Tekem Wan Jalenj blong Talem Tangkyu

Bae yumi no tokbaot nomo fasin blong stap kaontem ol blesing—bae yumi mekem! Raetemdaon wan lis blong 100 samting we yu wantem talem tangkyu from. Sapos hemia i plante tumas, traem hemia:

1. Raetemdaon 10 samting we yu save mekem long han blong yu, mo we yu stap talem tangkyu from.

2. Raetemdaon 10 samting we yu gat we hem i blong yu, mo we yu stap talem tangkyu from.

3. Raetemdaon 10 pipol we oli stap laef we yu stap talem tangkyu from.

4. Raetemdaon 10 pipol we oli ded mo we yu stap talem tangkyu from.

5. Raetemdaon 10 samting we oli stap laef raon long yu we yu stap talem tangkyu from.

6. Raetemdaon 10 samting abaot tedei we yu stap talem tangkyu from.

7. Raetemdaon 10 ples long wol we yu stap talem tangkyu from.

8. Raetemdaon 10 samting we man i krietem long taem tedei we yu stap talem tangkyu from.

9. Raetemdaon 10 kaekae we yu stap talem tangkyu from.

10. Raetemdaon 10 samting abaot gospel we yu stap talem tangkyu from.

Taem yumi mekem wan lis olsem ia yumi faenemaot se lis blong 100 hem i stat nomo blong evri samting we God i bin givim long yumi.