Tum Uske Liye Bahumulye Ho

Jitna zyaada hum vishwa ke baare mein sikhte hai, utna hi zyaada hum samajhte hai—thoda sa bhi—jo Moses jaanta tha. Vishwa itna bada, adhunik, aur shaandaar hai ki woh manushye ke samajh se baahar hai. “Parmeshwar ne Moses se kaha ki Usne anginit duniyaaen banaai hai.”³ Raatri ki aasmaan ka nazaara ek sundar gawahi hai is sachchaai ka.

Kuch baate hai jisne mujhe aashcharyechakit kar diya is kadar jaise andheri raat mein samudra aur zameen ke upar se udna aur khidki se baahar dekhna un anginit sitaaro ki mahima ko.

Sitaaro ki jaanjh karne waalon ne vishwa ki sitaaro ki ginti karne ki koshish ki hai. Ek dal ke vaygyanikon ne anumaan lagaya ki sitaaro ki ginti unke telescopes ke anusaar 10 guna zyaada hai duniya ke samudri tat aur registaano ki ret (balu) se.⁴

Yeh khoj pracheen bhavishyevakta Enoch ki goshna ke samaan hai: “Usne kaha ki agar manushye ke liye sambhav hota dharti ke tukdon ko ginna, ya chahe is tarah ke saekdon dhartiyaan, shuruaat nahin hota Parmeshwar ki rachnaaon ki ginti ka.”⁵

Jab hum Parmeshwar ki rachnaaon ke baare mein sochte hai, yeh samajhna aasaan hai kyun mahaan Raaja Benjamin ne logon ko salaah diya tha ki woh “hamesha Parmeshwar ki mahaanta ko, aur apni khud ki tuchta ko yaad rakkhe.”⁶

Magar chahe manushye kuch bhi nahin hai(tuch), main phir bhi aashcharye mein hoon aur ajambhe mein “yeh sochkar ki Parmeshwar ki nazar mein aatmaaon ka mulye mahaan hai.”⁷

Aur jab hum vishwa ke bade aakaar ko dekhkar kehte hai, “Manushye kya hai agar rachna ki mahima se milaan kiya jaaye?” Parmeshwar ne khud kaha ki hum woh vajah hai ki Usne vishwa ko racha! Uska kaarye aur mahima—is vishaal vishwa ka lakshye—hai maanav jaati ko bachaana aur unnat karna.⁸ Dusre shabdon mein, anantta ka bada aakaar, anant antariksh aur samay ki mahima aur rahasye sabhi tumhare aur mere jaise saadhaaran maanav ke faede ke liye bane hai. Hamare Swarg ke Pita ne is vishwa ki rachna ki jisse hum Unke putra aur putriyaan banne ke lakshye tak pahunche.

Manushye ka yeh ek khandan hai: Parmeshwar ki tulna mein, manushye kuch bhi nahin; phir bhi Parmeshwar ke liye hum sab kuch hai. Jab anant rachna se tulna ki jaaye hum shaayad kuch nahin dikhte, hamare andar anant chingaari jal rahi hai. Hamare paas unnat jiwan ki na bayaan ho paane waala vaada hai—na khatm hone waali duniya—hamare kabze mein. Aur yeh Parmeshwar ki sabse badi ichcha hai ki hum use paa sake.

Woh bada dhokebaaz (shaetaan) jaanta hai ki uska ek aozaar Parmeshwar ke bachchon ko dhoka dene ka hai ki manushye ko tasalli dilaao ki woh khandit insaan hai. Kuch logon ke liye, woh unke ghamndi pan se jeetta hai, unhein achcha bolna aur prashansa karna apne khud ke mahatva aur shakti ka vishwaas dilakar. Woh unhein batata hai ki woh maamuli nahin rahe aur ki unki chamta, janmsidh adhikaar, ya saamuhik naam, woh apne aaspaas ki cheezon se behtar darje ke hai. Woh unhein samajhne mein majboor karta hai ki unhein kisi ke niyamon ko sunna nahin hai aur kisi ki musibaton ki parwaah nahin karna hai.

Abraham Lincoln ko ek shaayri pasand thi jiska bol hai:

Ishu Masih ke shishye samajhte hai ki anantta ki tulna mein hamari upasthiti is maranshil jiwan mein sirf “ek chote chan” ke liye hai anatriksh aur samay mein.¹⁰ Woh jaante hai ki ek insaan ka sahi mulye duniya ke bade mulye ke milaan se taalluk nahin rakhta. Woh jaante hai tum vishwa ki sabhi tarah ke paese ikattha kar sakte ho aur usse swarg mein to ek roti bhi nahin milegi.

Woh jo “Parmeshwar ke raajye mein prawesh karenge”¹¹ woh hain jo “bachche ki tarah, aagyakaari, vineet, deen, sahansheel, prem se paripurn” banenge.”¹² “Kyunki jo koi apne aap ko bada banaega woh chota kiya jaaega; aur jo apne aap ko chota banaaega, woh bada kiya jaaega.”¹³ Ayse shishye bhi samajhte hai “ki jab tum apne saathi ki sewa karte ho, tab tum apne Parmeshwar ki sewa karte ho.”¹⁴

Shaetaan ka dhokha dene ka ek aur tarika hai niraasha. Woh koshish karta hai hamare drishti ko apne khud me trutiyon dikhaana jab tak ki hum sandeh nahin karne lagte ki humme kuch yogyata hai ki nahin. Woh batata hai hamein ki hum bahut chote hai pehchanne ke liye, ki hamein bhula diya gaya hai—khaaskar Parmeshwar dwara.

Mujhe aapke saath ek niji anubhav baatne dein jo shaayad unhein sahayta dein jo maamuli, bhulaae hue, ya akele mehsoos kar rahein hai.

Kai varsh pehle mainne United States Hawaai Sena mein vimaan chaalak ki prashikshan liya. Main apne ghar se bahut door tha, ek jawaan Pakshim Germany ka saenik, Czechoslovakia mein paeda hua, jo Purab Germany mein bada hua aur Angrezi bhaasha bahut thik se nahin bolta tha. Mujhe achchi tarah apni prashikshan sthaan tak ki yaatra jo Texas mein tha yaad hai. Main ek hawaai jahaj par tha, ek yaatri ke bagal mein baetha tha jiska ghadu Dakshin swar tha. Mujhe uski ek bhi baat samajh mein nahin aa raha tha. Main sochne laga ki kya mujhe ab tak galat bhaasha sikhaya ja raha tha. Main bhaebheet tha yeh jaan kar ki mujhe behad maang ke unche vimaan chaalak prashikshan ke sthaan se mukaabla karna tha jinki Angrezi maatra bhaasha thi.

Jab main hawaai sthal par pahuncha Big Spring, Texas ke chote se shahar mein, mainne Antim-din Sant shaakha ko dhoondha aur paaya bhi, jismein kuch behtarin sadasye the jo bhaade ke kamron mein milte the hawaai sthal ke upar hi. Woh sadasye ek chota sabhaghar bana rahe the jo Girjaghar ka tikaau jagah banega. Un dinon mein sadasye hi naye imaaraton ko banane ke majdoor hua karte the.

Din prati din main apna vimaan chaalak ka prashikshan mein bhaag leta aur zyaada padhaai karta aur phir apna vyarth samay naye sabhaghar ko banane mein bitaata. Wahan mainne sikha ki 2x4 naachne ka kadam nahin par lakdi ka ek tukda hai. Mainne neela maarte samay bachaao ke zaroori anghuta bachaane waale hunar ko sikha.

Mainne itna samay sabhaghar par kaam karte bitaya ki shaaka pradhaan—jo hamare vimaan udaane ke ek shikshak the—ne chinta zaahir kiya ki shaayad mujhe zyaada samay padhaai mein bitaana chahiye.

Mere doston aur saathi vidyaarthi vimaan chaalakon ne khud ko fursat-ke-samay ke kaaryon mein jutaaya tha, haalaanki main yeh keh sakta hoon ki woh kaarye aaj ke For the Strength of Youth patrika ke anusaar nahin the. Mere hisaab se, main to chote pakchim Texas shaakha ka chust bhaag rehna pasand karta tha, apne carpentery ke naye hunar ko seekhne mein, aur apni Angrezi sudhaarne mein jab main elders parishad aur Raviwaar Paathshaala mein apni niyuktiyon ko pura karta tha.

Us samay mein, Big Spring, uske naam ke bajaae, ek chota, maamuli, aur benaam jagah tha. Aur main aksar waisa mehsoos karta apne liye—maamuli, benaam, aur kaafi akela. Phir bhi, mainne kabhi ek baar bhi nahin socha ki Prabhu ne mujhe bhula diya hai ya kya Woh mujhe yahan par dhoondh paayega. Main jaanta tha Swarg ke Pita nahin jaanna chahate the main kahan tha, vimaan chaalak prashikshan kaksha mein main kitna aage tha, ya Girjaghar mein meri niyukti kya thi. Uske liye zaroori tha ki main apne hit mein sabse behtar kar raha tha, ki mera dil Usse prem karta tha, aur ki main apne aaspaas ke logon ki madad karna chahata tha. Main jaanta tha ki agar main apne had mein sabse behtar karunga, sab thik rahega.

Aur sab thik tha.¹⁵

Prabhu parwaah nahin karta ki hum sangemarmar ke mahal mein kaam karte guzaare ya astabal mein. Woh jaanta hai hum kahaan hai, chaahe kitne vinamra hamare paristhitiyaan ho. Woh istemaal karega—Apne tarike se aur Apne pavitra lakshye ke liye—unhein jo Unse prem karte hai.

Parmeshwar jaanta hai ki kuch bahut mahaan aatmaaen jo kabhi jiwit the woh the jo kabhi itihaas ki kahaniyon par nahin paaye jaayenge. Woh ashirvaad bhare, vinamra log hai jo Uddhaarkarta ka uddhaaran apnaate hai aur apne jiwan ke din achchaai karte bitaate hai.¹⁶

Ek aysa dampati tha, mere ek dost ke maata-pita, jinhonne is uddhaaran ko pesh kiya mere liye. Pati Utah ke ek lohe ke kaarkhaane mein kaam karta tha. Dopahar ke samay woh apna dharamshaastra ya Girjaghar patrika leta aur padhta. Jab anye karamchaari yah dekhte, woh unpar haste aur unke vishwaas ko lalkaarte. Jab bhi woh log aysa karte, woh unse achchi tarah aur nishchaypurwak baate karta. Woh unke durvyavahaar se na gussa ya pareshaan hota.

Varshon baad unmein se ek chedne waala bahut beemaar ho gaya. Marne se pehle usne chaaha ki yeh vinamra aadmi uske antim sanskaar par bole—jo isne kiya.

Girjaghar ke is vishwaasi sadasye ke paas manoranjan ya dhan ki padwi nahin thi, magar uske prabhaao ne un sab par gehra asar daala jo unhein jaante the. Woh ek industrial ghatna mein maara gaya kisi anye karamchari ko madad karte hue jo barf mein fasa tha.

Ek hi varsh ke andar uski vidhwa dimaag ki surgery se guzri, jisse woh chal nahin sakti. Magar log uske saath samay bitaana pasand karte hai kyunki woh sunti hai. Woh yaad rakhti hai. Woh khyaal rakhti hai. Likhna nahin jaanti, woh apne bachchon aur naati-poton ke phone numbar yaad rakhti hai. Woh prem se janam din aur saal gira yaad rakhti hai.

Jo unse bhent karte hai woh jiwan aur khud ke baare mein behtar mehsoos karne lagte hai. Woh unka prem mehsoos karte. Woh jaante ki woh khyaal rakhti hai. Woh kabhi shikayat nahin karti magar apne din auron ke jiwan mein ashirvaad laane ke liye bitaati. Uske ek dost ne kaha ki yeh mahila kuch mahilaaon mein se hai jo sachche tarike se Ishu Masih ke prem aur jiwan ko bita rahi hai.

Yeh dampati shaayad pratham kehne waale hote ki woh is duniya ke liye bahumulye nahin hai. Magar Prabhu duniya se bahut alag tarazu istemaal karta hai ek aatma ka wajan tolne ke liye. Woh is vishwaasi dampati ko jaanta hai; Woh unse prem karta hai. Unke kaarye Unmein mazboot vishwaas ka ek jiwit gawahi hai.

Bhaaiyon aur bahanon, shaayad yeh sach hai ki manushye kuch bhi nahin hai vishwa ki tulna mein. Kabhi kabhi hum maamuli, benaam, akela, ya bhulaae hue mehsoos karte hai. Magar hamesha yaad rakhna—tum Unke liye bahumulye ho! Agar tumhe ispar koi shak ho, tab in chaar divye siddhaanton par gaur karo:

Pehla, Parmeshwar vinamra aur aagyakaari se pyaar karta hai, kyunki woh “swarg ke raajye mein bada hoga.”¹⁷

Dusra, Prabhu “[Apne] susamachaar ki sachchaai [ko] nirbal aur saadharan ke haathon duniya mein prachaar karne ke bharosa mein hai.”¹⁸ Unhonne “duniya ke nirbalon ko chuna saamne aaye aur balwaan aur mazboot [ko] haraae”¹⁹ aur “jagat ke nirbalon ko chun liya hai ki balwaano ko”²⁰ lajjit karein.

Teesra, chaahe jahan bhi tum raho, chahe tumhare paristhiti kitne vinamra ho, tumhare naokri kitni choti ho, tumhare kaabliyat chahe kitni kam ho, chahe tumhare rup kitna saadhaaran ho, ya Girjaghar mein tumhari niyukti kitni choti dikhti ho, tum apne Swarg ke Pita ke nazro se chipe nahin ho. Woh tumse prem karta hai. Woh tumhare vinamra dil ko jaanta aur tumhare pyaar aur daya ke kaarye ko bhi. Saath mein, yeh ek anant gawahi banta hai tumhare wafadaari aur vishwaas ka.

Chautha aur antim, kripya samjhe ki jo tum dekhoge aur anubhav karoge abhi woh anantta mein bhi hoga. Tum akelapan, dukh, peeda, ya niraasha hamesha nahin mehsoos karoge. Hamare paas Parmeshwar ka vaada hai ki Woh kabhi na hamein chodega ya tyaagega²¹ agar hum Unse prem karenge. Us vaade par aasha aur vishwaas rakkho. Apne Swarg ke Pita se prem karna aur Uska chela banna sikho vaani aur karm mein.

Aashwaasan rakkho ki agar tum sirf jhelo, Unmein vishwaas karo, aur aagyaaon ka paalan karne mein vishwaasi raho, ek din tum apne aap anubhav karoge un vaadon ko jo Devdut Paul ko diya gaya tha: “Jo baatein aankh ne nahin dekhi, aur kaan ne nahin suni, aur jo baatein manushye ke chit mein nahin chadi, woh hi hain jo Parmeshwar ne apne prem rakhnewaalon ke liye tayyaar ki hai.”²²

Bhaaiyon aur bahanon, vishwa mein sabse shaktishaali Jiu hai tumhare aatma ka Pita. Woh tumhein jaanta hai. Woh tumse prem karta ek sampurn prem se.

Parmeshwar tumhein sirf kuch samay ke liye jiwit ek chote sthaan par rehne waala ek maranshil jiu ki tarah nahin dekhta—Woh tumhein Apne bachche ki tarah dekhta hai. Woh tumhein kuch banne ke kaabil aur kisi khaas vajah ke liye bana dekhta hai. Woh tumhein batlana chahata hai ki tum Uske liye bahumulye ho.

Hum sab vishwaas kare, bharosa rakkhe, aur apne jiwan ko ayse jiye ki hum apna sachcha anant yogyata aur sambhavta ko samajh sakein. Hum yogye rahein un bahumulye ashirvaadon ke liye jo hamare Swarg ke Pita ne hamare liye rakkha hai yeh mera prarthna Unke Putra ke naam se, haa Ishu Masih hi, amen.