Ro rej Wōrtar Renaaj Ebbōk Bok eo Ekāāl Tata kōn Tampeļ

Ro rej wōrtar Liaona eo im Ensign mekejin ko renaaj ebbōk bok eo ekāāl tata kōn Temples of the Church of Jesus Christ of Latter-day Saints im bok jikin jeje ko rekkā aer itok ilo Oktoba 2010.

Bok in ej juōn eo em̧ōj kōkāāl e jen kar juōn bok eo ej pād ilo jeje wōt n̄an kiō elōn̄ļo̧k jen 50 iiō ko. Eaar jinoe ainwot juon jeje an mekejin eo an Kabun̄ Improvement Era ilo 1955. Eaar oktak tokālik im erom juōn bok ejeno̧ļo̧k eo em̧ōj an ekkāāl jen ruwalitōk kōttan. M̧ōttan eo ekāāl tata enaaj koba bwebwenato ko rekāāl im bijja ko im naaj kar jeje ilo 45 kajin ko.

Rikanaan ro ilo raan kein, ekoba Būreejtōn Thomas S. Monson, eaar wōnm̧aanļo̧k wōt im rejjan̄ ro uwaan n̄an bōk kain̄i ko aer make jen tampeļ eo im innām n̄an ro̧o̧l ļo̧k n̄an tampeļ eo n̄an kōm̧m̧ane jerbal eo n̄an ro jibūer im jim̧aer etto.

Bok in ej kōtōbar n̄an katakin kōn katak im pedped ko an jar ilo tampeļ. Ro uwaan Kabun̄ eo rej rejjan̄ n̄an an wōr diktata in juōn kape ilo im̧ōko im̧weer bwe ro jemen im jināer ren maron̄ kōjerbale bok ko ilo nokin in jota ko an baam̧le ak bar ilo jet jekjek n̄an katakin baam̧le ko aer kōn tampeļ.

Armej ro remaron̄ bōk juōn men ekkar n̄an er ilo bo eo. Bwebwenato ko rekāāl n̄an m̧ōttan eo ilo bok in ekoba “Kōjeraam̧m̧an ko an Tampeļ,” jen Būreejtōn Thomas S. Monson, im “Kōppojak n̄an Kōjeraam̧m̧an ko an Tampeļ,” jen Eļtōr Russell M. Nelson eo an Doulul eo an Jon̄oul Ruo Rijilōk ro. Bok ej barāinwōt pād e juōn bwebwenato n̄an jodikdik etan “Kōm̧m̧an bwe Tampeļ en M̧ōttan wōt Mour Eo Am̧” im ajri ro remaron̄ in katak kōn tampeļ jen bwebwenato en etan “Ial eo Am n̄an Tampeļ.” Aolep ro rej riit renaaj m̧ōņōņō alwōji pija in bwebwenato jiddik ko an tampeļ ko peļaakin laļ in. Bok in ej barāinwōt pād uwaak ko n̄an kajjitōk ko rekka n̄an jipan̄ ro uwaan ro rej pojak n̄an etal n̄an tampeļ juōn allen.

Ro uwaan rej rejan̄ n̄an kwaļok bok in ippān ro uwaan baam̧le ko aer im ro m̧ōttāer ilo bar jet kabun̄ ko. Kakobab in kape ko an bok renaaj pād ilo jikin leto letak ko an Kabun̄ im ilo LDScatalog.com.

Stake būreejtōn ro, bisop ro im rūkaki ro an kūlaaj in kōppopo n̄an tampeļ eo emaron̄ in kālet n̄an kōjerbal men kein āinwōt juōn jipan̄ ippān Endowed from on High bok in katakin eo im bok eo, Kōppopo n̄an Deļo̧n̄ Juōn Tampeļ Ekwojarjar.

Ilo an ekkar, ritōl ro an priesthood remaron̄ in leļo̧k bok in n̄an ro uwaan ro me em̧ōj kadede aer bōk menin letok kwojarjar eo n̄an jipan̄ er kememej en̄jaake ko aer make ilo tampeļ eo. Emaron̄ in wōrtokjen n̄an jipan̄ ro rej ro̧o̧ltok n̄an m̧akūtkūt an Kabun̄ ro rej kōppojak n̄an liab ilo tampeļ eo.

“Bok in emaron̄ kar erom juōn menin jipan̄ em̧m̧an n̄an aolep ro uwaan,” Eļtōr Yoshihiko Kikuchi jen Jiljilimjuōnn̄oul eo ekar ba. “Ej juōn jipan̄ n̄an kememej wāween ko rekwojarjar an tampeļ, ippān bujen im kōjeraam̧m̧an ko rej itok ippān doon, im eddo ko an kajjojo ro uwan n̄an kōm̧m̧ane jerbal in bwebwenato n̄an kakkilen ro jibweer im jim̧aer im n̄an lelok kain̄i ko reaorōk an tampeļ n̄an er ilo pād wot im bōk koņaaer ilo jerbal in jipan̄ an tampeļ.”