Ol Tijing blong Ol Taem blong Yumi
Melkesedek Prishud mo Rilif Sosaeti lesen blong nambafo Sandei bae i blong “Ol Tijing blong Ol Taem blong Yumi.” Wanwan lesen oli save yusum wan o moa toktok we i bin kamaot long jeneral konfrens we i jes pas. Ol stek mo distrik presiden i save jusum wanem toktok blong yusum, o oli save givim wok ia long ol bisop mo branj presiden. Ol lida i mas soem hamas i impoten blong ol brata blong Melkesedek Prishud mo ol sista blong Rilif Sosaeti blong oli stadi sem toktok long ol sem Sandei.
Olgeta we oli atendem nambafo Sandei lesen oli leftemap tingting blong olgeta blong stadi mo karem i kam long klas namba blong magasin blong jeneral konfrens we i jes pas nomo.
Ol Tingting blong Rere long Wan Lesen Aot long Ol toktok
Prea se Tabu Spirit bae i stap wetem yu taem yu stadi mo tijim ol toktok. Ating yu gat temtesen blong yusum ol nara tul blong rere long lesen, be ol toktok blong konfrens oli kurikulum ia nao we oli apruvum. Wok blong yu i blong helpem ol narawan blong lanem mo laef folem gospel olsem we oli tijim long jeneral konfrens blong Jos we i jes pas.
Luklukbak long ol toktok, lukaotem ol prinsipol mo doktrin we i save ansarem ol nid blong ol klas memba. Mo tu, lukaotem ol stori, ol skripja refrens, mo ol stetmen long ol toktok we bae i helpem yu blong tijim ol trutok ia.
Mekem wan plan long olsem wanem blong tijim ol prinsipol mo doktrin. Plan blong yu i mas gat ol kwestin we i helpem ol memba blong klas:
-
Lukaotem ol prinsipol mo doktrin long ol toktok ia.
-
Tingbaot mining blong olgeta.
-
Serem andastanding, ol tingting, ol eksperiens, mo ol testemoni.
-
Yusum ol prinsipol mo doktrin ia long ol laef blong olgeta.
|
Manis |
Ol Tul blong Lesen blong Nambafo Sandei |
|---|---|
|
Novemba 2010–Epril 2011 |
Ol toktok we oli printim long Novemba 2010 Liahona* |
|
Mei 2011–Oktoba 2011 |
Ol toktok we oli printim long Mei 2011 Liahona* |