan kibau ni kanako booro, ma antai ae e tangirai ao n ongo irou ni karokoa manga otiraken taai riki iaon maiu.”8
Tari n te nakoanibonga, ngkana ti taekina te reirei n te mweenga ke tararua n tabeianga ke oin katabean te nakoanibonga—aranna bwa tera ko na—aio te bwai are ti taekina taekana. Ti a titirakiniko ngkai taan reirei n te mweenga n riki bwa taan tei nakoia Natina, n tangiriia ao tabeaianga n tataro ibukiia aomata ake ko tabeakiniia, n aroia kain te mataniwi ni kabuta n te ekaretia n tangiriia ao tabeakiniia ao tataro. Kam bia riki ni katabeaki n tararuakiia ana nanai te Atua inanon te kawai ni boraoi ma aroaromi, I tataro, n aran te Tia Kawakin tiibu ae Raoiroi ibuakora ni kabane, n aran te Uea Iesu Kristo, amen.