Nsuhɔreidem Ndinyime nyuŋ Ntiene

Ke Alma ibuot ition,, ebup mbume uduŋɔde idem kiet: Nte mbufo emekeme nditiŋ, ke idem mbufo edieke mkpa okposimde mbufo idahaemi, ete ke mbufo ema edu ke ɔyɔhɔ nsuhɔridem?“¹ Mbume oro ɔwɔrɔ ete ke nsuhɔridem edi se eyomde nyin inyene mbemiso nyin idot ndifiak nduk iso Abasi.

Kpukpru nyin imima ndikere ete ke nyin imiyene ɔyɔhɔ nsuhɔridem, edi ndusuk nkpɔ ntibe ke uwem anam nyin ikut ete ke ata, ntaŋidem erenowo mme ŋwan esiwak edidu ke idem nyin.

Ke ediwak isua emi ebede, kini nditɔ iban nyin iba ekesuk edungde ye nyin ke ufɔk, mma mbiere ndiwut mmɔ ye nwan mi nkɔk mbubehe eke ami nkekamade ke itie utom emi ami nkenamde utom.

Udɔŋ mi okposuk ekedi ndiwut mmɔ itie emi mitiehe nte ufɔkiduŋ nyin, emi kpukpru owo enehede enam se ami ndɔhɔde nte mmɔ enam owo inyuŋ ibupke mbume. Nte nyin isimde ke inuaotop, emi esiberede ke idem esie kini nkpɔ-isaŋ mi awatde ekpere, idem ama akpa mi ete ke enye ikimaha ndibere usen oro. Ke itie esie, andikpeme kiet emi Ami me-nkwe akpa ke uwem mi asaŋa edi nkpɔ-isaŋ onyuŋ obup abaŋa Nwed-idiɔŋɔ eke itie utom mi.

Ami ndɔhɔ enye nte ke akananam Ami nsikamake Nwed-idiɔŋɔ mbemiso nwat nkpɔ-isaŋ nduk itie utom ndien Ami mbup enye akwa mbume owo ntaŋidem: “Ndi afo ɔmɔfiɔk owo emi afo etiŋde ikɔ?”

Emi enye ɔkɔbɔrɔde ete, “ Ɔfɔn, sia afo munyeneke Nwed-idiɔŋɔ eke itie utom fo, ami mfiɔke fi, ndien kini Ami ndude ke inuaotop emi owo idiyake fi oduk nkankuk emi ke afo umukamake nnen-nnen nwed-idiɔŋɔ.”

Ami mma nkere mbaŋa ndise ukutiso edem man nse mme edinam eke nditɔ mi iban, edi mi mma-ndiɔŋɔ ke mmɔ ekesuk ese kpukpru se itibede ke ini oro. Nwan mi ke nkaŋ mi ke ofuŋ ibuot asua ɔnɔ edu uwem mi. Akpatre se ke anade nte ami nnam kini oro ekedi ndikpe andikpeme ubɔk nyuŋ ndɔhɔ ke meseme mbaŋa idiɔk usuŋ nte nnamde nkpɔ ye enye. Enye ɔdɔhɔ ete “Ami mmefen-nɔ,” edi edieke afo mukamake Nwed-idiɔŋɔ itie utom afo udu-duke udi mfin!”

Ami ndien nwat suŋ-suŋ mfiak nka ufɔk ndimem Nwed-idiɔŋɔ mi, ke mma-nkebɔ akwa ukpeb emi: kini nyin itrede ndinyene nsuhɔridem, nyin iyekut esuene ke utit.

Ke Nwed mme Nke nyin ikut emi, “Iseri owo eyesuhɔre enye, edi nsukesit eyeda ukpono.^.2 Man nyin ikpekeme ndiyene nsuhɔ ridem, ana nyin ifiɔk se enye ɔwɔrɔde ke ukpenkbnkpɔ ikɔ Abasi.

Ndusk owo esitimere se nsuhɔreidem ɔwɔrɔde ye mme nkpɔ efen, nte uwutŋkpɔ, owo ndidi ubuene. Edi ediwak owo edu emi edide ubuene ndien enyung edi mbon ntaŋidem nko ediwak owo edu emi edide imɔ edi mmɔ enyene nsuhɔridem. Mbon efen emi edide mbon obut mme mbon emi eyenede esisit ukpono eke idem esinyene iso nte mbon nsuhɔridem edi ubak-ini ke esit mmɔ eyɔhɔ ye ntaŋidem.

Ndien Nsuhɔridem ɔwɔrɔ nso? Nte ewetde ke Preach My Gospel, enye edi udɔŋ ndisuk ibuot nnɔ uduak Abasi. … Enye edi ndiyeme ndibɔ ukpeb. … [Enye] edi se itimde inwam nkɔri eke spirit.”³

Ediwak nti ifet odu ɔnɔ kpukpru nyin ndinam ido eke Christ emi otim ɔfɔn. Ke akpa Ami nyema ndiyarade nte nyin ikpiyenede nsuhɔridem ke nditiene item prophet nyin. Mbume eyenede kpukpru owo ekeme ndidi emi:

• Ndi nyin imesikot nkem-nkem enyiŋ ufɔk Abasi ke kpukpru nneme nyin? Presiden Russell M. Nelson ete, “Ndisio enyiŋ Ɔbɔŋ mfep ke enyiŋ Ufɔk Abasi Esie edi akpan edikan ɔnɔ Satan.”⁴

• Ndi nyin imayak Abasi akan ke uwem nnyin ke ndiyeme saŋa-saŋa ikoot prophet nyin emi? “Mfin emi ami mmekot mbon Ufok Abasi nnyin ke ofuri ebiet nte eda usuŋ ke ndisin mme ido ye edinam utuk.”⁵

• Ndi nyin imekan ererimbot, idotenyin ke ukpep-ŋkpɔ Christ ikan mme ukpep-ŋkpɔ owo?⁶

• Ndi nyin imikabade idi mme anam emem inyuŋ itiŋ nti ikɔ ibaŋa mbon efen? President Nelson ama ekpeb ke akwa mbono emi osukebede ete “Edieke odude se ifɔnde, eyede, mme se inyenede eti etop mme se etorode emi nyin ikemede nditiŋ ndian mbon efen—ke iso mme ke edem esie—oro ana edi udomo nnyin ke nneme.”⁷

Emi edi mmem-mmem item edi eyene odudu. Ti ete, ke kpukpru se ikinade nte mbon Moses enam man mmɔ ebɔ edikɔk ekedi ndise urukikɔt okpoho emi ekɔŋde ke anyan eto.⁸ Ndien koro usung ɔkɔfɔnde, okoyung ememde, ediwak ema ekpanga⁹

Ke mbono emi nyin imekop iyeyung ika iso ndikop mme item mme prophet ye mme apostles nyin enɔde. Enye edi ediye ufang nyin ndiyene nsuhɔridem nyung duɔk ekikere esit nyin ndien iyime ete ke Obong eting ikɔ oto mme adausung emi enye emekde.

Ke ofuri-ofuri, ke ndiyene nsuhɔridem, ana nyin ifiɔk inyuŋ inyime ete ke nyin ikemeke ndikan mme mfana nyin mme ndisim ɔyɔhɔ itie nyin oto ke ukeme nyin kpot. Mme etiŋ ikɔ, ewet-nwed, andikpeb, ye mbon-odudu ke ofuri ererimbot, eyedɔhɔ ke kpukpru nkpɔ oto ke idem nyin ye ke se nyin inamde. Ererimbot ebuɔtidem ke ubɔk obuk-idem.

Edi otode ke mfiak-men-ndi ikɔ Abasi, nyin imikpeb ete ke nyin itim idotenyin ke mfonido Ete eke Heaven ye Uwa-Usio Isop eke Andiyanga nyin Jesus Christ, “koro nnyin imefiok ete ke oto ke mfon ke erinyaŋa nnyin, ke ima ikanam ofuri ukeme nnyin ikure.”¹⁰ Oro edi ntak emi ndinam nyung nnim ediomi ye Abasi edide akpan nkpɔ, koro ndinam ntre eyenɔ nyin ɔyɔhɔ unen ndibɔ edikɔk, ukeme, ye odudu eke Christ oto ke Uwa-Usio-Isop Esie.

Ndiduk esop udia-ɔbɔng kpukpru urua ye ndituak ibuot ke temple kini-kini man abuana ke mme edinam-ikɔabasi nyuŋ nnam mme ediomi edi idiɔŋɔ ke nyin imɔfiɔk ke nyin ibere idem ke Ete Heaven ye Andiyaŋa nyin Jesus Christ. Oro eyekot odudu Mmɔ esin ke uwem nyin ndiwam nyin kini kpukpru afanikɔŋ nyin ndien ke akpatre nyin iyenam oyɔhɔ-ɔyɔhɔ kpukpru se ekebotde nyin enɔ.

Ke esisit ini emi ebede ema efiak edomo ndaha nsuhɔridem mi ye ifiɔk mi kabaŋa nte ami mberede-idem mi ke Ɔboŋ. Ami nkesine ke taksi ndika anwa-ubomofim ndiduk obum-ofim nka ebiet anade nte eke enɔ ibɔrɔ kabaŋa ata ɔkpɔsɔŋ mfina emi okodude. Andiwat taksi, emi mikidihe owo Ufɔk Abasi, ese mi ke ukutiso ndien ɔdɔhɔ ete, “Ami mmekeme ndikut ke idem fo isɔŋke mfim emi!”

“Ndi afo emekeme nditiŋ?” Ami mma mbup.

Enye ɔdɔhɔ ete, “Ihn.” Ekem enye etiŋ ikɔ kiet nte, “Afo emenehede enyen idiɔk halo ke idem fo!”

Ami mma nnam anwaŋa enye nte ke mmeyene akamba mfina emi anade mi ke iso ndien enye obup mi ete, “Ndi afo amanam kpukpru se ekemede ndinam ndiyɔ mfina emi?”

Ami ndibɔrɔ ke ami mmanam kpukpru se ami nkemede.

Enye ndien etiŋ ŋkpɔ eke ami ndiduak-ke edifre ete, “Ke ntre yak enye sin ke ubɔk Abasi, ndien kpukpru ŋkpɔ eyefɔn.”

Ami ndɔhɔ nte ke ami mma nkop idomo ndidɔhɔ enye ete, “Ndi afo ɔmɔfiɔk owo emi afo etiŋde ikɔ?” Edi ami nkitiŋke! Se ami nkanamde ekedi ndisuhɔre idem mi ke iso Ɔbɔŋ ke ofuri isaŋ-ofim eke hour kiet oro, mbeŋe unwam Abasi. Nte ami nwɔrɔde ke ubom-ofim, ami mmakop ete ke ema enɔ-enɔ ibɔrɔ ɔkpɔsɔŋ mfina oro ndien ke owo iyomke mi ndi aba.

Nditɔ-eka iren ye iban,ewuhɔ, ikoot ye enwɔŋɔ otode ɔbɔng otim anwanŋa onyunŋ ɔnɔ ndɔnŋesit: “ Mbufo esuhɔreidem, ndien ɔbɔng kpa Abasi fo eyeda fi usung, onyunŋ ɔbɔrɔ akam fo.¹¹

Yak nyin isuhɔreidem itiene item mme prophet nyin inyung inyime ite ke Abasi ye Jesus Christ ikpɔŋ-ikpɔŋ ekeme ndikpuhɔre nyin— oto ke mme edinam ikɔabasi ye mme ediomi emi nyin ibɔde ke Ufɔk Abasi Esie— nsin ke ata eti uduot nyin ke uwen emi ndien, usen kiet, anamde nyin ifɔn-ima ke Christ. Ke enyiŋ Jesus Christ, amen.