Rave i te hoê titauraa aau mehara

Eiaha e paraparau noa no ni‘a i te tai‘oraa i ta tatou mau haamaita‘iraa—ia rave râ ! A papa‘i i te hoê tapura no te 100 ohipa ta outou e mauruuru nei. Ua rahi roa ana‘e i to outou mana‘o, a tamata i teie :

1. A papa‘i 10 o te mau ite pae tino ta outou e mauruuru nei.

2. A papa‘i 10 o te mau faufaa materia ta outou e mauruuru nei.

3. A papa‘i i te i‘oa o na 10 taata ora o ta outou e mauruuru nei.

4. A papa‘i i te i‘oa o na 10 taata tei pohe o ta outou e mauruuru nei.

5. A papa‘i 10 ohipa no ni‘a i te natura ta outou e mauruuru nei.

6. A papa‘i 10 ohipa no teie mahana ta outou e mauruuru nei.

7. A papa‘i 10 vahi i ni‘a i te fenua nei ta outou e mauruuru nei.

8. A papa‘i 10 rave‘a apî o teie tau ta outou e mauruuru nei.

9. A papa‘i 10 maa ta outou e mauruuru nei.

10. A papa‘i 10 ohipa no ni‘a i te evanelia ta outou e mauruuru nei.

Ia hamani ana‘e tatou i te hoê tapura mai teie te huru, e ite atu tatou aita roa te tapura no te 100 e haamata i te tu‘ati i te aanoraa o te mau mea ta te Atua i horo‘a mai na tatou.