Ahi Kapakap en Pwoson

Ni ansou me I sounpar 18, I kin doadoahk duwen soun netinet nan sidohwahn dipwisoun nan ihmw. Ahi ansou kan en doadoahk me inenen apwal. I kin doadoahk sang 8:00 nimenseng lel 10:00 nihpwong, Niehd lel Rahn Kaunop. I kin nsensuwed pwehki I sohte kin kak iang towehda institute oh kemwekid kan en Mwomwohdiso.

I tepida kapakap ong Sahm Nanleng ni pwoson laud pwehn peki Reh en seweseie kilangada doadoahk me I sohte pahn anahne doadoahk Rahn Kaunop pwe I en kin kak iang towehda institute oh kemwekid teikan.

Ehu rahno I sewsewese ohl emen ni ahi wasahn doadoahko. Se tepida koasoai, oh e nda me e doadoahk nan lapalahn bank ieu. I idek ia duwen ahi pahn kak iang siaiki alehdi ehu doadoahk nan pesnes wet. E kihieng ie edeo oh nah nempehn delepwohn oh ndahieng ie me I kak delepwohnlahng me pahn kihda doadoahko oh ndahieng me I ese ih. I kohla ni bank-o oh alehdi test kan me anahn. I pahs oh tepida doadoahngki awa weneu rahn ehu sang Niehd lel Nialem, oh kin alepweipweiki pahn pak siluh laudsang me I kin alehdi mahs.

I ese me Kauno kin ketin kaweidih kitail ni atail kin inangih patohwanda Ih mwohn mehkoaros. E ketin kawkaweidihie leledohr rahn wet. I ese me tepin padahk en kapakap, mehlel.