Gikan sa Kinabuhi ni Propeta Joseph Smith:
Usa ka Adlaw sa Gahum sa Dios
Gikan sa Mga Pagtulun-an sa mga Presidente sa Simbahan: Joseph Smith (Melchizedek Priesthood ug Relief Society nga tun-anan, 2007), 379–81.
Sa diha nga ang mga Santos sa Ulahing mga Adlaw unang namalhin sa dapit nga mamahimong Nauvoo, lapukon kini ug puno sa mga lamok. Daghang mga miyembro ang nasakit ug namatay. Si Joseph ug Emma midala sa masakiton nga mga tawo sulod sa ilang troso nga panimalay ug mipagamit sa ilang higdaanan. Nanghigda sila sa gawas sa usa ka tolda.
Dihay usa ka adlaw nga gitawag ni Wilford Woodruff sa kaulahian og “usa ka adlaw sa gahum sa Dios.” Human sa buntag nga pag-ampo, si Joseph mipanalangin sa masakiton.
Brigham, aduna ka bay igo nga hugot nga pagtuo aron maayo?
Oo, Joseph, aduna ako.
Si Joseph ug Brigham miadto aron makigkita ni Elijah Fordham, kinsa hapit na mamatay. Matag minuto siya gituhoan nga mamatay.
Si Joseph migunit sa kamot ni Elijah. Si Elijah sa sinugdan wala motubag, apan ang matag usa diha sa lawak makakita sa epekto sa Espiritu sa Ginoo diha kaniya.
Brother Fordham, kaila ka ba nako?
Elijah, wala ba ikaw makaila nako?
Oo!
May pagtuo ka ba nga maayo?
Nahadlok ako nga ulahi na kini. Kon sayo pa unta kamo nga miabut …
Nagtuo ka ba nga si Jesus mao si Kristo?
Mituo ako, Brother Joseph.
Elijah, ako nagsugo kanimo, sa pangalan ni Jesus sa Nazaret, sa pagbangon og mamaayo!
Ang mga pulong nga gisulti ni Joseph maoy sama sa tingog sa Dios. Daw kini miuyog sa balay, ug nakaingon kini sa paglayat ni Elijah gikan sa iyang higdaanan.
Mahimsog nga pamanit ang miabut sa dagway ni Elijah, ug napuno siya sa kinabuhi. Misul-ob siya sa iyang mga sinina, mikaon og usa ka panaksan nga pan ug gatas, ug misul-ob sa iyang kalo. Dayon miuban siya ni Joseph aron mopanalangin sa ubang masakiton nga mga miyembro.
Mga Paghulagway ni Sal Velluto ug Eugenio Mattozzi