Dayísółts’ą́ą́’

Shik’is dóó shiláh danohłį́, ayóó eíí baa ahééh nísin, béé’diistą́ chóol’į́ binahjį’, nihí díí Damǫ́ǫ abíngo dahodiníilzin biká ałhíikai. Yéego nihík’ih dahójísdli’ bee nihił bééhózinii eíí Jesus Christ bahane’ yá’át’éehii nahasdzáán bikáá ninályá!

Dikwiishį́į́ damǫ́ǫ biyi’, niidlą’í nihe’íina’ biyi’ ándahazti’ daazlį́į́’. Kéyah ndaha’ná, dahódiltł’i’, tó daalą́ąd, ńdaałníih, dóó dabik’ijį’ nihił łahgo ádahoodzaa dóó bąą ch’áan, choo’į́į, dóó béesoo ánhi’óh.

Díí ałtso biníí’, niháá dahwii’nííh dóó Bóhólníihii bízaa didoohts’ííł danóozí’ii ahéhee’ díí bąą dahónoocháł ndí ntsáo áłah áleeh biká nihidóokai. Chahałheeł áá hwéeniiłii eíí bidawóltą́’ kánda’íiłáii Jesus Christ be’adíndíín yiwóhgo bits’a’dinídiid. T’óó baa nitsóhkees díí oolkíłgi t’ááła’í níidzínóo ła’ yá’áhéhii bá ádiilnííł nihokáá’góó dahónóocháł. Yisda’iiníiłii ayóó íinóh’ní dóó yinóhdlą́ǫ yee hada’ólóo ła’da yaa áko dínóozįįł Jesus Christ báhane’ yá’át’éhii t’áá át’é Ninályáhii.

Naaki nááhai doo wóshdę́ę́’, she’ásdzáá Nelson dóó shí yee’ nihokáá’góó dimííl yázhí biláago bił áhíikai. Nihíł tł’óógi bii’ áhinda’íil dahgóó áłhíikai dóó nida’níjah bii’ ntsáo nahaz’áa góne’é. Nihá dahóo’a’ biyi’, baa ákoníizíí’ Bóhólníihii néidiinil bitahgi niyá dóó shí eíí Israel ałhą alnéhii shínáá’ bee neeł’į́į́’.

Nihí eíí jį́ bii’ dahiníi’ná “DanhiZhé’é yę́ę’ áhodoonííł yaa dabí’ne’go hadaólnínée.” ¹ Nihí atsíjį’ dah náhéetą́ áhoonííł ha’íí bá yáłti’í Nephi yiyiiłtsą́ t’óó yit’į́ nígo, eíí Diyin God Bídibé Yázhí be’ádziil” yáa kódoonííł “dine’é yił aha’deet’ąníi Bóhólníihii bikáa’jį’, éí nihokáá’góó ałtso hadánóoskaadígíí; dóó t’áá áko gi’át’éii be’álíi ádaat’áo dóó Diyin God be’ádziil yee ayóó át’éi biyi.” ²

Nihí, shik’iskéí dóó shilálkéí, nihí da’nóhtah hastóí, sáanii, dóó áłchíní Nephi niyiiłtsą́. Eíí baa tsidóhkees!

Ákondi háádi shį́í kééhót’į́ doodágo hait’áo nił ńdahaz’ą́, Bóhólníihii Jesus Christ lá nihí Yisdá’iiníiłii nilį́, dóó Diyin God bá yáłti’í Joseph Smith lá nihí yáłti’í nilį́. Nihokáá ályaa bitsíjį’ bitsiit’ááh dah ádeesníigo díí akéedi bił hoolzhísh Diyin yá yáłti’í ályaa, akǫ́ǫ́ “doo yich’į’ t’ą́ą́’ hwíidoolííłí da” ³ Da’oodlánii. T’ahdii Bóhólníihii ííshją́ ił ída’ál’į́įgo hoolzhish díí ninályáhii dóó wóshdę́ę́’.

Nihiísh éí nihił háiit’é eíí Jesus Christ báhane’ yá’át’éhii yee’ nihokáá’ ninályá?

Éí biniká eíí nihi dóó niha’áłchíní áhwiis’áo bił ahínhidi’dóoljah! Éí biniká eíí nihi tó bee nihi’dóolzį́į́’ ła’ Jesus Christ bi’óhólníih bee hólóoniiníi biniinaa dóó BíSodizin bá Hooghanjí nihá ya’diiníi’go bidóoyá, nihi Diyin Ii’sizį́į áłahjį’ nihił yi’áshgo baa nihił hózhǫ́. Bí nóoloos dóó naa áhalyą́. Éí biniká eíí t’áá nihicháná dahóló doodágo Diyin God be’ádziil yee nihiká adóolwoł baa hónit’i’go át’é. Éí biniká eíí Diyin be’ádziil bináhjį’ nihik’íhozhdoodlííł t’áá nihí Diyin God bibee áda’óol’įįł dóó bi’ahá’diit’ááh bídin hóye’ii niháahilyé dóó dinóhsingo. Nihii’náazį́į díidí t’áá aanínii yee bił dahółdzil, t’áá íiyisíí díidí azá’nii’ááh nihich’į’ ą́ą́kwódzáo.

Mormon biNáaltsoos dine’é náaki dah yíkahgo yá’át’éhii yee náas diká dóó bąąhí yee yaa díndahii yaa dáhalne’. Báhane’ bee t’áá beehóziní dine’é aláago ánéelt’e’go Diyin God yaa dayóoná, Bóhólníihii yá yáłti’í shóóh nínii doo déiniizíih da, dóó ak’ih átse’ hádaat’į́, ayóó e’ét’é, dóó ats’íís baa dahóneení. ⁴ T’áá ahą́ą́h, bá yádaałti’í t’áá ńleedę́ę́’ yaa dáhalne’ “dine’é yich’į’ doole’é ayóó ádaat’éi dóó ádanóolnin, jo’éí doo da yóosdlląą da.” ⁵

Éí nihił yoołkáałdi t’ahdíi ákot’é. Deiyíhaahdę́ę́’, doole’é ayóó ádaat’éi dóó ádanóolnin nihokáá’góó dahodiyingo daaszíí’doo dazhdiizts’ą́ą́. Ndi dine’é agháago doo t’áá aaníinii dayiiłtsóod da—háádi bik’i’ dinóotáłii doo bił béédahózin da ⁶ doodago doo t’áá aaníí ałtso bił béédahózinii dayíists’ą́ą́’ doodago t’áá aaníinii doo deiniizį’ii biniinaa nihokáá’ bináadeełii ts’ídá hádaat’į́.

Ch’į́įdii ayáhoogis yiyíichįįh. Yínaał bi’doo’níidoo wóshdę́ę́ yá’át’éhę́ę baa’í yiłní dóó baa’íhę́ę yá’át’éeh yiłní. ⁷ Báhane’íi yee’ ayóó diits’á’, kojíí, dóó ádaaha’ííh.

Ákondi, nihiZhé’é Diyiníi báhane’íi t’áá íiyisíí łahgo at’é. Bí yee ach’į’ yádaałti’íi doo nándlagóó, t’áá íits’a’oo, dóó t’áá beehózingo eíí nihí Bí bee bik’i’didiitíłii. ⁸

Bee ééhózin biká, Bí T’ááła’í aYe’ Bá Yizhchíinii nihokáá dine’é yee yił halnígo, doo lą’í saad yee yaa haadzíh da. Dził bikáá ats’íís łahgo ál’į́įhgi Peter, James, dóó John, Diyin God ádiinííd, “Díí ShiYe’ Ayóó’óósh’níinii jílį́: Dahwíísółts’ą́ą́’.” ⁹ Bí ałk’idą́ą́’ Bountifulgi Nephi dine’é yich’į’ haadzíí’ “Danół’į́ ShíYe’ Ayóí íínísh’níinii, éí íiyisíí baa shił hózhǫ́, éí bee shízhiʼ ayóó ánoolningo íishłaa—deísínóołtsʼą́ą́ʼ.” ¹⁰ Dóó Joseph Smith, bich’į’, saad ilínii yee ha’oodzí’ii eíí díí hoolzhish bee ąą’ ályaa, Diyin God t’óó kódiinííd, “Díí ShiYe’ Ayóó íínísh’níinii át’į́. Yísíníłts’ą́ą́’!” ¹¹

K’ad, shik’is dóó shiláh da’nóhłį́į, áhoodzaa nół’į́į eíí táá’ díidí ályáii ch’ét’ąníi, Azhé’é t’óó BiYe’ yaa hóolne’ígo, dine’é yikáii ńdaasdzííd, ła’ yee’, ayóó bida’díił’á.

Ádahees’a’íi Jesus Christ dayíiłts’ą́ǫ yéédaasdzííd Dził bikáá’ ats’íís łahgo ál’į́įhgi k’os bik’íildóh.

Nephi dine’é bił dahóochį’ dóó dikwíishį́į́jį’ bił cháhałhéełgo biniinaa ńdaalzid.

Joseph Smith cháhałhééł yii’ bitsé’go bótą’ ńt’ę́ę́’ yá’ąąsh ąą’ ádzaajį’.

NihiZhé’é bił bééhózinii eíí ne’yiidlééh dóó binéildzíih nihíiłmásgo, íiyisíí nihiká adoolwołíí BiYe’ ayóó yísíníilts’ą́ą’go.

BiYe’ yídíilts’į́į́ł háit’į́įgo—t’áá aaníí yísíníilts’ą́ą’go—t’áá ałtsojį’ haa dii’níłii nihił bééhódoozííł.

Saad ts’ídá áłtsé Bína’nítin dóó Áha’díist’ą́ biyi’ lá Yísółts’ą́ą́’. ¹² Éí íiłníi “didiits’į́įłii bee bik’é hól’į́ biká.” ¹³ Yísółts’ą́ą́’ íiłní dzidiits’a’ ha’íí Yisdá’iiníiłii ní dóó áádóó be’al’į́ Bí áníi. Eíidí saad biyi’—“Dayísółts’ą́ą́’”—Diyin God nihainílá bee ák’ihwiita’ dóó díí iiná bii’ nihił hózhǫ́. Nihí dadidiits’į́į́ł Bóhólníihii dabizaa, daiyísíilts’ą́ą́’, dóó beda’iil’į́ ha’íí Bí yee nihił hoolne’ii!

Nihí Jesus Christ bikéé’ yiikáh hadániitáo, binéilnishgo deísíníilts’ą́ą́ t’áá aaníí ádeit’į́įgo. Éí baa ákoniidzin dóó bíniitááł t’áá akwiijį́ Bisaad bee dahiníi’ná, Bina’nítin, Bit’áá aaníí.

Nihí t’áadoo t’óó dine’é bich’į’ hane’ íil’ínii ba’íiniidlíhí. Saad billiyin dabikáá’ dóó nihokáá’ yiznód-baa náhanííh áłahjį yiih ádoot’ą́ǫ hahóoł’á, ajíł yee ína’álo’, háájį’shą́’ kódii’níiłgo yísíníilts’ą́ą́’ doo?

Nihí Diyin bizaad ąą’ ádii’nííł. Jesus Christ dóó Bahane’ yá’át’éehii yaa nida’nitin, Bits’íís yee ak’é Niná’ídlá, dóó nihiZhé’é bi’íł hózhǫ́ bináhat’a’ ayóó át’éi dóó nihik’é niná’ílá. T’áá yoołkááł Diyin God bizaa diyiníi bee oodááł ádiihóhdíiłgo bee ch’íhohááh, haalá díishjį́įdí t’óó dahónoocháł. Nihí t’áá ákwiijį́ Christ dabizaad áyaa ninéikááh, Christ dabizaad lá anáhooti’ haléehgo háádii’níłii baa ákoniidzííh.

Nihí ałdó’ Diyin bighan biyi’ yísíníilts’ą́ą́’. Bóhóníihii bighan lá óhoo’ááh bá hooghan át’é. Bóhóníihii ákwe’é t’áá Bí yínda’niłtin. Ákwe’é Yisdá’iiníiłii bibee áda’ool’įįł yínahoníłtį́į́h. Ákwe’é aníbaal ąąwól’į́įgo íhwiil’ááh dóó yá’ąąsh ééhózinóo yił yéeltíh. Ákwe’é nihínitáhii bich’į’ náhiidááh bóhwiil’ááh dóó Bóhólníihii be’ádziil bináhjį’ yíniiki’ bee nihítse’ii dóó ayóó íinii’níi bá. Dooládó’ ts’ídá agháago adáhadaníitá.

Díidí t’óó honíshghanjį’ COVID-19 bąą t’áá nahgóó nidaakaaí haní náhjį’ kólyaaí, t’áá shǫǫ hodílzin ńdáoł’ááh dóó Diyin bighandí náanish ádaal’į́. T’áá bá náhooł’ááh bik’éh nihi dóó niha’áłchíní bik’íh dahózhdoolííł doo łahdę́ę́’ ákobidoolíłí da. Doohts’a’ dóó nánhiiłnéii baa nitsóhkees agóne’ naagháago. Bóhólníihii hait’áo yá’ąąsh ná ąą’ ádooníiłii binashiníłtin bidiní dóó ayóó ádeiyín’íi dóó bił ńdanlnish shíí bik’ih dahózhdoodlííł.

K’ad Diyin bighan biyi’ hodilzin doo bíighah da, shí hooghangi haajéé’ baa náhane’ bíndaałnish, t’áá bił hooghangi haajéé’ naalkááh dóó báhane’ hazhó’í ádaalne’. Bee haasdzííhii eíí nihi aTaa’ bighandi dóó hooghangi nakéé’ naháne’ ółehíí ąą kódoonííł, nihi Bí doohts’a’íi ąą kódoonííł dóó bee í’oołííł doo.

Nihí ałdó’ yísíníilts’ą́ą́’ yíwohgo nihi hazhó’í Diyin Ii’sizį́į nihił nínii baa ákohiniidzííh. Éí ts’ídá agháago Ii’sizį́į hait’áo nihich’į’ yáłti’íi baa ákonóosįįh. Diyin God danlį́į atah, Diyin Ii’sizį́į ánaal’a’í nilį́. Bí lá nihini’jį’ yaa tsínhidíilkees aTaa’ dóó aYe’ niháyinízinígíí. Bí ha’óní nilį́. Bí lá nihijéí yii’ hoosyéelgo baa ákoniidzííh. Bí t’áá aanínii yee nihił dahalne’ dóó ha’íí t’áá aanínii nihił ch’íidoo’ááł nihi Bóhólníihii bízaad yísíníilts’ą́ą́’ dóó yiníilta’go.

T’áá shǫǫdí naanihidish’ní hait’áo da éí ii’sizį́ k’ehjí iinánii bee niiséełgo t’áa ni nił íishją́ ál’į́.

Íiniláago lá baa ákodiníizįįł hait’áo náás iiná ánaanáádliłíí, nitsíhadíłgo haadíínííł, dóó haajíi atsé dóó nanhíntaahí yída’óołkąą dóó índa’álo’ bits’ą́ą neidá.

Dóó, íiyisíí, nihí yísíníilts’ą́ą́’, Diyin bá yádaałti’í, da’oo’íi, dóó bił yit’į́ áda’al’į́į bizaad be’iilníiłgo. Jesus Christ Ádahees’a’ dayíisį’ii áłahjį’ Baa dahalne’. Kojíjoo daanóo dah dadilníhii bináhjį’ nihe’íina’ nahonéeshzhah nihijéí yineesgáigo yíikah.

Háash dah hodoonííł ayóó íísíilts’ą́ą’go, díits’a’go, dóó íiníiłgo Yisdá’iiníiłii nihił nínii dóó k’ad bá yádaałti’í yináhjį’ nínii? Shi eíí yiwóhgo adíił bee nihik’ijishdlííhii bee nihiníl’ah, bíndaałdzil, dóó doo dánhiłk’álii. Shi nihich’ooní, niha’áłchíní bił ahidinóołná, dóó bee ák’ihółta’ alílee nihik’I háleeh dishní. Dóó shi eíí nihił hózhǫ ąą kódoonííł azhą́ nihe’íina’ bii’ nihił hółą́ ąąnoogéeł ndi.

Díí T’ą́ą́chil 2020 áłah áleehgi áhoodzáa bee bééhanííh nihokáá’ łahgo áyiilaa. Nihí díí 200 neeznádiin náahaidáá’ Joseph Smith Atsé bił yit’į́ é’élyaa, Áłtsé Naat’áanii danlį́į dóó Naakits’áadah Yilt’éego yił yik’ih yádaałti’ ádeiniizíí’ ha’íí lá nihí ádaniilníigo díí ts’ídá bee bééhaníih doo.

Áko Jesus Christ báhane’ yá’át’éhii t’áá át’é ninályáh bee haalwód dóó akéedi hoolzhish biyi’ hanábiyoolwód.

Nihí t’áa le’é be’ályao yaa’á ádadiilnííł daniidzíí’. Ndi nihí baa tsídadeekézii Atsé Yit’į́ ályaii nákéé’ baa náhane’ dóó ahwiis’áo dabidíisnáá’, haa’í yee’ doo gréeni’ doodágo tsé bee ééhanííhíi da ndi saad—saad ílį́nii dóó baa hasti’íi baa hódooní—“tsé dilkǫǫhgo hasht’eelyaaígíí bikáa’gi doo bee bik’eda’ashchį́į da, nidi [nihijéí] biyi’di bee bik’eda’ashchį́.” ¹⁴

Sodizin báHooghan ályaadóó, t’áá ashdla’í t’éiyá baa dahóone’, akéediiígíí “Ła’ Haajéé’: Nihokáá’ Dine’é Ha’oodzíí’ bich’į’ Kólyaa,” Naat’áanii Gordon B. Hinckley 1995di yee haadzíí’.

K’ad nihí díí hoolzhíshdi agháo nihokáá’ áhoodzaa dóó Bóhólníihii a’íił’a’ Israel táoskáii ahą ádaalééh Jesus Christ Náaki Góne’ Yighááh biká hasht’edaalééh, nihí, Atsé Naat’áaniijí dóó Naakits’áadah Ádahees’a’ Dayíkah, ha’oodzíí’ náás kódayiilaa. Nół’į́ “Jesus Christ BaHane’ Yá’át’éehii t’áá ńt’éé’ Ninályá: 200 Náahaidi Nihokáá’ Dine’é bích’į’ bee Ha’oodzíí’.” Éí lá Atsé Naat’áaniijí dóó Naakits’áadah Ádahees’a’ Dayíkahdóó Jesus Christ Binahagha’ Akée’di Dayoołkáałgo Yá Naazínígíí ádayiilaa. Éí T’ą́ą́chil 2020gi bikáá’. Díijį́ biká hasht’élneeh, shí nléii tsíyi’ baa hast’i’di díí ha’oodzíí’ naházoh, Joseph Smith t’óó atsé aZhé’é dóó aYe’ yíyiiłts’ą́ągi.

“Nihí t’áá aanínii ádeilyai eíí Diyin God ba’áłchíní ayóó ayó’ní nihokáá’ ał’ąą dine’é danlį́į. Diyin God aZhé’é nilį́į diyinjí nihishchį́, iiná doo bił ahąąh noo’nííł at’ée da, dóó BíYe’ Ayóó ayó’níi ak’é nina’ídláhii doo niníti’ da. Azhé’é nilį́į bibee ádziil bináhjį’, Jesus náádiidzá dóó aniná yik’éh deesdlíí’. Azhé’é nilį́į bibee ádziil bináhjį’, Jesus náádiidzá dóó aniná yik’eh deesdlį́į́’.

“Náakidi neeznádiin nááhaidáá’, shį́įgo 1820 biyi’ hózhónóo ha’íi’ą́, tsiłkéí Joseph Smith, sodizin báhooghan yididoogááł hainitáo, hooghan t’áá aghánóo tsiyi’ iiyáo sodi’níilzin New York bideijí, USA bii’. Bí bigháál yisdáádoodáałgi bina’ídikid hólóo dóó Diyin God eíí yaa ch’íhodoo’ááł ya’ólí.

“Hojooba’ yii’, sodizin yee na’ídiłkidę́ę eíí bił ch’et’ą́ dadii’ní, Diyin God aZhé’é nilį́į dóó BíYe’, Jesus Christ, Joseph yichį’ yit’į́ í’diiyaa dóó bił hahóolzhiizh ‘t’áá ałtsoní aa náhidoo’níł’ (Acts 3:21) Bible bii’ baa hóone’ígi át’áo. Díí yit’į́į bii’, yik’i’diitánii eíí Ádahees’a’ t’óó ádin daazlí’í bikéédoo, Christ Sodizin báHooghan Ánii Yił Aha’deet’ą́ nahasdzáá bikáá’ bóhoohya’. Joseph bikáá góne’ éí ninályá.

“Nihí áá aaníi eíí aZhé’é nilį́į dóó aYe’ anínii bik’éhgo, diyingo bá nidáal’a’íi Joseph yínideinéestáá’ dóó Jesus Christ biSodizon báHooghan ánalyaa. John tó yee Ni’íisį́į́h naadiidzáh tó ak’idíilkǫǫhgo bee alzíhii bi’óholnííh ninéínidláhígíí bináhjį’ nda’íisdzíí’ áyoo adiit’ááh. Ádahees’a’ naakits’áadah nídii’nilée t’áa’go—Peter, James, dóó John—áhil’a’ ńdiiltééh ninéídlá dóó be’ádziil bee ąą ńdaditį́hí bi’óholníih. Ła’ ndáheeskai, atah Elijah, éí ła’ haajéé’ ahwiis’áo ahił hóló bi’óholníih ninéídláo bii’ hool’áágóó ahił yíkahii eíí aniné yitíssóó.

“Áá aaníí ádii’nóo eíí Joseph Smith yee’ baa yilyá dóó Diyin God be’ádziil ałk’idą́ą́’ na’íisdzoh bizaa k’ehjí áyiilaa: Mormon biNáatsoos—Ałdó’ Jesus Christ T’áá aaníí Yáá Halne’. Díí baa dáhasti’ eet’ági yísdzohii yáá halne’ Jesus Christ Náádiidzá bik’ijį’ t’áabí E’e’áahjí Kéyah yikáá’ dine’é yitahgóó na’neestáá’. Éí iiná biniiyéhii yína’níłtin dóó Christjí bina’nítin bee ééhoziní, jo’éí biníi’ eíí dadéezti’. Saad diyiníi Bible booshk’íizh si’ą́, Mormon biNáatsoos eíí bíla’ashdla’ii Yá’ąąshdi Azhé’é ayóó ó’ó’níi biye’ké dóó bitsi’ké danilį́, áko Bí nihe’íina’ yá nahat’á diyiníi áyiilaa, dóó BíYe’, Jesus Christ, eíí díijį́ yáłti’í gi’át’áo t’áá ałk’idą́ą́’ yáłti’í yę́ę gi’át’áo.

“Nihí Jesus Christ Binahagha’ Akée’di Dayoołkáałgo Yá Naazínígíí eíí ádadii’ní, T’ą́ą́chil 6, 1830go bee lą́ azlíi’go, Christ lá Ánii Sodizin báHooghan Yáá Halne’ yę́ę néinidlá. Díí Sodizin báHooghan lá yóta’íi be’íina’ hadíłt’éhii éí tsé atsé bee ha’átł’įį nilį́į, Jesus Christ, dóó ak’é Niná’ídlá doo niníti’ da dóó íiyisíí Náádiidzá. Jesus Christ ła’ Ádahees’a’ náá dayíizhi’ dóó diyin bibee ádziil yaa nááyiisdlá. Bí ałtso hágo dóó shiSodizin báHooghan baanóhkaah yiłní, Diyin Ii’sizį́į nihaadoolyéé biniiyé, yisdáá’ádááh bibee áda’ool’įįł, dóó ił hoshǫ́ bee íłhasíh.

“200 ádááhai k’ad díí Ninályá hayiyííłwodóó Diyin God aTaa’ nilį́į dóó BíYe’ Ayóó ayó’níi, Jesus Christ. Dikwiishį́į́ dimíiltsoh nihokáá’ dine’é díidí ádahooníłii yáá ákodaníizíí’.

“Baa nihíł hózhǫ́ ádii’nínii eíí Ninályé bee ha’oodzí’ii náás kweenííł ííshją́ ál’į́ biníi’ góne’. Nahasdzáán doo at’éhéegi ándoo’níił da, Diyin God lá ‘t’áá ałtso Christ yee ahiih nídooldahgo’ íídoolííł (Ephesians 1:10).

“Yááh dóó ahéhee’ bee, nihí Bí Ánhiis’a’íi t’áá aníiltso wóshdę́ę́’ nihił béédahoozį́į́h—nihígi át’áo—eíí yá’ąąsh yee’ ąą’ ádaat’é. Nihí t’áá aaníi eíí Diyin God iinizin biye’ké dóó bitsi’ké yił ííshjání íyoolíił. Nihí t’áá aaníi ádadii’nóo eíí hazhó’í Ninályá báhane’ sodádizin yee ńdeiłkááh dóó oodlą’ áda’ał’į́į t’áabí diyiníi bił yit’į́ dadoolééł dóó ał’ąą dine’é Bohólníihii dóó Yisdá’iiníiłii, Jesus Christ Naaki Góne’ ndáhii biká bee hasht’edoolííł.” ¹⁵

Shik’iskéí dóó shiláhkéí ayóó ánhi’do’níi, eíí lá 200 náahaidi bee hadásiizíí’ Jesus Christ báhane’ yá’át’éehii t’áa át’é Ninályá. Éí 12 yádaałti’jí wólta’go bá ádaalyaa. Nááná ła’ yádaałti’jí hodíina’go ádadoolnííł. Éí Sodizin bá Hooghan bik’íh hane’jí t’áá hodína’í dabikáa’ doo, bits’ą́ądoo éiyá ła’ béé’doodlííł. Éí nihí dóó niha’áłchíní dóó béédahonohsinii bił deiyidóołtah. T’áá aaníinii baa nitsíníkees dóó eíidi t’áá aaníí disiníts’ą́ą́’, yisółts’ą́ą́’, dóó bee haz’áanii dóó bibee ahadaʼdeetʼánę́ę bik’eh honoł’į́įgo bee haa nít’é nihe’iina’ łahgo íidoolííł baa ntsóhkees.

Shił bééhózingo eíí Joseph Smith lá bá yáłti’í dooléełgo bik’íh bee sohodoozin díí akéedi hóolzhish biyi’. Bohólníihii biSodizin bá Hooghan bináhjį’ nihokáá’ ninályá. Joseph bił bééhózinígíí baa hoolne’go bidił yee lą́ asłį́į́’. Yéego ayóó íinish’ní dóó baa háshnííh!

Diyin God hiná! Jesus lá Christ nilį́! BiSodizin bá Hooghan yee’ ninályá! Bí dóó BíZh’é’é, nihiTaa’ Yá’ą́ą́shdi Hólóonii, t’áá áłah nihik’ídéez’į́į́’. Shí Jesus Christ bízhi’ baa hasti’íi binahjį’ adishní, áámen.