Peñembosako’i peñemoĩ haĝua Tupã renondépe.
Ñakumplívo tekojoja, joaju ha jojápe umi responsabilidad oñeme’ẽva ñandéve divinamente, ñanembosako’i ñañemoĩ haĝua Tupã renondépe.
Eliza R. Snow he’i pe Templo dedicación oasistiva’ekue rehe: “Upe dedicación ceremoniakuéra ikatu oñemombe’u, ha katu ndaipori yvypegua Ñe’ẽ ikatúva omombe’u umi manifestación celestial oikova’ekue upe árape. Alguno-pe ojehechauka angel-kuéra, ha opavave katu roñandu peteĩ presencia divina ha opaite korasõ henyhẽ [peteĩ] vy’a ijojaha’ỹva ha henyhẽva goria-gui.”1
Umi manifestación divina oikova’ekue Kirtland Templo-pe ha’ekuri pe Jesucristo Iglesia Restaurada pyenda, ha’éva ogueru salvasiõ ha exaltasiõ ñande Ru Yvagagua ta’ýra ha tajyrakuérape.2 Ñañembosako’ívo ñañemoĩ haĝua Tupã renondépe ikatu jaikuaa mba’épa ñande responsabilidakuéra divinamente oñeme’ẽva ñandéve,ñamaña jey jeýrõ umi llave sagrado ojerrestaurava’ekue Kirtland Témplope.
Oración dedicatoria-pe, profeta José Smith ojerure humildad reheve Ñandejárape “tere’acepta ko óga..remopu’ãukava’ekue oréve.”3
Peteĩ semana uperire, domingo de Pascua de Resurrección-pe,Ñandejára ojehechauka peteĨ visión hechapyrãvape ha o’acepta Itemplo. Upéva oikókuri 3 de abril de 1836-pe, ojapóta 182 años rupi, jaipapáramo ko Domingo de Pascua de Resurrección guive. Ha’e avei kuri Pascua judía época, peteĩ umi mba’e raro oikóva mokõive Pascua ojoaju jave. Opa rire upe visión, mbohapy profeta ymaguaregua (Moisés, Elías ha Elías el profeta) ojehechauka ha ome’ẽ umi llave iñesencialva oñekumpli haĝua propósito Ñandejára oguerekóva Itupao rrestaurado-pe ĝuarã ko dispensación-pe. Upe propósito oñedefini secillo ha katu porãiterei Israel ñembyaty, isellamiento famila-pe ha ko mundo ñembosako’i Ñandejára Segunda venida-pe ĝuarã ramo.4
Elias el profeta ha Moisés ojehechauka hague oñondive ohechauka peteĩ “paralelismohechapyrãva tradición judía [ndive], he’íva Moises ha Elias el profeta ojehechaukataha oñondive ‘ára pahápe.”5 Ñande doctrina-pe, ko jehechauka he’ise umi llave oñeñongatúva “ára pahápe ĝuarã ha ipahaite jave, oñongatúva hyepýpe dispensación del cumplimiento de los tiempos” restauración fundamental oñekumpliha.”6
Ñamañarõ hénda ha tuichakue, Kirtland templo ningo iñypytũ; ha katu osignifikáva genero humano-pe ĝuarã guive iñimpacto ha’e eterno Umi profeta ymaguare orrestaura sacerdocio llavekuéra Jesucristo evangelio ordenanza eterna salvasiõrãpe ĝuarã , Ha’eva’ekue peteĩ vy’a tuichaiterei umi miembro hekojojávape ĝuarã.
Ko’ã llave ome’ẽ “yvategua pu’aka”7 umi responsabilidad-pe ĝuarã oñeme’ẽva divinamente, ko’áĝa kueheguaréicha, ha’éva Tupao propósito principal.8Upe Pascua de Resurrección ára hechapyrãvape ojerrestaura mbohapy llave Kirtland Templo-pe:
PeteĨha: Moisés ojehechauka ha ome’ẽ umi llave Israel ñembyatyrã umi cuatro cabos de la tierra guive, ha’éva pe obra misional.9
Mokõiha Elias ojehechauka ha ome’ẽ umi llave Abraham evangelio dispensación rehegua, oincluia pe convenio Abrahámico restauración.10 Presidente Russell M. Nelson ombo’e umi llave del convenio propósito ha’e ombosako’i miembrokuérape Tupã reino-pe ĝuarã. Ha’ete he’i: “…jaikuaa mávapa ñande ha mba’épa Tupã oha’arõ ñandehegui.”11
Mbohapyha Elias el profeta ojehechauka ha ome’ẽ umi llave pu’aka rehegua ojesella haĝua ko dispensación-pe, ha’éva pe historia familiar ha umi templo ordenanza, omoĝuahẽva salvación oikovéva ha omanova’ekuépe.12
Oĩ mbohapy consejo ejecutivo Tupao oficina general-pe, Primera Presidencia ha Cuórum de los Doce dirección guýpe, osupervisáva umi responsabilidad divinamente oñeme’ẽva según umi llave ojerrestaurava’ekue Kirtland templo-pe.Umi consejo ha’e: Consejo Ejecutivo Misional, Consejo Ejecutivo del Sacerdocio y de la Familia, ha Consejo Ejecutivo de Templos e Historia Familiar.
¿Mba’e altura-pepa umi responsabilidad divinamente oñeme’ẽva’ekue ñandéve kumplimientope ñaime ko’ã árape?
Peteĩ hendápe, umi llave Moisés orrestaurava’ekuépe Israel Ñembyatyrã, ko’aĝaite oĩ 70.000 misioneros rupi ojeipysóva opa ko mundo-re ombo’évo Iñevangelio ombyaty haĝua Ha’e oiporavova’ekuépe. Kóva ha’e pe tuicha ha hechapyrãva tembiapo Nefi ohechava’ekue oikotaha gentiles ha Israel Roga apytépe kumplimiento ñepyrũmby. Nefi ohecha ñande époka, Tupã Santokuéra oĩtahápe yvy’ape ári, jepe pokãta hikuái tekoñaña rupi. Upevére, ha’e ohecha orekotaha hikuái “hi’arma ramo hekojoja ha Tupã pu’aka tuicha gloria-pe.”13 Ñambojojávo pe Tupao rrestaurado historia mbykykue rehe, pe labor misional tuichaiterei. Jahecha hína Nefi visión kumplimiento. Ñande númerokuéra michĩrõ jepe, jaseguíta ñande rembiapo reheve ha ñaĝuahẽta umi o’aceptátavape pe Salvador mensaje.
Mokõiha hendápe, Elías ojehechauka ha ome’ẽ Abraham evangelio dispensación, he’ívo ñande ha ñane ñemoñarépe ojehovasáta opaite generación oúva ñande rire. Ko conferencia-pe oñepresenta guía signifikatíva oñeipytyvõ haĝua Santokuéra perfeccionamiento-pe ha oñembosako’i haĝua chupekuéra Tupã reino-pe ĝuarã.14 Pe anuncio sacerdocio sesión-pe cuorum de elderes ha sumo sacerdote rehegua omosãsóta sacerdocio pu’aka ha autoridad. Pe orientación familiar ha programa de maestras visitantes, ko’áĝa oñehenóiva “ñeministra”, oñembo’eporãitéva ko sesión-pe, ombosako’íta Santo de los Ultimos Dias-pe oñepresenta haĝua Tupã renondépe.
Mbohapyha hendápe, Elías el profeta ome’ẽ umi llave ko dispensación sellamiento rehegua. Umi jaikóva ko árape ĝuarã, templo a historia familiarrembiapo jekakuaa hechapyrãiterei, ha Irritmo oseguíta oñembopya’e pe Salvador Segunda Venida peve; ndaupéichairamo, opa ko yvy “oñehundipaitéta Ha’e ou vove.”15
Historia Familiar rembiapo, ojehovasáva tecnología rehe, okakuaa tuichaiterei año ramoitévape. Iñimprudenteta ñande parte guio jajerrelaháramo ko responsabilidad-pe oñeme’ẽva’ekue ñandéve divinamente ha ñaha’arõ Tía Maria, térã ambue pariente, ojapo ñande rangue. Pehejami takomparti penendive peteĩ cita pte Joseph Fielding Smith h’eiva’ekue: “Mavave opytáta exento ko obligación tuichávagui. Oñeikotevẽpe apóstol ha avei pe elder [térã pe hermana] iñumildevévagui . Pe tenda, distinción, térã servicio pukukue Tupaópe, ndovalemo’ãi ome’ẽ haĝua ñandéve derecho ñanderesaráivo ñane difuntokuéra salvación-gui.”16
Ko’áĝa jaguereko templo opa ko mundo jerére ha jaguereko umi recurso” fondo de ayuda para participantes del templo”-gua ñaipytyvõ haĝua umi oikóvape mombyry templo-gui.
Jajapo porãne ja’evaluáramo individualmente ñane ñeha’ã ñakumpli haĝua obra misional, templo ha historia familiar ha ñañembosako’i haĝua ñañemoĩ haĝua Tupã renondépe.
Tekojoja, joaju ha joja Ñandejára renondépe omoañete umi responsabilidad marangatu.
Tekojoja reheguápe, kóva ko tekove ha’e ñañembosako’i haĝua ñañemoĩ haĝua Tupã renondépe.17 Mormón kuatiañe’ẽme oĩ heta techapyrã umi consecuencia vai oúva hentekuéra térã hentekuéra aty naiñe’ẽrendúiramo Tupã rembiapoukapykuérare.18
Che rekove pukukue aja ahecha ko mundo problema ha inquietud-kuéra ohasa peteĩ punta-gui ambuévape: vyroreígui tekokya ivaivévape.Oĩ porã tosẽkuri tesapépe ha toñemombe’u umi caso de inmoralidad no consentida.19 Pe inmoralidad no consentida oho umi Tupã ha sociedad leykuéra contra-pe.Umi ontendéva Tupã plan oñe’oponeva’erã avei inmoralidad consentida-pe, ha’égui peteĩ pekádo.Pe Proclamación para la Familia ñanemomarandu “ Umi hénte ojapyharáva castidad konvénio, otrata vaíva, térã o’abusáva iconjuge térã ita’yrakuéra [térã oimera’ẽvare] …peteĩ árape orrespondéta Tupã renondépe.”20
Ñamañarõ ñande jerére jahecha ñehundi oúva tekovai ha adicción reheve opa esquina-pe. Jajepyapy añetéramo ñande Salvador juicio final rehe, ñañeha’ãva’erã ñañe’arrepenti. Akyhyje heta hente noñandúi responsabilidad Tupã renondépe ha ndohói umi escritura ha profetakuérape oheka haĝua guía. Ñamañaramo sociedáicha umi pekado consecuencia rehe, oĩva’erãmo’ã peteĩ tove masívo pornografía-pe ha avei pe jehecha kuñame objeto ramo.21 Alma he’i ita’ýra Coriantón-pe Mormón kuatiañe’ẽme: “Pe tekoñaña ndaha’eiva’ekue araka’eve vy’apavẽ.”22
Joaju rehe, pe Salvador he’i: “Si no sois uno, no sois míos.”23 Jaikuaa pe ñorairõ espíritu aña mba’eha.24
Ko’ã épokape pe imperativo oĩva escriturakuérape jajoaju haĝua ojehejarei, ha katu hetape ĝuarã oñemoĩ hincapié tribalismo-pe,25 py’ỹi ojebasáva estatus social, genero, raza ha riqueza ári.Heta tetãme, ndaha’éirõ opavavépe, hentekuéra oñemboja’o oikoha lájape. Únika cultura ñañemboajáva rehe ha ñambo’éva Ñandejára Tupaópe ha’e Jesucristo Evangelio.Pe joaju jahekáva ha’e ñañemopeteĩ ñande Salvador ha Hekombo’ekuéra ndive.26
Ñamañarõ tupao propósito principal rehe, jahecha opaite ojebasa joja Ñandejára renondépe27 ha Jesucristo evangelio cultura jesegui.Obra misional-pe, bautismo requisito tenondegua ha’e ñemomirĩ Tupã renondépe ha ñemoĩ korasõ quebrantado ha espíritu contrito reheve.28 Formación académica, riqueza, raza térã nacionalidad ndojeguerekói voi en cuenta.
Avei, misionerokuéra oservi humildemente upe oñehenoihápehikuái; Noñeha’ãi hikuái oservi ko mundo lájaicha, ohóva estatus social-re ni oñembosako’ihaĝuaicha ikarrera oútavape ĝuarã. Ha’ekuéra oservi opaite ikorasõ, ánga, apytu’ũ ha mbarete reheve upe oñehenoihápe. Ndoiporavói hikuái ikompañero de misión-rã ha katu oñeha’ã meme oguereko umi atributo cristiano,29 upéva ha’e Jesucristo cultura esencia.
Escriturakuéra ome’ẽ ñandéve guía umi relación iñimportantevévape ĝuarã. Pe Salvador ombo’e mandamiento tenondegua ha’e “[ehayhu] Ñandejára ne Tupãme”. Ha pe mokõiha “[ehayhu] nde rapichápe rejehayhuháicha ndejupe.”30
Uperire, pe Salvador he’i opavave ha’eha ñande rapicha.31 Mormón Kuatiañe’ẽ omohesakã porã ndaiporiva’erãhaitas, tribu ni clasekuéra.32 Jajoajuva’erã ha ñandejoja Tupã renondépe.
Umi ordenanza marangatu ha responsabilidad divína ojebasa umi premisa ári. Arovia pende experiencia templo-pe ojogua chemba’évape. Opávo che rembiapo San Francisco-pe ha aĝuahẽ Oakland Templo-pe, añandu peteĩ mborayhu ha py’aguapy remiandu ijoja’ỹva.Peteĩparte importante ha’e añandu che’aĝuiveha Tupã ha Ipropósitokuéra rehe.Umi salvación ordenanzakuéraha’e che objetivo tenondegua, ha katu ambue parte importante umi temiandu porãgui ha’e pe joja ha joaju oñeñandúva templo-pe.Opavave oñemonde ao morotĩ reheve.Ndaipori evidencia riqueza, rango ni logros educativos rehegua; opavave ñande ha’e hermano ha hermanakuéra ñañemomirĩva Tupã renondépe.
Pe ñemenda eterno ordenanza ha’e el mismo opavavépe ĝuarã cuarto de sellamiento marangatúpe. Ahayhu pe pareja oúva contexto humildevéva-gui ha pe oúva irrikovévagui oguereko exactamente misma experiencia; Mokõivéva omonde mismo tipo ao ha ojapo mismo konveniokuéra mismo altar renondépe; Mokõivéva orrecibi sacerdocio-guimismo jehovasakuéra eterno . Opa ko’ã mba’e oiko peteĩ templo porãitépe oñemopu’ãva’ekue umi Santo diezmokuéra reheve ha’e haĝua Ñandejára Róga marangatu.
Ñakumplívo tekojoja, joaju ha jojápe Ñandejára renondépe umi responsabilidad divinamente oñeme’ẽva ogueru ñandéve vy’apavẽ personal ha py’aguapy ko mundo-pe, ha ñanembosako’i mundo ouvape ĝuarã.33 Ñanembosako’i ñañemoĩ haĝua Tupã renondépe.34
Rojerure’asy opavave peẽ, oimporta’ỹre icircunstacia ko’aĝagua, toñerreuni consejo-pe ijobispo ndive ha taha’e digno orrecibi haĝua peteĩ recomnsación templo-pe ĝuarã.35
Ore’aguije oĩ hetave haguére miembrokuéra oñembosako’íva oho haĝua templo-pe. Heta año aja oĨ hetave umi okakuaapámava oĩva digno oguereko haĝua peteĩ recomencación templo-pe ĝuarã. Umi recomendación de uso limitado imitãvévape ĝuarã heta hetave ko’ã mokõi año pahápe. Hesakã porã, tupaogua miembrokuéra hekojojáva núcleo hatãve ko’áĝa araka’evégui.
Ambopaha haĝua, peguerekokuaa certeza umi tupaogua líder general opresidíva umi objetivos oñeme’ẽva divinamente tupao-peorrecibi pytyvõ divino, Oúva Espiritu-gui ha sapy’ánte pe Salvador-etégui.Ojerrecibi mokõive laja guía espiritual ha Aĩ agradecido arrecibi haguere umíva.Pe guía ojerrecibi Ñandejára tiempo-pe línea por línea, precepto por precepto,36 “peteĩ Ñandejára oikuaapáva odecidi ñanembo’etaha deliberadamente”37 Guia opa tupaópe ĝuarã ojerrecibi unikamente Iproféta rupive.
Opavave jaguereko privilegio ñasostene haĝua presidente Russell M Nelson-pe ko conferenciape ñande profeta ha Iglesia de Jesucristo de los Santos de los Ultimos Dias presidente ramo.Umi Doce, individual ha colectivamente, roguereko peteĩ experiencia espiritual signifikatíva romoĩ jave ore po presidente Nelson akã ári, ha presidente Dallin H. Oaks, o’actuávo portavoz ramo, o’ordena ha o’aparta chupe Tupaogua Presidente ramo.Atestifika ha’e ningo oñepre-ordena ha oñembosako’i opa hekove aja ha’ehaĝua Ñandejára profeta ko épokape. Jesucristo rérape. Amén.