Ron i go long Fiuja

Plante long ol yangfala man i rere long saed blong mane blong go long wan misin. Long Afrika, pat blong stap rere i blong kasem inaf mane blong wan paspot. Sedrik Tsiambin i kasem wanem hem i nidim long wan wei blong mekem bisnis: taem hem i salem ol banana biaen long baeskel blong hem.

Sedrik i laef long Luputa, Demokratik Riplablik blong Kongo. Hem i wan long ol 45 yang man long Luputa distrik we oli wok blong sevem mane blong gat wan paspot blong go long wan misin. Long Demokratik Ripablik blong Kongo, wan paspot hem i samples 25000vt, we hem i 66 pesen blong ful mane blong bildim wan niu haos.

Be Sedrik i bin gat strong tingting. Hem i kasem mane blong misin blong hem taem hem i ron 15–30 kilometers (9–19 mael) long baeskel long Luputa i go long ol smol vilij, we hem i pem ol banana, afta i ron krosem hot ples wetem drae gras blong Afrika, baeskel blong hem i hevi gud wetem frut blong salem long siti. Evri wik bae hem i ron 180 kilometa (112 mael) long saed blong ol sanbij rod, mo wan taem nomo baeskel blong hem i foldaon wansaed from i hevi tumas.

From hadwok blong hem, Sedrik i winim kolosap125 vatu long wan wik, o 6500vatu long wan yia. I bin tekem hem fo yia blong sevem inaf mane blong pem paspot blong hem, be naoia hem i save fiuja blong hem bae i gat wan fultaem misin from hem i rere long saed blong mane blong ansarem koling ia blong givim seves.