Nagustuhan ko ang bag-ong hitsura sa Liahona. Nagustuhan ko ang paagi nga ang mga artikulo gihan-ay pinaagi sa edad, ilabi na ang seksyon sa kabatan-onan, diin nagtabang kanako og dako kaayo. Nagustuhan ko ang bag-ong mga seksyon, ilabi na ang seksyon sa Anaa pay daghan sa Internet. Ako naglantaw ngadto sa usa ka hilabihan ka nindot nga tuig!

Karong adlawa gibati ko ang Espiritu nga kusog samtang nagbasa ako sa bag-ong Liahona. Ako mao ang presidente sa Young Women, ug samtang nakita nako ang bag-ong porma, nakita nako ang dakong kabalaka sa Langitnong Amahan alang sa kabatan-onan, tungod kay karon sila adunay seksyon nga gipahinungod alang lamang ngadto kanila. Nasayud ako nga kini nga mga kausaban makaayo sa akong panimalay, sa akong mga batan-ong babaye, ug sa mga miyembro sa tibuok kalibutan.

Daghang katuigan ang milabay gibalhin ko ang tanan nakong subskripsyon sa magasin sa Simbahan ngadto sa Liahona. Kini nakahatag kanako sa labing nindot sa tanang mga magasin ug usa ka mas lapad nga panglantaw sa tibuok kalibutan. Apan, ang paagi sa paghan-ay niini usahay makalibug.

Karon uban sa bag-ong Liahona, ang akong tanan nga mga kabalaka kabahin sa paagi sa paghan-ay nasulbad, ug ang sulod mas nakatumong ug mas adunay unod. Karon, labaw sa tanan, ang Liahona magpadayon nga mahimong bahin sa akong personal nga pagtuon sa ebanghelyo.