Mulwol ni Ngan Fil ni Ngan Nang, December 2011

N’en nib Liyeg Dad nibe Mithmith

Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Ulung ko ppin ko Galasia e bang ko yafas rom nib mangil.

Mich • Tabinaw • Ayuw

Somoel, Galasia Rok, pi tabinaew, nge lan binaew e ba tu’uf e bpin nib mangil. Machane, i Elder M. Russell Ballard ko fare Ulung ko fare Ragag nge L’agruwi Apostle ni ke sul u dakean ni ga’ar, “gubin e walagey nib piin u lan e re Galasia ney nike rrin’ fapi m’ag ku Somoel ni bay mot’won nib thothup ni ngan ayuweg e pi ya’al, man gagiyeg nag e piin u dakean e fayleng, man gel nag e pi tabinaew u Zion, man toey fare tafen Got.”¹

Boech e bpin e ra laem’, nag fa’anra rayog ni ngar rrin’ed e tinem e bin’en. Machane rogon nike weliy, i Eliza R. Snow (1804–87), bin l’agruw e general president ko Ulung ko bpin ko Galasia, “Dariy reb e bpin ni i go’ ir, ma n’en nib liyeg e ba achig machane n’en ni rayog ni nge rrin’ nib mangil i yaen i toey fare Gililngun Got u dakean e fayleng.”² Sister Snow e ke fil ni Ulung ko bpin ko Galasia e kan yarmiy ni “fan ko n’en ni yibe rrin’ ko muruwel nib mangil mab yul’yul’.”³

Un ko Ulung ko bpin ko Galasia e ma ga’ nag e n’en nib liyeg dad ni ra reb e bpin man ayuweg ni nge toey e mich rok, me gel nag e pi tabinaew, me pi’ e ayuw u lane tabinaew u ga’m’un yang u fayleng. Machane, murwel rodad ni i go’ gadad ma gadad ni Ulung ko bpin ko Galasia e dani tu’uf ni nge ga’ nge mangil, machane ngarin tunom me fal’ rogon. Pin’en ni yibe rrin’ nib mangil ni gubin e ngiyal’ ni gabe meybil ni go’ gur fa tabinaew, chep nib thothup ni ngan fil ni gubin e raan, nge pong u Galasia e ra i ayuweg nem ni nge gel e mich rom mag toey e gililngun Somoel.

Ngak e bpin nima lem nag ni fa’anra pin’ey e ma thilyeg ban’en, ke ga’ar Elder Ballard: “Gubin e bpin nibe sak’iy ni fan ko n’en nib riyul’ nge mangil e ma taleg e tin tagan ban’en. Gubin e bpin nima gel nag me ayuweg e tabinaew rok e ma rrin’ e murwel ku Got. Gubin e bpin nima paer u pa’ Got e ma mang e ban’en nib mangil ni fan ko boech e gidii’ ni ngan leak man yung e awoch ko n’en nib mangil ni ran kay ni bukum e duw ni bay yib.”⁴

Ko fapi chep nib thothup

1 Korinth 12:4–18; 1 Timothy 6:18–19; Mosiah 4:27; Pi Kenggin Lik’ngin e Mich1:13

Kakrom Rodad

Eliza R. Snow, nike murwel nib secratari napan nikan yarmiy e Ulung ko bpin ko Galasia u Nauvoo, ni President Brigham Young (1801–77) e ke pining ninge chuur ko fare Galasia, ninge ayuweg e pi bisof ni ngan yarmiy e Ulung ko bpin ko Galasia u lane ward rorad.

Ke fil Sister Snow ni: “Fa’anra bay bee’ ni bpin nge nina’ ni yaed be thamiy rorad ni gathi ribe thamiy nib gel u lane n’en nib liyeg raed, ma chiney e yaed ra pir’eg e bukun e n’en nib mangil ni fan ko gelngiy nge n’en ni ngan rrin’ ni fan ko mangil ni kan tay raed ngay. … President Young e ke cheleg fare kiy n’en nib liyegey nib ga’ ma ba ga’ fan.”⁵

© 2011 ko Intellectual Reserve, Inc. Gubin ni mat’won ma bay. Nni yoloy u Mariken. Kan micheg ko thin nu Ngalis: 6/10. Micheg nag i pilyeg: 6/10. Ni pilyeg ko Visiting Teaching Message, December 2011. Yapese. 09772 905

Mange Rayog nggu Rin’?

Urogon ni rayog ni ngug ayuweg e bpin ni walageg ni guma guy mug mithmith ko pin’en ni yad ba cheg riy ni ngar mangil gad?
Urogon ni ngug muruwel ko pi tawa’ath rog ni ngug fal’eg wathan boech e gidii’?