Soqoni ni Vuli Veiliutaki e Vuravura Raraba

Ena vakayacori tiko e dua na kakaburaki ni vuli veiliutaki e vuravura raraba ena ika 13 ni Noveba, 2010. Na kakaburaki oqo ena vakarautaki tiko kina na ivakasala baleta na ivoladusidusi ni Lotu (iVoladusidusi 1: Peresitedi ni iTeki kei na Bisopi kei na iVoladusidusi 2: Veiliutaki ena Lotu).

Era sa sureti kina o ira na lewenilotu oqo me ra tiko ena kakaburaki oqo: Vakaitutu Raraba; Vitusagavulu ni iWasewase; mataveiliutaki ena iteki, kaulotu, valetabu, kei na tikina; vunivola ena iteki kei na tikina; sekeriteri liu ena iteki kei na tikina; lewe ni matabose e cake; mataveiliutaki ni iSoqosoqo ni Veivukei, Cauravou, Goneyalewa, Lalai, kei na Matawilivola ni Sigatabu ena iteki kei na tikina; matabisopi; mataveiliutaki ena tabana; vunivola ena tabanalevu kei na tabana; sekeriteri liu ena tabanalevu kei na tabana; iliuliu ni ilawalawa ni bete levu kei ira na kena ivukevuke; mataveiliutaki ni kuoramu ni italatala qase; mataveiliutaki ni iSoqosoqo ni Veivukei, Cauravou, Goneyalewa, Lalai, kei na Matawilivola ni Sigatabu ena tabanalevu kei na tabana; iliuliu ni kaulotu ena tabanalevu.

Na vuli oqo ena kaburaki tiko yani ena 30 na vosa. Ni raici ira na nomuni iliuliu ni matabete me baleta na ikuri ni itukutuku ni kena vakayacori na kakaburaki oqo.