iVakavuvuli ni Noda Gauna

Na lesoni ni Matabete i Melikiseteki kei na iSoqosoqo ni Veivukei ena ikava ni Sigatabu ena vakatabakiduataki ki na “iVakavuvuli ni Noda Gauna.” E rawa me vakarautaki na kena lesoni mai na dua se sivia na vosa ni koniferedi raraba ka se qai oti wale ga oqo. Sa na rawa vei ira na peresitedi ni iteki kei na tikina me ra digitaka na vosa cava e dodonu me vakayagataki, se e rawa me ra lesia na itavi oqo vei ira na bisopi kei na peresitedi ni tabana. O ira na iliuliu e dodonu me ra vakabibitaka na yaga ni nodra vulica na vosa vata ga ena dua na Sigatabu na turaga lewe ni Matabete i Melikiseteki kei ira na marama lewe ni iSoqosoqo ni Veivukei.

Era sa vakauqeti o ira era na tiko rawa ena lesoni ni ikava ni Sigatabu me ra vulica ka kauta mai ki na kalasi na ilavelave ni mekasini ni koniferedi raraba ka se qai oti wale ga oqo.

Vakatutu ni kena Vakarautaki na Lesoni mai na Vosa

Masulaka me tiko vata kei iko na Yalo Tabu ena nomu vulica ka vakatavulica na vosa. E rawa ni o temaki ena nomu vakarautaka tiko na lesoni mo vakayagataka eso tale na iyaya, ia na lewenivuli ka sa vakadonui ga na vosa mai na koniferedi. Na nomu ilesilesi sa ikoya mo vukei ira eso me ra vulica ka bulataka na kosipeli me vaka a vakatavulici ena koniferedi raraba ni Lotu ka se qai oti wale ga oqo.

Raica lesu na vosa, vakasaqara na veivakavuvuli kei na ivunau ka na sotava na nodra gagadre na lewe ni kalasi. Vakasaqara tale ga na italanoa, tiki ni ivolanikalou, kei na itukutuku mai na vosa ka na vukea na nomu vakatavulica na dina ka ra tukuni tiko oqo.

Cakava e dua na ituvatuva mo na vakavulica rawa kina na ivakavuvuli kei na ivunau. Na nomu ituvatuva e dodonu me okati kina na taro ena vukei ira na lewe ni kalasi mera:

Vakasaqara na ivakavuvuli kei na ivunau e tiko ena vosa.
Vakasamataka na kedra ibalebale.
Wasea na kila, vakasama, veika e sotavi, kei na ivakadinadina.
Vakayagataka na ivakavuvuli kei na ivunau oqo ena nodra bula.

Vula	iVola Ni Lesoni Ni iKava Ni Sigatabu
Noveba 2010—Epereli 2011	Vosa tabaki ena Liaona Noveba 2010*
Me 2011—Okotova 2011	Vosa tabaki ena Liaona Me 2011*