Ko Hono ʻOmi ʻo e Palaimelí ki ʻApí
ʻOku Akoʻi Au ʻe he Kau Palōfita Moʻuí Ke u Fili ki he Totonú
ʻE lava ke ke fakaʻaongaʻi e lēsoni mo e ʻekitivitī ko ʻení ke lahi ange ai hoʻo ʻilo ki he kaveinga ʻa e Palaimelí ki he māhina ní.
Naʻe mamata ʻa Kilisitina kia Palesiteni Tōmasi S. Monisoni he lā ʻoku ʻasi mai ai e ʻatá ʻi honau senitā fakasiteikí lolotonga e konifelenisi lahí. Naʻá ne lea kau ki he angalelei ki he niʻihi kehé. Naʻe ongoʻi māfana ʻa Kilisitina ʻi heʻene fanongó. Naʻá ne ʻiloʻi ko Palesiteni Monisoní ko ha palōfita ia ʻa e ʻOtuá. Naʻá ne fakakaukau kia Lia, ko ha taʻahine he akó ʻoku angakovi ange ki ai. Naʻá ne loto leva ke angalelei kia Lia pea feinga ke hoko ko hano kaungāmeʻa. Naʻe loto ʻa Kilisitina ke muimui he akonaki ʻa e palōfitá.
Kimuʻa pea tutuki ʻa Sīsū Kalaisí, naʻá Ne ui ʻa e ʻAposetolo ko Pitá ke tataki Hono Siasí. Naʻe maʻu ʻe Pita ʻa e fakahā ki he Siasí pea tataki e kakai ʻo Kalaisí ʻi he hala totonú. ʻI he ʻahó ni, ʻoku tataki ʻe Palesiteni Tōmasi S. Monisoni ʻa e Siasí, ʻo hangē pē ko Pitá.
Fakafanongo fakalelei he taimi ʻoku lea ai e palōfitá. ʻE lava ke tokoni ʻene akonakí ki hoʻo ngaahi palopalemá mo e faingataʻá. Te ne tataki maʻu pē koe ʻi he hala totonú, pea ʻe tāpuekina koe ʻi hoʻo muimui kiate iá.
Ngaahi tā fakatātā ʻa Thomas S. Child