Aláahdi át’éii hweehólǫ́

Diyin God bizaad ání ts’iłkéí naha’aii Jesus yee’iłtł’á , dés’eezjį́’ ntsidinígo’, dóó, hojooba’ yee Bóhólníihii neidíłkid, “Ha’át’íí ádeiishłį́į́łgo hool’áágóó iiná shadi’doot’ááł?” Diyin God Bibeehaz’áanii ląi ałkee daasdzóh eí ts’iłkéí oodlą́ągo yik’ehgo hinááńt’ę́ę́’, yá’yiyį́į́łt’ą’dóó bik’idjį́’ Jesus kóbidííniid ninchxǫ́’į́ ałtso nanahóniih, bits’ądoo béeso’ígíí té’é’į́ danlinígíí baa díinił, ni’tsin ałnáoz’á dahdiitííh, dóó shikéé’ yinaał. Bidziilgo bichį́’ha’oodzíihígíí ts’iłkéí naha’aii—ké’da’ ílį́į́nii bik’égiizh haazt’í’—ndi bi’kee’ niik’aaz, dóó bąąhnahókaadgo hats’ą́ąjį́’ dahdiiyá haalą, Diyin God bizaad ání, “binchxǫ́’į́ ayóí aníílą’.” ¹

Bééhózínígo, díí yéego bahast’í’ hane’ at’į́’ chool’į́įgi dóó té’é’į́ bik’e’da’íyéégóo áká aná’álwo’ biniiyé. Ákó ndi díí hane’ ajéí t’áa’át’é bee, doo ła’ bi’oh’go dołzingo bá ninázhdootłísh. Da’íít’į́ doodáii at’į́’ t’áágééd, t’ááłáí siidzį́nigo Christ baa hidiikah doo nihił naaki nilį́į́góó Bina’nitin baa ádadidiit’ááł éí ts’iłkéí naha’aii ábidoo’niidę́ę gi ’at’éego. Dííjį́’ ánii neidakaigíí bizaad k’ehjí, nihí bee ádadíídní “t’áá’áníit’é’ aníítah.” ²

Bizaad łahgo át’éhígíí bee bééhó’dilzin, C. S. Lewis daats’í Diyin Bóhólníihii konihiłní nízin díí nahálingo: “Doo nisín da … ni’oolkił … [doodáo] nibéeso … [doodáo] ninaanish, [ałaahgo] shi [t’éiyá] Ni’nísin. [Eidí tsín bąąh iłdeehígíí.] Doo díí ła’ bidi’a’hagi k’ídoołnįįłda dóó aají’ bidii’a’hagí, shí’éí … t’áá’at’é [sikáádígíí] naa’adookos nisin. [Dóó eíí awoo’.] Doo[éí] baa i’doo’níł da nisín [éí], doodáí éí bilát’á’gi biki doot’i’da, doodáí [bii’ ńdíldoolyį́į́h da]. Éí hadoot’ááł [nisin]. [T’áá aaníigo, kónííníshní] wishdę́ę́ [shi chį́] t’áa ánit’é bee ánidiilyai . … [Dóó] t’áá shi ániidí ándeeshłííł. T’áá aaníigo, t’áa Shí naa’ádideesh t’ááł: shí … niik’eh [ni niik’eh] doolééł.” ³

Ntsáago áłah áleehgi t’áá ałtso hadahadzį́į́hígíí kódaaníi doołeeł, binaałtéego doodáo kódt’áo, ha’at’íi Christ ts’iłkéí naha’aii yee yichį́ hadzį́į yę́ę́: “Yisdá’iiníiłii bich’i’ dahdinááh. T’áa ánit’é dóó nijéí t’áá át’é bee hágo. Nitsin ałnóz’á ndiitįįh, ayóo ndáaz ndi, dóó Bikéé’ yinááł.” ⁴ Kódadidoonííł yaa ákodanízingo Diyin God bił haz’ą́ą́gi, doo t’áa ałníi’í’jį’ áda’alne’ da, doo haat’ééh da dóó bik’i adidááhda, doo nát’ą́ą́ haa’iłdeehda. T’áá háíshį́į́ shineesą́ínii adingo łeeh yishtééh nígo doodaii’ t’óó da yił haajéé ła’ hagóonee’ yididooníiłgo shá hooł’áah dííniidígíí Jesus yaanisi’niłdeeł dóó t’áá át’éii yee haadzíí’. Éí “Biní nááná ła’ ádeilééh,” Dííniid. “Diné ła’, bee nihwiildlaadí jiiłtsood dóó t’ą́ą’ ndéest’į́’ii, Diyin God bił haz’ą́di bi’óh jílį́.” ⁵ Doole’é nántł’áii óhłeeh nihi’di’nííh, nihijéí łahjíi yiden nilíindi, benáłniih Christ eíí baa ádiniit’ą́ǫ yéego nihe’íina’ bee bikéé’ nisiidzį́. Dóó, Isaiah azhą éi nihá holó ní “béeso t’aagéé dóó bąą ílį́ t’aagéé,” ⁶ —dóó éi—hast’edidiilnííł, T. S. Eliot deizóh, éi bąąh ílį́ “doo ałtsoní biyá higo.” ⁷

T’áa aníiłtso, hashkéł danihii’ doodáo ni’iilzííh doodáo t’ąą’ nihaa naháne’go eíí bąą doo ii’sizį́į k’ehjí náanish íil’į́į da łeh. Ndi Diyin God nihiZhé’é nilí dóó ayóo yá’át’éehgo anéédí’aah dóó nihi oodzíí yaa yóonah nihí ndiniit’ą́nii, éí shį́į́ biniina nihí nahjį’ Bí yéego áyoolííł. Ládą́ą́, ła’í niidzingo diyingo nihiká i’doowół hóló t’áa oolkiłgo ni’iiná’ łáhgo ádeeshłííł ninizíígo. Diyin God Saul “nááná ła’ ajéí’’ yee yikidjisdłi’. ⁸ Ezekiel t’áá shidądii Israel ałk’idą́ą́’ ádáát’į́į́d yę́ę́ naajį́ adahołkaad yidííniid dóó … “ajéí dóó ii’sizį́į ániidígíí ła’ ádaałééh.” ⁹ Alma yiká ádííniid ła’ “yéego łahgo e’e’néeh” ¹⁰ eíí ii’sizį́į bee’ ąą kwódoonííł, dóó Jesus Táa bí néiitinii eíí“ diné náá bidi’doochíiłgo t’éiyá, doo Diyin God bił haz’ą yiidoołtséeł da.” ¹¹ T’áá łahgo ázhdoonííł bóhonee’ą́ dóó ła’ hodáho bee iiná yee’ áłahjį’ Diyin God bi’aayiilé éi ha’nitá.

Shik’is, nihił hoołzhishdi ałtso ał’ąą dah da’óoldá dóó ałts’aheeskai, dahdeiká dóó bił nahaz’ą́, adine’e dóó nahat’á ał’ąą’ádaat’é’ yee adeedahólzin, doo ałhídadinéelnáa da. T’áa nihí shíí “T’ah wodáhgo dóó t’ah diyinígíí” ¹² iiná baa na’ídíiłkid doołeeł’, President Russell M. Nelson bizaad chool’į́, nihí dah doole’é héiit’į́? Akwíi dzáo, nihí t’áá benéilniih eíí hazhó’í yikáh yii’ Mormon Binaaltsoos éii dine’é nda’idíłkid dóó ádaaní eíí t’áá aniį ákot’é:

“Dóó éí hoołzhiishdi éi ákwe’é ałtso dine’é bitahgi doo saad ahídeet’áah da, ałtso kéyah bii’; … Diyin God be’ayóó ó’ó’nínii yee’ dine’é bijéí bii’ dahólǫ́ǫgo biniinaa.

“Dóó akwe’é oolch’į́į́d ádin, índa ałk’ijį’ idlį́, … índa ajíł bee tsi’naʼadáii; dóó t’áá aaníí ákwe’é dine’é doo kot’áo bił hozhóní da t’áá ałtso dine’é Diyin God bíla’ yee ádaláii.

“Ákwe’é da’ni’įįhii ádin, índa nda’ałtseedii, dóó ndó’ ákwe’é Laman dine’é ła’ da, índa -ites doo yee da’ahójí da; ndi t’áałá’í danilį́, Christ ba’áłchíní danilį́, dóó Diyin God bił hazʼą dayoosbą́.

“Dóó dóola’dó’ bik’idahojisdlí!” ¹³

Ha’at’íí éí béé deetąągo hoodeeyeeł, hózhǫ́’go hoo’a’? Éi t’áadoo bahat’aadí saad daasdzo bii’: “Diyin God be’ayóó ó’ó’níi … dine’é bijéí bii’di dahazlį́į́’.” ¹⁴ Diyin God be’ayóó ó’ó’níi yee hasht’eyiilaa niha iiná bá, biłkééhwiit’íinii dóó ałąą dine’e t’áá ałtso, baa jinííba’, áádóó t’ah shíídąądii bee ałąą aníit’ehą, bee da’ahííniijihah bi’oh siłį́į́, dóó t’oo bikidjį́ ałtsá’nihinił yą́ą́ bił yóó áhooya, dóó hǫ́zhǫ́ hodéézlį́į’. Eíí binahjí akidiit’į́ ts’idí hóhoot’įįd Mormon biNaaltsoos bii’. Laman dine’í, doodáo Jacob dine’í, doodáo Joseph dine’í, doodáo Zoram dine’í doo akót’áo da bizhída’daazłį́. Doo ndi “-ites” dajooyééda. Díí dine’é t’áała’í t’áá beehozinigo yee ałheeda hołzin. T’áá ájit’é, éí ahaní, “Christ ba’áłchíníi gi’at’áo hwéédahódiłzin.” ¹⁵

Jó t’áá aaníí, baa hane’go ałtsé ayóo at’éego bee haz’ąnii bíla’ashla’ii beełyá—Diyin God ayóó’ayónídoo bijei bitł’áahdee yee, doo yich’́í’ ni’ nilį́goo doodaii nááná łahgo’ át’áo éí dooda, jidísin nihi ní bee, nihe’adziil bee. ¹⁶ Díí Diyin God be’ayóó ó’ó’ní áłtsé agháo bee haz’áanii yádiłhił bii’. Ndi ałtsé aláahdit’áá aaníínii yádiłhił bii’ eíí Diyin God ayóó ánhó’ní ts’ídí ákót’éego—t’áa át’éii yee, doo ni’ niłį́goo doodaii náánáłahgo Bí jéí, tse’, ání’, dóó Bi’adziil bee. Dóó éii Bijéí bee Bi’ádziilii dóó nihi’ígíí biłgo ni’hwiindzin t’áágééd, t’áá áyisii of ii’sizį́į k’ehgo na’iiłna’, t’áá áánii’adziilii. Áádóó, Teilhard de Chardin na’íízoh gi’at’áo, “ahoodza [éí] naaki’di nihokáá’gi ahas’nį́į́h, diné kǫ’ heediił’įįh.” ¹⁶

Áko’ńda, dóó ́į́į́dą́ą́’go t’eihyá, nihí naaki’gone’ ayóo át’éego bee haz’ąnii hasho’í bik’eh honííl’į́į́go deekai doo t’óó’ áhat’į́į́hgóó. Jó Diyin God ayóó iinii’nóo yiníídlą́ą́’go dínííłzingo, Bi éí bínilą́ą́go áníhílee, bííníghahgo, ííníídzingo, dóó bił keehwíít’íínii dóó t’áanihí ayóó’íínííní’ dooleeł. Ákó diyingo íína’ biniinaa ádidííniił, “Ákwe’é dine’é bił dahózhóníi doo ła’ kótʼéhí t’áá ałtso dineʼé Diyin God bílaʼ yee áyiiláii bitahgóó.” ¹⁸

Shik’is dóó shiláh, hiha sodíszin ła’dadíílniił ts’iłkéí naha’aii yi’ohsilį́į́ yę́ę́gí, ákó Christ bi’ tsin ałna’asdzo dahdadidíít’į́į́ł, aashą́ nanidłą ndi, nahodít’éeii ndi, aashą́ shíí ayóo áłį́ ndi. Shíoodłąą’ bee yish’į́hgo ádeehadisdzí, Bikéé yiidaałdoo, bich’į́ atiigoo, t’áá haahdida, tsin’diní atsíí’kidi’ą dóó Roman bi’ tsin’áłnaosdzo t’óó bik’ee’áhyeeíí bigha’dah dididaał. Hait’áo nihi ts’iłkéí naha’aii át’í nidę́ę́ ndi, yee át’íinii éii doo ti’hoo’nííh ádat’éii bii’ dę́ę́’ bik’e’ ch’éézhdoo dááłda, dóó nihido doo niha biighahda. Tsidí ayóo át’éego ák’ihoojidłí na’alááhdi —hool’áágóó iiná bee ák’ihoojidłí— éí t’į́į́diyee’go ánihídíní nihi High Priest bik’ee yiidaał doo biniyá, nihi Jį́ Sǫ’, Áyáłti’í, dóó Natanii. Adishní ałkidę́ę́ dooyéego beehodilzinii Amaleki sani’ t’áá ła’íí niidzinígo “baa’ádíít’aah [nihi] t’áá aníí teii bee.” ¹⁹ Éí dólzingo bidiiłkáal, bá dahwii t’áał:

Jesus Christ bízhi’ baa hast’ii binahjį́, áamen.