Chitinngiy e ma Ayuweg Dad

Napan ni gub nel’, ma gag nge walageg nib bpin nib achig e gamow be yaliy walagen mow nib ilal nibe basketball. Ke chuw e papa’ rog, me aram ma gamad yog ni gamad ba adag ni ngug uned ngak nga tabinaew, ere mug l’ol’og u fithik e n’uw. Napan ni dagur pir’egnew, mu gomow sul nga lane gym ni ngug unew ko nina’ romow nga tabinaew, machane napan ni gu taw gow nga gym, ma gubin e gidii’ ma ke yaen.

Ku gumanang ni gamow bay u ta’abang u ko maab, ni gube guy rogon ni ngug chuweg walageg nib bitir nge gag u fithik e n’uw, ni gube meybil ni nge yib bee’. Ma aram ma kugu manang ni kug rung’ag e maab ko karo romad nib rorow nike maen, mug mil gow ko iyan ko n’en ni kug rung’ag lingan. Me aram me buch e n’en tha’abi mangil rog: ke bachiy e nina’ romow pa ngomow “ni boed e alabol ni ma kunuy pifak nga tan poen” (3 Nephi 10:4). Ke ayuweg mow e nina’ romow, ma dariy bi’id ni kug falfalen’ ni boed e rofen nem.

Napan ni gube leam nag gelngin ngog, muguy ni yafas rok e nina’ rog e be sapeg neg ngak Tathapeg ma ke dag ngog e n’en ni be yup’ fan ni ngan tinngiy pa’ e picha’an nike mul nga but, man gel nag bugun nike magawon (muguy ko D&C 81:5). Ke pagan’ ngak Yesus Kristus, nike pi’ gelngin “nib gel ko [birok]” (“Lord, I Would Follow Thee,” Hymns, no. 220).