Kiribati: Rinanin Bwaai aika a Riki

1972 • Eita, Tarawa, Aban KiribatiWaitea Abiuta, burintiboo n te Auriaria Kokoi Ataria School (AKAS), koro reta nakon ana reirei te Ekaretia ae Liahona High School i Tonga, ni bubuti taekaia ana ataei ngkana a kona n reita aia reirei ikekei. N tokina, 12 ataein te reirei a rineaki ibukin te moan tai man kurubu tabeua man te AKAS bwa a na reirei n te Liahona High School.

Eberi 6, 1973 • Nuku‘alofa, TongaAtaein te rerei aika 12 I-Kiribati ake a reirei n te Liahona a bwabetitoaki ao a riki bwa membwa n te Ekaretia.

Okitobwa 20, 1975 • TarawaN te tai ae aki maan imwiin rokoia moan mitinare Aika Itiaki ni Boong aika Kaitira ake onoman i Kiribati, Kenneth M. Palmer, beretitenti n te Fiji Suva Mition, e katabua Kiribati ibukin tataekinan te euangkerio. Inanon onoua te wiiki, mitinare a bwabetitoia 20 aomata.

1976 • EitaTe moan mwaanga n I-Kiribati e kateaki, ao Waitea Abiuta bwa te beretitenti.

1977 • EitaAKAS e a tauaki taekana iroun te Ekaretia ao e a manga aranaki bwa te Moroni Community School.

Tuun 29, 1977 • Aban KiribatiTe Ekaretia e karekea kinaakina man te tautaeka.

Turai 12, 1979 • Aban KiribatiKiribati e a riki bwa te aba ae Inaomata.

1981 • KiribatiBaitika Toum e a riki bwa te moan mai ibuakoia kain te Ekaretia are e rineaki nakon te auti n tei. E waakina nakoana bwa te minita n te kaebineti inanon 13 te ririki.

1985 • EitaMairouia 65 ataein te reirei ake a moan angabeeba man te Moroni High School, 63 a nako ni mitinare. Aman mai ibuakoia a riki bwa moan I-Kiribati ni beku n te mition i tinaniku.

Tianuare 30, 1988 • Apia, SamoaUangaun ma waniman aika Itiaki mai Kiribati a karaoa aia moan mwananga nakon te tembora.

Meei 1, 1988 • EitaMembwa n te Ekaretia a mataku n te tetere n te maungatabu ni kabuta are e raweaki n te moan tai i Kiribati.

Aokati 10, 1996 • Betio, KiribatiUnimwaane L. Tom Perry man te Kooram n Abotoro n te Tengaun ma Uoman a manga katabua Kiribati ibukin tataekinan te euangkerio.

Aokati 11, 1996 • TarawaUnimwaane L. Tom Perry e katea te Tarawa Kiribati Titeiki, ma Atunibeia Mote e kamatoaki bwa te beretitenti.

Tianuare 26, 2000 • TarawaBeretitenti n te Ekaretia Gordon B. Hinckley e kawariia kain te Aro iaon Tarawa ni mwanangana nakon te Betebeke.

2002 • Salt Lake City, UtahAna Boki Moomon e boretiaki nakon te taetae ni Kiribati.

Tuun 19, 2003 • KiritimatiBeretitenti Gordon B. Hinckley e kawariia Aika Itiaki iaon aban Kiritimati.

Tuun 20, 2014 • London, Kiritimati IslandE kateaki te Mwakoro i Kiritimati, ma Naitinua Teitikai Tokinteiti bwa te beretitenti, ao n raonaki ma mwaanga iaon Kiritimati ao Tabuaeran.

Okitobwa 2014 • TarawaKain te Ekaretia a anganano ni buoka katean te bono i taari ni katana te komiunite man te ieka.

Tebetembwa 28, 2017 • Salt Lake CityTe Ekaretia e katanoata boretian korobooki aika a tabu ake teniua n te taetae ni Kiribati.

Beberuare 7, 2018 • EitaTe taromauri n ururing e karaoaki n te Moroni High School ni karineia naake a mate man te kaibuke are e inako MS Butiraoi. Te taromauri e iraki irouia kain te tautaeka, taan kairiiri n Ekaretia, ao aia utu naake a mate.