Ta’u pure faaroo

I te ahuru ma va‘uraa o to’u matahiti, ua rave au i te ohipa ei hoo tao‘a i roto i te hoê faretoa hooraa tauihaa fare. E mea teimaha roa ta’u tarena hora ohipa. E rave au i te ohipa mai te hora 8 i te po‘ipo‘i e tae atu i te hora 10 i te pô, mai te monire e tae roa’tu i te mahana maa. Ua oto roa vau i te mea e, aita i ti‘a ia’u ia haere i te haapiiraa evanelia na te feia apî paari e i te mau faaoaoaraa a te Ekalesia.

Ua hamata vau i te pure i te Metua i te Ao ra ma te faaroo rahi no te ani Ia’na ia tauturu mai ia’u ia itehia te hoê ohipa aita vau e rave i te mahana maa, e nehenehe ïa ia’u ia haere i te haapiiraa evanelia e i te tahi atu mau ohiparaa.

I te hoê mahana, i te ohipa, ua tauturu vau i te hoê taata. Ua haamata a‘era maua i te paraparau, e ua na ô mai oia e, te rave ra oia i te ohipa i roto i te hoê fare moni rahi. Ua ani atura vau e, nahea e ti‘a ai ia’u ia tata‘u no te hoê ohipa i roto i te reira fare. Ua horo‘a mai oia ia’u i to’na i‘oa e te numera niuniu e ua parau maira ia’u ia niuniu i te taata tihepu e ia parau e, ua matau vau ia’na. Ua haere au i te fare moni e ua faaoti au i te mau hi‘opo‘araa i titauhia. Ua manuïa vau e ua haamata vau i te rave i te ohipa e ono hora i te mahana mai te monire e tae atu i te mahana pae, ma te aufau-hau-hia i ta’u i aufauhia na mua a‘e.

Ua ite au e, e arata‘i te Fatu ia tatou ia hinaaro ana‘e tatou e tuu Ia’na na mua. Te arata‘i noa nei oia ia’u i teie mahana. Ua ite au e, e parau mau te parau tumu o te pure.