Klumech ra Oldingel e Olisechakl, Ongedei el buil 2010
Omelisiich ra Klaumerang ra Dios el Chedam ma Jesus Kristo lokiu a Omesubel Chedaol Llechukl ra Derstang el Chad
Molisechakl aikal chedaol llechukl ma tekoi malechub, a lusbechall, e mnguu a tara osisechakl el ngii a mo omekngeltengat ra rodos el moldingel er tir. Mouchais ra klemerang el kirel osisechakl. Molengit er tirkel moldingel er tir el mo ouchais aikel lomelchesiu ma bla el suub.
Sera dirk blok bechiil, … eak mlo sueleb ngak ma rokui el lodos ra Relief Society ra ward er ngak el tir a locha mla chiuii a Babier ra Mormon malechub eng telkib el reksi ra Ikelesia. Ngak a kora dimlak sal menguiiu a chedaol llechukl, meng mlo sebechek el mor tial blengur el mla choiuii a kedeb el babier ele ngmle beot e kedeb a temel. Tia ra kuusueleb, eak mlo omelchesiu el kmo tial reksi el kchiliuii a ungil, eng di ng mle kirek el choiuii a Babier ra Mormon. A Chedaol Reng a rirellak el ngodechii a teletael ra omengiuek ra chedaol llechukl. Seikid el sils ea kulemuchel el menguiiu ra Babier ra Mormon, e dirkak a tal kmeterob. … Me ngak el ulemuchel el menguiiu a chedaol llechukl ra bekel sils, eak mla suebii a Demak ra Babeluades, Ngelekel Jesus Kristo, ma ikel kirek el meruul eak mo uai Ngii. …
“… A bekel redil a sebechel mo olisechakl a osisechakl ra ebangkelio ra blil, ea bekel odos ra Ikelesia a ousbech a llomes ra ebangkelio el mo oungerachel malechub eng mo sensei. Alsekum eng dirkak el bol kse er kau el menguiiu a chedaol llechukl ra bekel sils, e momuchel er chelechang e molemolem el mesuub me bom kldmokl el kirel a ngerchelem er tial klengar ma diak a ulebengelel.”1
Julie B. Beck, merreder ra cherrengelel a Relief Society.
”A omesubel a chedaol llechukl a mo ngoseuir a klaumerang er kid ma klaumerang ra rechad ra telungalek er kid. A rengeleked a merael mo meklou el iiliuekel ra ngor el mengesuseu er tir el mo cheroid ra llemalt, e bai, mo osiik ra soal a beluulechad. Malsekum eng diak a mesisiich el uchetemel a klaumerang er tir ra ebangkelio ra Jesus Kristo, klaumerang ra klemerang, ma blak el reng el mo kiei el ngara llemalt, ete mo chemau aikaikid el mekngit lomeruul. Ngercheled el melisiich e omecheliu er tir.”2
President Thomas S. Monson.
”Ng soad a rodos er kid a bo le chellimosk ra chedaol llechukl. … Kemiu ousbech el mo medengei a diak a ulebengelel klemerang el mor kemiu, ma dirrek el moktek ra olisechakl ra rengelekiu ma rebebil el tir a me kmeed er kemiu.”3
“Ng soad a rekeblid a bo le mukngeltengat ra rodos el medengei chedaol llechukl—a omesobil malechub eke bechiil, klou malechub e kekekerei, mla melakel malechub eke ngara telungalek. … Bom chellimosk ra chedaol llechukl—e lak mouketui ra rebebil, e bai molisiich er tir!”4
President Spencer W. Kimball (1895–1985).
© 2009 lokiu a Intellectual Reserve, Inc. Urrekodel a rokui el klisiich. Milluches ra USA. Kengei ra English: 6/09. Kengei ra oidel: 6/09. Oidel a Visiting Teaching Message, March 2010. Palauan. 09363 881
Ngesou el kirel Oldingel e Olisechakl
Sel temel odingel, e monger a ker e mouchais a omodengei lousbech chedaol llechukl. Mouchais ra klaumerang er kau el kmo ng mekerang a omesubel chedaol llechukl e mla smisichii a klaumerang er kau. Molengit er a odos el moldingel er ngii me louchais el kmong mekerang a omesubel ra chedaol llechukl e mla smisichii a blil ma telungalek er ngii.
Kedmeklem