Enye Aka Nnyin ke iso

Ndima ndito-eka iren ye iban, ami mmenem esit ndidu ye mbufo ke mboho eke ufok Abasi Jesus Christ eke mme Latter-day Saints. Ke ikoot esie ndikere mbanga usung emi mfiak-nda-ndi ufok abasi Esie ke ukperedem ini odiongde nnyin ye mbon emi nnyin imade, President Russel M. Nelson ama onwongo ete ke se nnyin idikutde ididighe se ididude ye nnyin ke ibuot ke ata anyan ini, edi edidi se nnyin mmi idifreke.

Se ami nkutde edi se ami nditide, nte ami nnimde ke okwo edi ntre nko. Mme enye eyedi se nnyin mmi idifreke etiene nnyin kiet kiet. Oro ebege mi koro mbegede idem nno mboho emi okpuho mi ke usung emi nnyomde enye ebigi. Yak nnam anwanga.

Mbege-idem mmi ama ada mi aka mbuk kiet emi ekewetde ebanga se iki-tibede ibanga Mfiak-nda-ndi. Ami mma nkot mbanga nkpo-ntibe ediwak ini, edi enye esi-tie mi nte mbuk akpan mboho emi abangade Joseph Smith, prophet Mfiak-nda-ndi. Edi ini emi ami mma nkut ke mbuk emi nte Obong adade nnyin usung, mme mbet Esie, ke ufok Abasi Esie. Ami mma nkut se oworode ono nnyin mme owo ndi bo nda-usung nto Andiyanga Ederimbot, Andibot—emi ofiokde kpukpru mkpo, edem, idahaemi ye ini-iso. Enye ekpep nnyin mkpo ki ikpat-ki ikpat, akananam ikpegke.

Mboho emi ami ntingde mbanga eke-edi ata akpan ini ke Mfiak-nda-ndi. Enye eke edi mboho Sabbath emi eke enimde ke April 3, 1836 ke Temple Kirtland ke Ohio, ke usen itiaba ebede ke ema eke ediong enye. Joseph Smith eting abanga akwa ini emi ke mbuk ekondo ke mmem-mmem usung. Ediwak ke abanga mbuk esie emi esine ke nwed Doctrine and covenants ibuot 110

“Ke uwemeyo, ami mma nwam mme Presidents eken ke ndi-no Udia Obong ke Ufok-Abasi, ke mbode enye nto Eboho Duopebe, emi eke-dide ubiong- utom mmo ndinam utom ke edisana okpokoro usen emi. Ke mma nke-kure ndinam utom emi nno ndito-ette mi, mma mfiak nduk pulpit, ke ema eke suhore ikpehe, nsuk ibuot mmi ke isong, ye Oliver Cowdery, ke akam owong-esit. Ke ima iki-idahaida ke ndibong akam, mme nkukut emi ama eberede ono nnyin mbiba.”¹

Ema esio nnyin ikpehe ke esit, ndien enyin ufiok-mkpo nnyin ama eberede.

“Nnyin iikut Obong nte adade ke enyong pulpit ke iso nnyin,ndien ke idak ikpat esie edi ediyie ubok-utom emi edade ata gold enam, emi eyin esie etiede nte amber.

“Enyin Esie etie nte edeme ikang, idet ke ibuot esie edi afia nte ata snow; uwana iso esie ayama akan utin; ndien uyo esie etie nte uyom akwa mmong emi efegede-ebe, uyo Jehovah, odogode:

“Ami ndi akpa ye akpatre; Ami ndi enye emi odude uwem, Ami ndi enye emi eke ewotde; Ami ndi enye emi ekpede ubok ono mbufo ke iso Ette.

“Sese, efen mme idiok-mkpo mbufo; mbufo eme-sana ke iso mi, mmo-do edibede ibuot mbufo enyung edara.

“Eyak esit ndito- ette mbufo edara, ndien yak esit kpukpru mme ikot mi edara, emi ke odudu mmo ebup ufok emi eno enying mmi.

“Ndien sese, ami mme bo ufok emi, ndien enying mi eye-du mi, ndien ami nye-yarade idem mi nno ikot mmi ke mbom ke ufok emi.

“Ihn, Ami nnye wut mme isung-utom mi idem, nnyung nting iko nno mmo ke uyo mi, edieke ikot mi edi-nimde mme ibet mi, inyung isabakede edisana ufok emi.

“Ihn, esit owo tosin ye mme tosin duop eye dara eti-eti ke ntak mme edidiong emi edi wagade ifuk mmo, ye endowment emi mme isung-utom mi edi-bode ke ufok emi.

“Ndien etop ufok emi enye esim mme esen idut, ndien emi edi-di ntongo edidiong emi ediwangade ifuk ke ibuot kpukpru mme ikot mmi. Ntem ke edi-idi. Amen.

“Ke nku-kut emi okurede, heavens ama afiak eberede ono nnyin; ndien Moses obiogode ke iso nnyin, onyung ono nnyin ukpohore nditang Isreal mbok ke mbang inang ederimbot, ye ndida esien isreal duop nto ke isong onyon-onyong ndi.

“Ke emi ebede, Elias obiogode, onyung ayak ono nnyin akwa-ini iko-Abasi Abraham, odoho ete ke edi-to ke nnyin ye mkpasip nnyin ke kpukpru emana emi edi-de ke iso edi-bo edidiong.

“Ke nku-kut emi okurede, nnyin ima ikut akwa ye enyene-utege nkukut efen, koro Prophet Elijah, emi ekedade enyong heaven ke ini enye mme-ikikpaga, ada ke iso nnyin, onyung odoho ete:

“Sese, ini ekem oyoh-oyoho, emi eke etingde ke inua Malachi—etingde iko-ntiese ete ke eye edong enye[Elijah]edi, mbem-iso akwa ye enyene-ndik usen Obong edisim—

“man owogode esit mme ette ono ndito, ye esit ndito ono mme ette, ke mme-idige ntre ofuri ederimbot edi-du ke isugi—

“Ndien, eyak ukpohore akwa-ini emi esin ke ubok mbufo, ke emi mbufo ekpere efiok ete ke akwa ye enyne-ndik usen Obong ekpre, mi ke inua usung.”²

Ndien, ami mme-kot mbuk emi ediwak ini. Edisana Spirit ama anam mi mfiok nte ke mbuk emi edi akpaniko. Edi nte ami nkotde nwed nnyung mbenge-idem nno akwa mbono emi, ami medikut odudu Abasi ofon nte adade mbet Esie usung ke utom Esie.

Isua itiaba mbemiso Moses edi yak ono Joseph Smith ukpohore nditang Isreal mbok ke Temple Kirtland,“ Joseph ama kpeb oto title page of the Book of Mormon ete ke‘ uduak esie edi ndimen nwut nsungo ufok Isreal … ete mmo ekpe-fiok ediomi Obong, ete ke owo isiogoke mmo iduok ke nsisi.’ Ke isua 1831, Obong ama odoho Joseph ete ke ntang-mbok Isreal edi tongo ke Kirtland,‘ ndien otongode ke[Kirtland], owo emi ami nnyimede edi to-do ika ofuri ekondo… ke nnye yanga Isreal, ndien ami nye da mmo usung’”³

Okposuk nte eke eyomde ndida utom ukworo-iko Abasi ntang Isreal mbok, Obong ama ekpep mme Eboho Duopeba, emi ekedide mme akpa mbon ukworo-iko Abasi ete, “Eti ke inaha nte mbufo eka ke mme idut eken, tutu mbufo ebo endowment mbufo.”⁴

Etie nte ke Temple Kirtland ekedi akpan-nkpo ke uduak Abasi oto ntak iba: Akpa, Moses ama ebet tutu ekure ndibop temple mbemiso enye afiak edino mme ukpohode nditang Isreal mbok. Ndien udiana,President Joseph Fielding Smith ama ekpeb ete “ke Obong eke ono ikot esie ewuho ndibop temple [Temple Kirtland] man enye ayarade ukpohore odudu esie ye itie emi mme apostles edikemede ndibo endowment nyung mbenge idem ndi diong iwang vine esie ke akpatre ini”⁵ Okposukedi endowment temple emi nnyin ifiokde mfin mme iki-itogoke ke Temple Kirtland, ke ndinam nkukut oworo-osu, ntongo ndutim temple eke ebemiso otongo do, nkoro ye odudu spirit emi ekewangade efuk emi ekedide mkpo uko ono mmo emi eke ekotde esin ke iwang ukworo-iko ye endowment emi eke-wongode ndi-no “odudu emi otode enyong” emi akawamde akwa nditang mbok ke utom ukworo-iko Abasi.⁶ emi ekedade akwa ntang mbok edi otode utom ukworo iko.

Ke ema eke eno Joseph ukpohore nditang Isreal mbok,Obong ama anwam Prophet ndi dong mbon Eboho Duopeba eka utom ukworo-iko. Nte ami mkpepde, ami nkut nte ke Obong ama odiong eti usung ono mme Eboho Duopeba ndi ka mme iwang ukworo-iko ke mme esen-idut emi ema eke ediong mme owo enim emi edi inimde iko mmo enyung emenere mmo. Ke ini, tosin owo, ke otode mmo, eyeduk mfiak-nda ndi ufok Abasi Obong.

Nte esinede ke nwed mbuk nnyin, mkpo nte ibat owo 7,500 mme 8,000 ema ena baptism ke ini ukworo-iko mmi-iba emi eboho Duopeba eke ekade ke British Isles. Emi ekesin ntongo utom ukworo-iko ke Europe. Ke utit 19th century, mkpo nte owo Tosin Anang-ye-duop ema ediboho otokiet ke America ndien ediwak mmo eketo British Isles ye Scandinavia.⁷ Obong ama anwam Joseph ye mme Okworo-iko Abasi emi eke enyenede mbuotidem, emi eke ekade utom ndi yene idok, kini oro, emi eke etiede nte okpon akan mmo. Edi Obong, ye edisana ndikut-ini-iso ye mbengeidem esie, akenam emi edi mmem-mmem.

Afo emeti ata ediyie ye usem iko-nke emi esinede ke oyoho ibuot 110 ke Doctrine and Covenants:

“Sese, ini ekem oyoho-oyoho, emi eke etingde ke inua Malachi—etingde iko-ntiese ete ke eye edong enye[Elijah]edi, mbemiso akwa ye enyene-ndik usen Obong edisim—

“Man owogode esit mme ete ono ndito, ye esit ndito ono mme ete, ke midige ntre ofuri ererimbot edi-du ke isungi—

“Ndien,eyak ukpohore akwa-ini emi esin ke ubok mbufo, ke emi mbufo ekpe efiok ete ke akwa ye enyne-ndik usen Obong ekpere, mi ke inua usung.”⁸

Ami nno iko ntiense nte ke Jehovah ama okut ata ayan ini ke iso ye nte enye edidade nnyin usung ndiwam Enye man uduak esie oworo owut idem ke mme akpatre usen.

Ke ini ami nkeyenede ubiong utom ke Presiding Bishopric ke ediwak isua emi ebede, ema eno mi utom ndise mkpo mbanga edibot ye ndinam-ofon eboho emi ekenamde se nnyin ikotde FamilySearch. Ami nting ke eti-ibuot nte ke ami “nke ono ndausung“ nte edinamde akan nditing nte ke ami “nke-teme” nte edinamde enye. Ediwak mme ofiok-nkpo owo ema ekpong ubok-utom mmo ndien edi man edinam se Abasi oyomde.

First Presidency ema eno adaha ete esuhore edinam iko Abasi ke ediwak ini. Akpan mfina mmo eke edi unana ndifiok mme ema enanam edinam iko Abasi oro eno mme owo. Ke ediwak isua— mme se iki itide nte ediwak isua— First Presidency ema esi ibup mi ette, “Ini ewe ke afo oyom ndikure utom emi?”

Ye ubong-akam, nting-enyin ye nnwa-idem mme mmo emi enyenede akwa ukeme, ema ekure utom oro. Enye ekedi ki ikpat-ki ikpat. Akpa iso-utom eke edi ndinam FamilySearch edi ufan ye mmo emi mme isimaga ndinam utom ye computers. Ema enam ediwak ukpuhore, ndien mmo fiok ke mmo enye eka iso ndi-di, koro ini-eke-ededi emi nnyin ikadeiso ndiyo edinen mfina, nnyin iberede usung ino mme ediyarade eken emi edinode edimenede eke ofonde, edi owo mmeikwe idaga oro. Ke mfin emi, FamilySearch edi se Obong oyomde nte kiet ke otu mfiak-nda-ndi Esie.

Abasi ayak nnyin inam mkpo ofon-akan man inwam mme owo enyene udong edimehe ye ima eno mme akpa-mkpa mmo enyung enam ndutim temple mmo. Idahaemi, Abasi ama otim ofiok ke eyetibe, mme iwaad ekabade edi mme andisin-unwam ke mkpo computer eno ete ye eka mmo ye mbon ward mmo. Kpukpru owo ekut akwa idara ke utom emi.

Spirit Elijah ke okpuhore esit mme iwaad ye ikpo, mkpri-ndito ye ete ye eka mmo, ndito-ndito ye mme ete-ete. Temples eyefiak enem esit ke ndino ufang enam baptism ye mme edisana ndutim eken Udong ndinwam mme akpa-mkpa nnyin ye edidiana-kiet eke mme ete ye mme eka ye ndito mmo ke okori.

Obong ama okut nte kpukpru emi edide. Enye eke ebenge enye, ke ikpat-ke-ikpat, nte enye akanamde ye mme ukpuho-mkpo eken ke Ufok Abasi Esie. Enye ama emenere onyung ebenge mbon mbuotidem emi emekde ndinam mkposong mkpo mfon-mfon. Enye awak ndiyene ima ime ke ndiwam nnyin nditep mkpo “ itie ke itie, item ke item, mi ekpri ye ko ekpri.”⁹ Enye enyene iwuk ke ini ye ndaha uduak Esie, edi Enye okut ete ke nwaidem awak ndino nkaiso edidiong emi nnyin mikwe.

Ami nyetre ke ndino Obong ekom—Enye emi anwamde President Nelson ndikoot mi ndinam nnwa-idem ke ndibenge idem mbanga conference emi. Kpukpru hour ye kpukpru akam ke ini mbegeidem mi ono mi edidiong.

Ami mmo koot fi emi okopde etop emi mme okotde mme iko emi nte afo enyene mbuotidem ete ke Obong ke ada usung ke mfiak-nda-ndi gospel Esie ye Ufok Abasi Esie. Enye Aka Ke Iso Nnyin Enye ofiok ini-iso mfon-mfon. Enye okoot fi esin ke utom. Enye abuana ye afo ke enye. Enye enyene uduak ono utom mfo. Ndien nte mbufo ewade-idem, mbufo eyekop idara nte mbufo enwamde mbon efen ndidemere mbenge-idem mbanga edidi Esie.

Ami metie ntiense nno mbufo nte ke Abasi Ete odu-uwem. Jesus edi Christ. Emi edi Ufok Abasi Esie. Enye odiongo onyung ama nnyin. Enye ada mbufo usung. Enye ama ebenge usung onim ono mbufo. Ke edisana enying Jesus Christ, amen.