Limpiá dor di Arepentimentu

Arepentimentu ta kuminsa ku nos Salbador, i e ta un goso, no un karga. Den e Devoshonal di Pasku di Desèmber, Presidente Nelson a siña: “Bèrdadero arepentimentu no ta un evento. Ta un privilegio sin-fin. E ta fundamental pa yega na progreso i na pas mental, komodidat i goso.”³

Algun di e enseñansanan mas grandi riba arepentimentu ta den Alma su sermon den e Buki di Mormon na miembronan di e Iglesia ku despues e la deskribí komo teniendo un estado di “hopi inkredulidat,” “alsa den ... orguyo,” i ku kurason fihá “riba e rikesanan i den kosnan vano di e mundu” (Alma 7:6). Kada miembro di e Iglesia restourá tin hopi di siña di e ensensañsanan inspirá di Alma.

Nos ta kuminsa ku fé den JesuCristo, pasó “ta E ta esun ku ta bin pa kita e pikánan di e mundu” (Alma 5:48). Nos mester arepenti pasó, manera Alma a siña, “eksepto bo arepentí di ningun manera lo bo por heredá e reino di shelu” (Alma 5:51). Arepentimentu ta un parti esensial di e plan di Dios. Pasó tur lo peka den e eksperiensia mortal i lo wòrdu korta for di e presensia di Dios, hende no por “wòrdu salbá” sin arepentimentu (Alma 5:31; wak tambe Helaman 12:22).

Esaki a wòrdu siñá for di den komienso. Señor a manda Adam, “Siña esaki na bo yunan, ku tur hende, tur kaminda, mester arepentí, òf di ningun manera nan no por hereda e reino di DIos, pasó nada impuru no por mora einan, ni mora den su presencia” (Moses 6:57). Nos tur mester arepentí di nos pikánan—tur nos akshonnan i falta di akshon na e mandamentunan di Dios. Niun no ra ekskluí. Djis ayera nochi Presidente Nelson a desafiá nos, “Rumannan, nos tur mester arepentí.”⁴

Pa wòrdu limpiá dor di arepentimentu, noy mester bandoná nos pikánan i konfesá nan na Señor i na Su hues mortal kaminda ta rekerí (wak Doktrina i Convenios 58:43). Alma a siña nos ku nos mester “trese dilanti obranan di rektitut” (Alma 5:35). Tur esaki ta parti di e invitashon frekuente di eskrituranan pa bin na Cristu.

Nos tin ku partisipá di e sakramento kada dia di reposo. Den e ordenansa ei nos ta hasi konvenio i risibí bendishonnan ku ta yuda nos surpasá tur akto i deseo ku ta blòkia nos for di e perfekshon ku nos Salbador ta invitá nos pa logra (wak Mateo 5:48; 3 Nefi 12:48). Ora nos ta “ninga [nos mes] di tur maldat, i stima Dios ku tur [nos] poder, mente i forsa,” e ora ei, nos por ta “perfekto den Cristu” i wòrdu “sanktifiká” pa medio di e dramamentu di Su sanger pa “bira santu, sin mancha” (Moroni 10:32–33). Ki promesa! Ki milager! Esta un bendishon!

Un proposito di Dios Su plan pa e eksperiensia mortal aki ta pa “purba” nos “pa wak si [nos] ta hasi tur kos loke sea ku Señor [nos] Dios manda [nos] hasi” (Abraham 3:25). Komo parti di sSu plan, nos ta responsabel dilanti Dios i Su siervonan eskohí, i e responsabilidat ei ta involukra tanto huisionan mortal i divino.

Den Señor su Iglesia, huisio mortal pa miembronan òf miembronan prospekto ta wòrdu atministrá pa lidernan ku ta buska guia divino. Ta nan responsabilidat pa huzga personanan ku ta buskando pa bin na Cristu pa risibí e poder di Su Ekspiashon riba e kaminda di konvenio pa bida eterno. Huisionan mortal ta determina si un persona ta kla pa bòutismo. Un persona ta digno di un rekomendashon pa bai tèmpel? Un persona ku su nòmber a wòrdu kitá for di e registronan di e Iglesia arepenti sufisientemente pa medio di e Ekspiashon di JesuCristo por wòrdu re atmití pa medio di bòutismo?

Ora un hues mortal yamá dor di Dios aprobá un persona pa mas progreso, manera privilegiona di tèmpel, e no ta bisa ku e persona ei ta perfekto, i e no ta perdonando ningun piká. Elder Spencer W. Kimball a siña ku despues ku loke e la yama e “kitamenty [di] e penalidatnan” un persona “mester buska i sigurá di Dios di Shelu e arepentimentu final i solamente e por apsolvé.”⁵ I si aktonan i deseonan di piká keda sin arepentimentu te na e Huisio FInal, un persona ku no a arepentí lo keda sin ta limpia. E gran responsabilidat, inkluyendo e lastu efekto di limpiesa di arepentimentu, ta entre kada un di nos i Dios.

E huisio deskribí mas komun den e skrituranan ta e Huisio Final ku ta sigui despues di e Resurekshon (wak 2 Nefi 9:15. Hopi skritura ta deklará ku “nos lo aparesé dilanti di e asiento di huisio di Cristu” (Romanonan 14:10; wak tambe 2 Nefi 9:15; Mosia 27:31) “pa wòrdu husgá di akuerdo ku e hechosnan [ku] a wòrdu hasí den e kurpa mortal” (Alma 5:15; wak tambe Alma 41:3; 3 Nefi 26:4; Revelashon 20:12). Tur lo wòrdu husgá “di akuerdo ku nan orbanan” (3 Nephi 27:15) i “di akuerdo ku e deseo[nan] di nan kurasonnan” (Doktrina y Convenios 137:9; wak tambe Alma 41:6).

E propósito di e Huisio Final ta pa determiná si nos a logra loke Alma a deskribí komo un “kambio poderoso di kurason” (wak Alma 5:14, 26), kaminda nos a bira kriaturanan nobo, “sin mas disposishon pa hasi maldat, pero pa hasi bon kontinuamente” (Mosia 5:2). E huisiodi esaki ta di nos Salbador, JesuCristo (wak Juan 5:22; 2 Nefi 9:41 Despues di Su huisio nos tur lo konfesá “ku Su huisionan ta hustu” (Mosia 16:1; wak tambe 27:31; Alma 12:15), pasó Su omnisiensia (wak 2 Nefi 9:15, 20) a dun’E e konosimentu perfekto di tur nos aktonan i deseeonan, tantu esnan rekto òku nos a arepentídi nan komo esnan di kual nos no a arepenti ni kambia.

E skrituranan ta deskribí e proseso di e Huisio Final aki. Alma ta siña ku e hustisia di nos Dios ta rekerí ku den e Resurekshon “tur kos lo wòrdu restòurá na nan propio òrdu” (Alma 41:2). Esaki ta nifika ku “si nan obra tabata bon den e bida aki, i nan deseonan di nan kurasonnan tabata bon, ... na e lastu dia [nan lo] wòrdu restòurá na e kosnan ku ta bon” (Alma 41:3). Similarmente, “si nan obra [òf nan deseónan] ta malu nan lo wòrdu restòurá [na] nan pa loke tamalu” (Alma 41:4–5; wak tambe Helaman 14:31). Similarmente, e profeta Jakob a siña ku na e Huisio Final “esnan ku ta rekto lo keda rekto ainda, i esnan ku ta sushi lo ta sushi ainda” (2 Nefi 9:16; wak tambe Mormon 9:14; 1 Nefi 15:33). Esaki ta e proseso promé ku para dilanti fi lokr Moroni ta yama “e korte plasentero di e gran Jehová, e Hues Eterno di tantu e bibu i morto” (Moroni 10:34; wak tambe 3 Nefi 27:16).

Pa sigurá ku nos lo ta limpi dilanti di Dios, nos mester arepentí promé ku e Huisio Final (wak Mormon 3:22). Manera Alma a bisa su yu den piká, nos no por skonde nos pikánan dilanti di Dios, “i eksepto si bo arepentí nan lo ta manera testimonio kontra bo den e lastu dia” (Alma 39:8; emfasis agregá). E Ekspiashon di JesuCristo ta duna nos e uniko manera pa logra e limpiesa nesesario pa medio di arepentimentu, i e bida mortal ta nos tempu pa hasi’e. Maske nos ta wòrdu siñá ku algun arepentimentu por sosodé den e mundu di e espiritu (wak Doktrina y Convenios 138:31, 33, 58) esei no ta dje sigur ei. Elder Melvin J. Ballard a siña nos: “ta mas fasil surpasa i sirbi Señor tantu ora e karni i e espiritu ta kombiná den unu. Esaki ta e tempu ku hende ta mas fleksibel i suseptibel. Esaki ta e tempu pa arepentí.”⁶

Ora nos arepentí, nos tin e siguransa di Señor ku nos pikánan, inkluyendo nos aktonan i deseonan, lo wòrdu limpia i nos huisio final miserikordioso lo “no korda nan mas” (Doktrina i Konvenio 58:42; wak tambe Isaias 1:18; Jeremias 31:34; Hebreonan 8:12; Alma 41:6; Helaman 14:18–19). Limpiá dor di arepentimentu, nos por kalifiká pa bida eterno, kual Rei Benjamin a deskribí komo “biba[ndo] ku Dios den un estado di felisidat sin fin” (Mosias 2:41; wak tambe Doktrina y Convenios 14:7).

Komo un otro parti di Dios Su “plan di restourashon” (Alma 41:2), e Resurekshon lo restourá “tur kos ... na nan estado propio i perfekto” (Alma 40:23). Esaki ta inkluí e perfekshon di nos tur nos desifiensianan i hendikkp fisiko atkirí den mortalidat, inkluyendo na nasementu dor di tròuma òf malesa.

Restourashon ta lperfekshon nos di tur nos impuresa òf deseonan ku no a wòrdu konkistá òf adikshon? Esaki no por. Nos sa for di revelashon moderno ku nos lo wòrdu husgá pa nos deseonan i tambe nos akshonnan (wak Alma 41:5; Doktrina i Convenios 137:9) i ku hasta nos pensamentunan lo kondená nos (wak Alma 12:14). Nos no mester “prokrestiná e dia di [nos] arepentimentu” te na morto, Amulek a siña (Alma 34:33), pasó e mesun espiritu ku a poseé nos kurpa den e bida aki—siendo di e Señor òf di e diabel - “lo tin poder pa poseé [nos] kurpa den e mundu eterno ei” (Alma 34:34). Nos Salbador tin e poder i ta pará kla pa limpia nos for di maldat. Awor ta e tempu pa buska Su yudansa pa arepentí di nos deseonan malbado i no apropiá pa ta limpi i kla pa para dilanti di Dios na e Huisio Final.

Mas haltu ku Dios Su plan i tur Su mandamentunan ta Su amor pa kada un di nso, kua ta “mas deseabel riba tur kos ... i e mas gososo pa e alma” (1 Nephi 11:22–23). Profeta Isaias a sigurá ku hasta e malbado ku ora nan “regresá serka Señor, ... e lo tin miserikordia [i] perdon abundante” (Isaiah 55:7 Alma a siña nos, “Ata ki, e ta manda un invitashon pa kada hende, paso e brasanan di miserikordia ta ekstendé na nan” (Alma 5:33; wak tambe 2 Nefi 26:25–33). E Señor resusitá a bisa e Nefitanan, “Wak, mi brasanan di miserikordia ta ekstendé n’abo, i esun ku bini, e lo Mi risibí” (3 Nefi 9:14). For di esakinan i hopi otro enseñansanan di skritura, nos sa ku nos Señor amoroso ta habri Su brasanan pa tur hende den e kondishonnan amoroso ku El a preskribí pa disfrutá di su bendishonnan mas grandi ku Dios tin pa Su yunan.⁷

Pa motibu di Dios Su plan i e Ekspiashon di JeCucristo, mi ta testifiká ku e “briyo perfekto di speransa” ku Dios stima nos i nos por wòrdu limpiá dor di e proseso di arepentimentu. Nos ta risbi e promea ku “si [nos] pusha dilanti, alimentando riba e palabra di Cristu, i perseverá te na fin, ata, asina e Tata ta bisa: boso lo tin bida eterno” (2 Nefi 31:20). Ku nos por keda fiel pa semper, mi ta roga den e nòmber di JesuCristu, amen.